Novo paso adiante no proxecto de mellora da estrada Cedeira-Valdoviño

Zona actuación

O alcalde de Valdoviño, Alberto González, informou esta mañá dun novo avance para materializar o proxecto de mellora da estrada de Cedeira ao seu paso por Valdoviño, que impulsan os dous concellos da man da Xunta de Galicia cun investimento de 4,6 millóns de euros, incluído o pagamento das expropiacións dos 136 predios necesarios para esta actuación.
 

O Concello promove un curso online e presencial de protección e medidas de hixiene fronte ao COVID para a hostalería

Cartaz da iniciativa

O Concello de Valdoviño, a través da Concellería de Sanidade, anunciou esta mañá que organizará un curso de protección e medidas de hixiene fronte ao COVID-19 dirixido ao sector hostaleiro. Completamente gratuíto, estará impartido polo doutor Francisco Rascado.
 

O Concello iniciará este xoves o reparto gratuíto de mascarillas hixiénicas para @s veciñ@s maiores de 70 anos

Mascarillas

O alcalde, Alberto González, informou esta mañá de que o Concello iniciará mañá xoves o reparto gratuíto de mascarillas entre os veciños e veciñas de 70 anos en adiante. Realizarase a través da Agrupación Local de Voluntarios de Protección Civil de Valdoviño e en colaboración coas asociacións de veciños, que ceden os seus locais como base de operacións. Para acceder a estes recursos é imprescindible estar empadroado/a no municipio.
 

As obras de mellora do acceso á praia de Pantín, a contratación cun investimento de 171.224,72 euros

Vial no Ariño

As obras de mellora da accesibilidade e a seguridade peonil no acceso ao Ariño, en Pantín, están en contratación por un importe de 171.224,72 euros. O prazo de presentación de ofertas concluirá o vindeiro 5 de xuño e o Concello financiará a intervención con cargo aos fondos adicionais do Plan Único (POS+2019) da Deputación provincial da Coruña, cun prazo de execución de catro meses.
 

A Mancomunidade mostra o seu apoio á candidatura do xeoparque do Cabo Ortegal

Xuntanza da Mancomunidade onte

A Mancomunidade de Concellos da Comarca de Ferrol celebrou onte pola tarde o seu primeiro pleno presencial dende a declaración do estado de alarma debido á epidemia da COVID-19, o pasado 14 de marzo. Nesta xuntanza, os representantes dos municipios acordaron mostrar o seu apoio á candidatura de Xeoparque Mundial do Cabo Ortegal, presentada recentemente por Cariño, Cerdido, Cedeira, Moeche, Ortigueira, San Sadurniño e Valdoviño.

Arte para a Oficina Municipal de Turismo

Oficina Municipal de Turismo

A artista local Blanca Escrigas completou esta fin de semana o mural que, a partir dagora, decora a Oficina Municipal de Turismo de Valdoviño, sita en plena Porta do Sol. Unha auténtica obra de arte que tivo o seu orixe nun debuxo que o pasado ano fixo tras un día de praia na Frouxeira. A paisaxe foi, simplemente, a súa inspiración. Así mesmo, Blanca ampliou o mural ata un vello poste contiguo á oficina, que tamén luce agora as cores do mural.

O Concello tramitou máis de medio centenar de expedientes de obra no que vai de ano

Casa consistorial Valdoviño

O alcalde de Valdoviño, Alberto González, informou esta mañá de que nestes primeiros cinco meses do ano o Concello tramitou un total de 53 expedientes de obra. Deles, 40 correspondéronse con obras menores como reparacións de cubertas, actuacións en piscinas, construcións de peches… ; outros 8 con obras maiores, tanto construcións novas como rehabilitación de vivendas, e outras 3 de inicio de actividade. E é que a actividade no departamento municipal de Obras non se viu interrompida polo estado de alarma decretado a raíz do COVID-19.

A Xunta notifica que a calificación das augas das praias de Valdoviño é excelente

A auga das praias de Valdoviño, coa calificación de excelente

A Xunta de Galicia, a través da Consellería de Sanidade, vén de notificar ao Concello de Valdoviño a clasificación sanitaria final da auga das praias para o 2020, que califica de excelente. O informe alude ás seguintes zonas: Baleo, Campelo, Frouxeira, Meirás, Mourillá, Pantín e Vilarrube.
 
A clasificación sanitaria final será vixente para a tempada 2020 e, tal e como recolle a normativa, o Concello informará da mesma aos usuarios/as nas inmediacións dos areais.
 

O Concello de Valdoviño abre o proceso de contratación de 4 peóns e 1 albanel oficial

Casa consistorial de Valdoviño

O Concello de Valdoviño procederá á contratación de 4 peóns e 1 albanel oficial de segunda con cargo a unha achega de 43.000 euros procedentes do programa PEL-Concellos da Deputación provincial. Os contratos serán a xornada completa por espazo de 5 meses. Así, as persoas interesadas nas prazas poderán presentar a instancia correspondente no Rexistro Xeral a partir de mañá luns 18 de maio e por espazo de 5 días naturais.
 

Aprobadas exencións no pago da tasa do lixo para empresas e autónomos obrigados ao cese de actividade polo COVID-19

Casa consistorial Valdoviño

Empresas e traballadores/as autónomos/as que se visen obrigados ao peche ou cese de actividade a raíz do estado de alarma imposto polo COVID-19 poderán solicitar unha exención do pago da tasa do servizo de recollida do lixo. Así o aprobou o executivo municipal que preside Alberto González na reunión da Xunta de Goberno Local celebrada no día de onte. Foi esta unha das medidas anunciadas no último pleno, celebrado a semana pasada.

Páxinas

Subscribirse a noticias