Un cumpreanos un pouco máis alegre para os nenos e nenas de Valdoviño

Cartaz da iniciativa

O Concello de Valdoviño e Protección Civil propuxéronse darlles unha sorpresa e, con sorte, arrincarlles un sorriso a todos os nenos e nenas de Valdoviño que estén de cumpreanos nestes días de confinamento obrigado polo coronavirus. Con esta intención, e a petición dos seus pais e nais, acudirán nesas datas tan sinaladas ata as inmediacións dos seus fogares cos vehículos municipais. Alí, farán soar as sereas e activarán as luces para acompañar o cumpreanos feliz.
 

Os traballos realizados na antena do Coval ampliarán o alcance do sinal de televisión, telefonía e Internet

Antena do Coval

A instancias do Concello, Movistar completaba no día de onte os traballos eléctricos na antena municipal do Coval, necesarios para mellorar as comunicacións no municipio e, nomeadamente, evitar os problemas de recepción do sinal en zonas de Loira, Pantín, Vilaboa e Vilarrube.
 

Gairesa dona ao Concello de Valdoviño 135 litros de xel desinfectante

O Concello recepcionou esta mañá o material

A empresa química Gairesa donou esta mañá ao Concello de Valdoviño 135 litros de xel desinfectante para distribuír entre os servizos sociosanitarios do municipio.
 
Gairesa, empresa española líder na formulación e fabricación de resinas epoxi, poliuretanos, imprimacións, adhesivos de metacrilato e pinturas acrílicas, con sede en Valdoviño, concentrou nos últimos días a súa producción para facer posible este material, hoxe en día clave como medida de protección contra o coronavirus. Un exemplo de compromiso e solidariedade.
 

Únete ao movemento solidario en Valdoviño para impulsar a fabricación de pantallas faciais con impresoras 3D

Alex Beceiro

Primeiro foi a nivel estatal, logo autonómico e agora a nivel local. En Valdoviño vén de constituírse un grupo de «makers» voluntarios/as unidos/as por un obxectivo común: fabricar pantallas faciais de protección contra o coronavirus a través das impresoras 3D. Un movemento aberto á participación de todas e de todos.

As mulleres da Asociación María del Mar Becerra poñen as súas máquinas de coser a funcionar para confeccionar mascarillas

Charo Guerra, da asociación

«Porque toda axuda é pouca», as socias da Asociación de Mulleres do Rural María del Mar Becerra puxeron a funcionar as súas máquinas de coser para elaborar mascarillas de protección contra o coronavirus. Charo Guerra, da asociación, explica que queren axudar así nesta difícil situación, e que será o Concello de Valdoviño o encargado de recepcionar o material para o seu posterior reparto entre os servizos sociosanitarios.
 

O Concello de Valdoviño activa un servizo de apoio a persoas afectadas de alzheimer e ás súas familias

Cartaz do servizo

O alcalde, Alberto González, informou esta mañá da posta en marcha dun servizo de apoio e seguemento dirixido ás persoas afectadas de alzheimer e/ou outras demencias e ás súas familias. Un servizo que tentará dar resposta ás necesidades detectadas nos últimos días motivadas pola situación de confinamento. Prestarase a través de Afal -Asociación de Familiares de Enfermos de Alzheimer de Ferrol e comarca- e, nestes primeiros días, o equipo de profesionais estase a poñer en contacto cos/as veciños/as que acudían ata o momento ás terapias específicas que desenvolvía o Concello.

O Concello propón á veciñanza crear un álbum de imaxes antigas de Valdoviño

Cartaz da iniciativa

O Concello de Valdoviño propón un reto a veciñas e veciños en redes sociais neste tempo de confinamento obrigado polo coronavirus. Así, propón rebuscar nos caixóns da casa e compartir en facebook fotografías antigas do municipio. Cada día, cunha temática diferente. A fórmula é sinxela:
 
-Estar atentos á temática proposta no día polo Concello a través da súa páxina de Facebook
-Seleccionar as imaxes
-Subilas a Facebook e etiquetar ao Concello (@concellodevaldovino)
 

O Concello de Valdoviño levará a cabo unha desinfección diaria de instalacións municipais e locais comerciais

Tarefas de desinfección

O alcalde de Valdoviño, Alberto González, informou esta mañá de que o Concello iniciou esta mañá unha campaña de desinfección de instalacións e vehículos municipais e establecementos comerciais e profesionais con atención presencial. Tarefas que desenvolve a empresa especializada INSA.
 
Iniciábanse nos vehículos de Policía Local, continuaban na casa consistorial e proseguían en establecementos comerciais (levaranse a cabo, entre outros, nas tres cooperativas con supermercado, farmacias, panaderías, comercios…).
 

O Concello de Valdoviño recollerá a domicilio as donacións particulares de material para servizos sociosanitarios

Campaña recollida material

O alcalde de Valdoviño, Alberto González, fixo un chamamento á veciñanza e aos negocios locais para sumarse á donación de material dirixido aos servizos sanitarios e sociosanitarios co que afrontar a atención nesta situación de alerta, á espera de recibir máis recursos. Precisamente, o Concello entregaba onte á noite unha remesa de mascarillas no centro hospitalario de Ferrol e, dende hoxe, recollerá a domicilio as donacións realizadas pola cidadanía e trasladaraas ás instalacións sanitarias.
 

Aviso visitas cemiterios

O Obispado de Mondoñedo Ferrol vén de comunicar ao Concello de Valdoviño o peche provisional dos cemiterios do municipio ás visitas. A medida manterase vixente ata novo aviso
 

Pages

Subscribe to noticias