Taller municipal de avellentamento activo: Estimulación cognitiva

O Concello programa un obradoiro de estimulación cognitiva dirixido a todas as persoas empadroadas en Valdoviño que teñan de 60 anos en adiante. Esta actividade impartirase na Biblioteca Municipal, os martes de 17:00 a 18:15 horas, e nun local en Meirás, os xoves de 09:30 a 10:45 horas, ata o mes de maio de 2016.
 
O taller traballará a memoria, fixación e atención, contando con material bibliográfico e lúdico específico.
 

O Concello incorpora novos viais

O Concello de Valdoviño será propietario dun tramo da estrada AC-116 (Catabois-Valdoviño), arredor da glorieta de Robles, e de elementos auxiliares da vía Narón-Campo do Hospital (AC-566), entre os que se inclúen zonas de estacionamento, paradas de autobuses e beirarrúas.
 

Colaboración cultural entre concellos

Representantes políticos e técnicos de Cultura dos concellos de Valdoviño, Cedeira, Cariño, Ortigueira, San Sadurniño, Cerdido e Moeche reuníronse este venres en Cedeira para valorar a posibilidade de levar a cabo proxectos conxuntos e diversas colaboracións nesa área.
 
Logo dunha primeira toma de contacto positiva, estes concellos da comarca continuarán a traballar na concreción de propostas comúns que permitan dar mellores servizos aforrando custos.

Bando: Consulta do censo electoral

A alcaldesa accidental de Valdoviño, Rosa Ana García, vén de publicar un bando (Bandos) no que informa da posta a disposición pública do censo electoral do Concello. O prazo de consulta vai do 2 ao 9 de novembro (inclusive), nas oficinas municipais, Negociado de Estatística.
 
Para máis información hai un teléfono de chamada gratuíta: 901 101 900.

Liga galega de tiro con arco

Cartel da competición

A liga galega de tiro con arco 2015 dispútase en Valdoviño. O pavillón municipal do Longoiro abre este sábado 31 de outubro as competicións, con entrada de balde.
 
As probas en modalidade de arco recurvo comezarán as 17:00 horas e continuarán os días 14 de novembre e 12 de decembro (a gran final).

Valdoviño, escenario de cine

Foto: Juan Luis Rúa

O entorno da capela do Porto foi estes días escenario da rodaxe do filme Sol y Luna, unha coprodución hispanodominicana dirixida por Jose Enrique Pintor e protagonizada por Frank Perozo e Nerea Barros.
 
A mesma zona de Meirás foi tamén protagonista a semana pasada da rodaxe dun capítulo da serie Hospital Real (Televisión de Galicia).
 

Valdoviño e Cerdido, exemplo de colaboración entre administracións

A alcaldesa en funcións de Valdoviño, Rosa Ana García, e o alcalde de Cerdido, Benigno Galego, veñen de suscribir un convenio de colaboración entre ambas as dúas administracións para compartir os servizos do arquitecto municipal.
 

Cinema: "Oz, un mundo de fantasía"

A concellería de Cultura programa unha sesión de cinema para a tarde deste domingo, coa proxección de Oz, un mundo de fantasía.
 
O filme, con entrada de balde e dirixido a todos os públicos, comezará ás 17:30 horas no Auditorio da Casa da Cultura.
 
Argumento: Óscar Diggs, un mago de circo de dubidosa reputación, ten que abandonar a cidade de Kansas chea de poeira e transladarse ao brillante País de Oz. Está convencido que a partir de agora a fama e a fortuna lle sorrirán. Mais, cando unhas bruxas aparecen, comezará a ter problemas…

Día das Bibliotecas

24 de outubro, Día das Bibliotecas
24 de outubro, Día das Bibliotecas

Este sábado 24 é o Día das Bibliotecas. Como non podía ser doutra forma, o Concello de Valdoviño celebrará a efeméride. Animádevos e visitádea.

Retirados máis de 70 niños de vespa velutina en Valdoviño

A Agrupación de Protección Civil de Valdoviño e Tragsa retiraron no que vai de ano máis de 70 colmeas de vespa velutina en todo o municipio. Oito niños máis están localizados e pendentes de retirada, mentres que hai outros que pola súa localización aínda non se puideron eliminar.
 
Para afrontar a gravidade da invasión da vespa asiática, que vai moito máis alá dun problema apícola, o Concello está a formar na materia ao persoal de Protección Civil, á vez que adquiriu dous traxes específicos para traballar na retirada destes niños.

Páxinas

Subscribirse a noticias