Valdoviño ofrece ás familias de persoas afectadas de alzheimer e outras demencias o curso gratuíto “Coidar ao coidador”

Dotar ás persoas coidadoras de coñecementos, estratexias e habilidades que as axuden a entender a enfermidade de alzheimer e a manexar as situacións que leva o coidado dunha persoa afectada é o obxectivo da acción formativa que o Concello de Valdoviño e AFAL Ferrolterra desenvolverán os días 3 e 4 de outubro no salón de plenos da casa consistorial. Un curso gratuíto pero que require de inscrición previa. Así, as persoas interesadas en tomar parte deben anotarse no departamento municipal de Servizos Sociais (pranta baixa da casa consistorial ou teléfono 981 48 70 41).

O Concello de Valdoviño celebra este domingo a IV Volta ás Forcadas

O concelleiro de Deportes, Sergio Saavedra, animou esta mañá á veciñanza a tomar parte este domingo, 22 de setembro, na IV edición da carreira Volta ás Forcadas. Así, as persoas interesadas en anotarse aínda poden formalizar a súa inscrición na web www.galitiming.com. O prazo conclúe este xoves 19 de setembro e o prezo para as categorías sénior é de 4 euros, namentras que para o resto é gratuíta.
 

O Concello de Valdoviño abre este mércores a inscrición na Peregrinaxe a Santo André

O alcalde de Valdoviño, Alberto González, informou esta mañá da apertura do prazo de inscrición na Peregrinaxe a Santo André que organiza o Concello ao abeiro do proxecto «Dende os Camiños de Peregrinación ata o Xacobeo», cofinanciado pola Xunta de Galicia no marco do programa «O Teu Xacobeo». Precísase de inscrición previa. Debe formalizarse na Casa da Cultura de Valdoviño este mércores 18 de setembro (só para as persoas empadroadas en Valdoviño) e o xoves 19 e venres 20 de setembro (persoas empadroadas en Valdoviño e resto de concellos). O horario é de 10 a 13 horas.

A Feira Artesanal celebrarase no pavillón do Longoiro

A primeira Feira Artesanal que terá lugar este fin de semana en Valdoviño celebrarase finalmente no pavillón do Longoiro de Meirás, xa que os refachos de vento romperon a carpa na que se ía celebrar o evento na Porta do Sol.
 

O Concello inicia o proceso de selección dun técnico para a atención do Océano Surf Museo

O Concello de Valdoviño informou esta mañá do inicio do proceso selectivo para a contratación dun técnico para a atención do Océano Surf Museo. Trala publicación no día de onte no Boletín Oficial da Provincia (BOP) do anuncio da convocatoria e bases de selección, ábrese hoxe, e por espazo de cinco días hábiles, o prazo para que as persoas interesadas presenten as súas solicitudes.
 
 

Aviso de prohibición do baño e da realización de actividades acuáticas no encoro das Forcadas e no regato de Forcadas

O Concello de Valdoviño informa da prohibición do baño e da realización de actividades acuáticas no encoro das Forcadas. Unha medida que se estende ao regato de Forcadas no caso do baño. A Administración local instalou nas inmediacións de ambos espazos a correspondente sinalización advertindo da situación, derivada da presenza de cianobacterias, microalgas que adoitan producir efectos tóxicos. Ás veces poden recoñecerse pola cor da auga e pola prsenza de natas e espumas na superficie coas que debe evitar o contacto. Estas cianobacterias poden ser tóxicas.
 
 

Aberta a inscrición na I Quedada Motera Solidaria organizada polo Cámping A Lagoa

A quedada celébrase o 5 de outubro

O Cámping municipal de A Lagoa, a pé do areal da Frouxeira de Valdoviño, levará a cabo nos vindeiros meses unha serie de actividades coas que busca dinamizar as instalacións e convertilas nun auténtico referente do ocio na comarca. Así, nesta liña, e coa colaboración do Concello de Valdoviño, organizará o vindeiro 5 de outubro a primeira edición da Quedada Motera Solidaria. A inscrición estará aberta ata o 26 de setembro e debe formalizarse no correo electrónico reservas@campingalagoa.com.
 

O Concello procede á retirada provisional do cruceiro de O Calvario para ampliar o cruce dos viais de Lagares e Lousada coa DP 2502

O cruceiro ubicarase a uns metros do lugar orixinal

O alcalde de Valdoviño, Alberto González, informou esta mañá de que o Concello procedeu á retirada provisional do cruceiro de O Calvario na parroquia de Loira para ampliar o cruce no que conflúen os viais municipais de Lagares (Pantín) e Lousada (Loira) coa estrada provincial DP 2502 (dirección Vilaboa). Trátase dun cruceiro de mediados do século XX de pedra de Moeche catalogado como ben de interese municipal, e os traballos foron contratados polo Concello de Valdoviño á empresa especializada TOMOS.

Valdoviño celebra este domingo o Día da Bici

A xornada será no entorno das Forcadas

Valdoviño celebrará este domingo, 15 de setembro, o Día da Bicicleta. Unha iniciativa que conxuga a partes iguais deporte, diversión e agasallos. Nenos e maiores están convidados a tomar parte na xornada, que comezará ás 11 horas coa concentración dos participantes no entorno do campo de fútbol de Vilaboa.
 

Xunta e Concello de Valdoviño dan a coñecer a especial vinculación histórica entre os camiños a Santo André e a Compostela

A Xunta de Galicia e o Concello de Valdoviño danse a man para dar a coñecer a especial vinculación que, ao longo da historia, mantiveron e manteñen o Camiño de Santiago e o Camiño a Santo André, tamén coñecido como camiño francés a Teixido. Será a través dun completo proxecto, titulado «Dende os Camiños de Peregrinación ata o Xacobeo», deseñado polo Concello e cofinanciado pola Xunta de Galicia no marco do programa «O Teu Xacobeo». Incluirá peregrinacións, proxeccións cinematográficas, conferencias e incluso unha viaxe a Santiago de Compostela, esencia e xerme do Xacobeo.
 

Páxinas

Subscribirse a noticias