XVII Campionato de Surfcasting por parellas este sábado na praia da Frouxeira

Un total de 13 parellas tomarán parte este sábado 26 de outubro no XVII Campionato de Surfcasting por parellas que se celebrará na praia da Frouxeira. Organizado pola Peña O Rodaballo, a cita conta coa colaboración do Concello de Valdoviño, que patrocina ademais dous trofeos para os dous mellores clasificados empadroados no municipio.
 

O Concello convida á veciñanza a achegar as súas fotografías de Valdoviño para confeccionar o calendario municipal do 2020

Queres que unha fotografía túa apareza no calendario que editará o Concello de Valdoviño do 2020? Se estás interesado/a participa enviando unha ou varias imaxes a partir de mañá venres, 25 de outubro e ata o 10 de novembro á web do Concello.
 

A Mancomunidade promove un curso gratuíto de monitores de surf de nivel 2

A Mancomunidade de Concellos da Comarca de Ferrol, coa colaboración da Deputación da Coruña, ofrecerá un curso de monitores de surf de nivel 2 a persoas empadroadas nos 21 concellos integrantes no Xeodestino Ferrolterra-Rías Altas. Entre eles, Valdoviño.
 
Esta iniciativa forma parte da aposta por desenvolver o turismo activo no territorio, aproveitando a visibilidade internacional do surf para crear emprego arredor deste deporte e do resto de actividades implantadas no territorio (kaiak, rutas a cabalo, windsurf... e un longo etcétera).
 

O Concello de Valdoviño expresa o seu pesar polo pasamento do sociólogo e poeta José Leira López

O Concello de Valdoviño quere expresar o seu pesar e consternación polo pasamento do sociólogo e poeta José Leira López, veciño de Lago.
 
Licenciado en Ciencias Políticas e Socioloxía pola Universidade Complutense de Madrid, Doutor en Socioloxía pola Universidade da Coruña, era profesor titular de Universidade adscrito ao Departamento de Socioloxía e Ciencia Política e da Administración da Universidade da Coruña.
 

Concello e tecido asociativo traballan na Estratexia Municipal de Prevención de Violencias Machistas e Promoción da Igualdade

As concellerías de Cultura, Educación e Turismo e de Servizos Sociais, Sanidade e Xuventude convocaron a semana pasada dúas mesas de traballo para continuar avanzando na elaboración da Estratexia Municipal de Prevención de Violencias Machistas e Promoción da Igualdade entre Mulleres e Homes.
 
A estas xornadas foron convidadas persoas representantes da comunidade educativa, do sector asociativo, deportivo e veciñal, así como tamén mulleres que representan un papel relevante a nivel do municipio.
 

Arrancan en Meirás os obradoiros municipais de estimulación cognitiva

Os obradoiros arrancaron en Meirás

Uns 30 veciños e veciñas toman parte nos obradoiros de estimulación cognitiva para maiores de 60 anos que organiza o Concello de Valdoviño. Esta mañá arrancaban no local social da AVV de Meirás (celébranse de 9,30 a 10,30 horas) e o xoves faranno na Biblioteca Municipal de Valdoviño (hai dous grupos: de 16 a 17 e de 17 a 18 horas). En todo caso, a inscrición continuará aberta nesta actividade, con custe cero para as persoas participantes. Así, aquelas interesadas poden anotarse na Casa da Cultura (de luns a venres de 10 a 14 horas).
 

Producións Excéntricas trae este domingo a Valdoviño o seu espectáculo “Cartóons”

Josito Porto e Víctor Mosqueira en "Cartóons"

O auditorio da Casa da Cultura acollerá este domingo 27 de outubro «Cartoons», a cargo de Producións Excéntricas. A función dará comezo ás 18 horas, con entrada libre e de balde, e está dirixida a un público familiar.
 

Melloras na rede eléctrica obrigarán ao corte do suministro este mércores de 9 a 11 horas en diferentes lugares do municipio

Por mor de traballos para mellorar a calidade do suministro eléctrico, a compañía Naturgy informa da necesidade de suspender o servizo este mércores 23 de outubro, de 9 a 11 horas, nunha serie de lugares do municipio. Son os seguintes: Aldea A Furada, Aldea Crecente, Aldea Donelle, Aldea A Bergaña, Aldea A Cachaveira, Aldea A Espiñuda, Aldea A Granxa, Aldea As Casas Novas, Aviño, Aldea Bacariza, Aldea Baladas, Aldea Malde, Aldea Miros, Aldea Mourente, Aldea Pousada, e Aldea Riodofoxo.
 

O Concello de Valdoviño oferta clases de ioga no local social de Aviño

O concelleiro de Deportes, Sergio Saavedra, avanzou esta mañá que o Concello de Valdoviño ofertará clases de ioga no local social de Aviño, tras constatar a boa acollida que está a ter a proposta, para a que xa se reuniu un grupo mínimo de persoas participantes.
 
A actividade arrancará no mes de novembro e o prazo de inscrición na mesma permanece aberto no Rexistro Xeral da casa consistorial (primeira planta). O prezo é de 20 euros/mes. As clases celebraranse os luns e mércores de 18 a 19,30 horas.
 

IX Festival de Cantareiras este sábado en Meirás

O local social da AVV de Meirás acollerá este sábado 26 de outubro a novena edición do Festival de Cantareiras. Será a partir das 18 horas, con entrada libre, e a participación das formacións Pan Sen Fron, Rosalía de Castro (Cacheiras), Lembranzas do Condado (Doniños) e Mestura(Meirás).
 

Páxinas

Subscribirse a noticias