Sesión de cine ó aire libre este xoves en Valdoviño coa proxección de “El hogar de Miss Peregrine para niños peculiares”

"El hogar de Miss Peregrine para niños peculiares"

O Concello de Valdoviño convida a nenos e maiores a unha nova sesión de cine nocturno ó aire libre. Será este xoves, a partir das 22,30 horas na praza da Casa da Cultura. Alí se proxectará co apoio da Rede Cultural da Deputación provincial o filme «El hogar de Miss Peregrine para niños peculiares». Unha película de aventuras recomendada para nenos e nenas maiores de 7 anos. En caso de choiva, o pase trasladarase ó interior do centro cultural.
                                                                            

O Concello de Valdoviño abre a inscrición na IV Carreira na Area da praia da Frouxeira

Carreira na Area 2018

Por cuarto ano consecutivo, o Concello de Valdoviño, a través da Concellería de Deportes, organizará a Carreira na Area da Praia da Frouxeira. De aí que esta mesma mañá abrise o prazo de inscrición na actividade. Pode formalizarse no Rexistro Xeral da Casa do Concello, na Oficina Municipal de Turismo (Porta do Sol), no teléfono 626 46 55 31 ou a pé de areal o mesmo día da súa celebración unha hora antes.
 

Últimos días para apuntarse ós cursos de vela para mozos e mozas no encoro das Forcadas

Cursos de vela nas Forcadas

O Concello de Valdoviño acollerá do 6 ó 10 de agosto os cursos da campaña de vela 2018 da Deputación da Coruña. Neles poden participar rapaces e rapazas entre os 9 e os 18 anos, ambas idades incluídas. Deste xeito, a rapazada interesada nos cursos, que terán lugar no encoro das Forcadas, debe formalizar a inscrición no Concello.

O Concello programa este xoves a proxección de “Wonder Woman” na praza da Casa da Cultura

Wonder Woman

O Concello de Valdoviño, a través da Concellería de Cultura, propón este xoves, 12 de xullo, unha sesión de cine ó aire libre. Na praza da Casa da Cultura, a partir das 22,30 horas, proxectarase o filme «Wonder Woman », incluído na Rede Cultural da Deputación provincial da Coruña. En caso de choiva, a proxección trasladarase ó interior do centro cultural.
 

O Concello de Valdoviño abre o prazo de inscrición no Torneo de Fútbol Sala OcioSol

Cartel torneo

O concelleiro de Deportes, Sergio Saavedra, anunciou esta mañá que o Concello de Valdoviño volverá a reeditar este ano a súa aposta pola celebración do Torneo de Fútbol Sala OcioSol. Esta mañá abríase o prazo de inscrición para os equipos interesados en tomar parte. Poden formalizar a súa solicitude ata o 18 de xullo incluído na Casa do Concello (Rexistro Xeral na primeira pranta). Deben cubrir a folla de inscrición, aceptar o regulamento e réxime disciplinario e adxuntar a fotocopia do DNI de todos os xogadores.
 

A Mancomunidade, coa colaboración de Deputación e Federación Galega de Surf, formará a 16 persoas empadroadas no Xeodestino Ferrolterra-Rías Altas como profesores de surf

A Mancomunidade de Concellos da Comarca de Ferrol leva anos apostando polo produto turístico de Surf como motor para o desenvolvemento do destino turístico Ferrolterra-Rías Altas. Baixo a marca Costa das Ondas, realízanse distintas accións promocionais e procúrase a colaboración de todos os profesionais do sector para o seu crecemento.
 

O Concello convida á cidadanía a disfrutar este domingo da obra de teatro “A súa vida” no parque da praia da Frouxeira

O programa municipal « Escenarios Paralelos » regresa este domingo para ofrecer, nesta ocasión, unha representación teatral no parque infantil da praia da Frouxeira. Será a compañía Leda Teatro a encargada de pór en escena a obra « A súa vida » a partir das 19,30 horas, con entrada de balde. Unha proposta cultural que, en caso de choiva, trasladarase á Casa da Cultura do municipio.
 

O Concello de Valdoviño abre o prazo para solicitar as axudas de apoio ó estudo e á conciliación no Punto de Atención á Infancia

A cuantía máxima da subvención concedida polo Concello para os nenos e nenas do PAI pode alcanzar os 800 euros
 
As familias con fillos e fillas escolarizados en Valdoviño ou usuarios do Punto de Atención á Infancia poden solicitar dende mañá venres as subvencións de apoio ó estudo e á conciliación que convoca o Concello de Valdoviño. Deben facelo no Rexistro Xeral municipal (o prazo é de 30 días).
 

O Concello abre a inscrición na Andada Nocturna “Ata as Fillas Bravas”

O parque da Frouxeira, punto de inicio da Andada

O Concello de Valdoviño, a través da Concellería de Cultura, vén de abrir o prazo de inscrición na Andada Nocturna «Ata as Fillas Bravas». Celebrarase o vindeiro domingo 22 e inclúese no programa municipal «Escenarios Paralelos». As persoas interesadas en tomar parte poden anotarse na Casa da Cultura, no teléfono 981 48 76 66 ou enderezo electrónico cultura@concellodevaldovino.com.
 

A Sociedade de Cazadores de Valdoviño organiza este sábado un Campionato de Caza puntuable para a Copa Galicia modalidade San Huberto

Cartel do campionato

Arredor de corenta cazadores de toda a Comunidade tomarán parte este sábado, 7 de xullo, no Campionato de Caza na modalidade San Huberto-Memorial Álvaro Suárez Mera. A cita, organizada pola Sociedade de Cazadores de Valdoviño e a sección na Coruña da Federación Galega, conta coa colaboración do Concello de Valdoviño. É puntuable para a Copa Galicia e realizarase en Cedeira (no tecor Eixil). Comezará sobre as 9 da mañá –aínda que os participantes concentraranse na Porta do Sol de Valdoviño en torno ás 7,30 h- e rematará ó longo do día, a medida que conclúan as probas a realizar.

Páxinas

Subscribirse a noticias