Os nenos e nenas de Infantil do CPI Atios sacan das aulas as súas obras de arte

Obras da exposición
Creación das obras da exposición
Creación das obras da exposición

Con tan só 3, 4 e 5 anos, os alumnos e alumnas de Educación Infantil do CPI Atios inaugurarán mañá venres, 7 de xuño, a súa primeira mostra de arte. Leva por título «Supercores 84», en alusión á explosión de cores que emana das creacións, inspiradas na obra do creador brasileiro Romero Britto, e ao número de estudantes do ciclo. A inauguración terá lugar na sala de exposicións temporais da Casa da Cultura de Valdoviño nun acto que principiará ás cinco e media da tarde e, tal e como sinala Iago Cadarso Vázquez, docente do ciclo, a el está convidado todo o mundo.

O Concello inicia as obras de mellora do illamento térmico da Biblioteca e accesibilidade ao almacén e auditorio da Casa da Cultura

Inicio das obras

O Concello de Valdoviño iniciaba no día de onte as obras de mellora do illamento térmico da Biblioteca e de accesibilidade ao almacén e auditorio da Casa da Cultura. Unha intervención que contempla a substitución das carpinterías de aluminio de vidro sinxelo, que favorecen as filtracións de auga e entrada de aire, por outras de mellores prestacións técnicas, reducindo considerablemente o gasto eléctrico en calefacción e mantenemento.

Valdoviño celebra este sábado a súa III Xuntanza de Palilleiras e Multilabores

Cartaz da xuntanza

Un total de 350 palilleiras confirmaron a súa asistencia á terceira edición da Xuntanza de Palilleiras e Multilabores do Concello de Valdoviño. Celebrarase este sábado, 8 de xuño, no pavillón do CPI Atios do municipio, organizada pola Asociación Mulleres do Rural María del Mar Becerra coa colaboración do Concello de Valdoviño e da Deputación provincial da Coruña. Unha oportunidade única para achegarse a este traballo artesanal e, tamén, dar a coñecer o municipio.

O Concello de Valdoviño conclúe a rehabilitación do local veciñal de Aviño

Finalizada a rehabilitación

O alcalde de Valdoviño, Alberto González, realizaba esta mañá unha visita de fin de obra ao local da asociación de veciños de Aviño acompañado do concelleiro de Obras, Benito Vega. Un inmoble que foi obxecto nos últimos meses dunha reforma integral. O edificio veciñal, de 1930, conta cunha superficie útil de 135 m2 e noutrora albergou a escola unitaria. Aínda que foi susceptible dunha reforma nos anos 80, trinta anos despois o deterioro sufrido polo paso do tempo facía necesaria a intervención realizada, financiada con cargo ao POS+ da Deputación provincial da Coruña.

Aberta a inscrición na Volta ás Forcadas

Cartaz da carreira

O Concello de Valdoviño vén de abrir a inscrición na cuarta edición da carreira Volta ás Forcadas. Trátase dunha cita deportiva coa que crear e fomentar hábitos de vida saudable entre a veciñanza, abandoando o sedentarismo e ofrecendo a posibilidade de ocupar de forma saudable o seu tempo de ocio. Un obxectivo que pasa porque a actividade física en nenos e en familia sexa un elemento fundamental das persoas. De aí esta carreira, onde o importante non son os resultados, senón a participación.
 

Aberta a matrícula na Aula da Natureza- Punto de Atención á Infancia

O Concello de Valdoviño abría hoxe, e ata o 15 de xuño, o prazo de matrícula na Aula da Natureza-Punto de Atención á Infancia. Un trámite a realizar nas propias instalacións –sitas na contorna da lagoa da Frouxeira- para todas as familias que realizaron previamente a preinscrición para o próximo curso.
 

Martín Vilar, Iván Pita, Amador García e Luciano Piñón, campións do III Open de Tenis Concello de Valdoviño

O Open de Tenis Concello de Valdoviño disputado no día de onte no pavillón municipal do Longoiro, en Meirás, xa ten gañadores. Así, Martín Vilar proclamouse campión infantil; Iván Pita impúxose na categoría Junior; Amador García, na absoluta, e Luciano Piñón na categoría absoluta nivel 2. De igual xeito, Ainoa Balado resultou subcampiona infantil; Andrea Miranda, subcampiona junior; Néstor Fernández, subcampión absoluto e Fernando Vilar, subcampión absoluto nivel 2.
 

Arjé Teatro trae este domingo a Valdoviño a súa obra “O Veredicto”

Cartaz da obra

Un ano máis, a compañía «Arjé Teatro» do IES Breamo de Pontedeume regresa a Valdoviño para ofrecer a súa última obra: O Veredicto. Será este domingo 2 de xuño no auditorio da Casa da Cultura, a partir das 19 horas, con entrada libre e de balde.
 

A Casa da Cultura acollerá o sábado a XI Mostra de Teatro Infantil de Valdoviño

O auditorio da Casa da Cultura acollerá este sábado, 1 de xuño, a XI edición da Mostra de Teatro Infantil Concello de Valdoviño. Será a partir das seis da tarde, con entrada libre e de balde ata completar aforo. Organizado pola Concellería de Cultura, conta coa colaboración do CPI Atios.
 
Precisamente, o alumnado de 5º curso de Educación Primaria representará a obra A Fraga Abondosa, nunha xornada que pechará a compañía Máis Un, de Fran Rei e Pedro Brandariz, que ofrecerá ao público a función Concerto Magnífico.

Un total de 41 equipos participarán no Torneo de F8 do Meirás CF nas categorías prebenxamín, benxamín e alevín

O torneo comeza o venres

O Meirás C.F. celebrará dende este venres 31 de maio e ata o domingo 2 de xuño o seu torneo de F8 nas instalacións do Misael Prieto en Meirás.
 
Neste torneo participarán 41 equipos de distintos clubes de Ferrolterra nos que se atopan os equipos prebenxamín, benxamín, alevín A e alevín B do equipo local. O venres 31 de maio pola tarde comezará a competición ca categoría prebenxamín (nenos nados entre 2011 2012), o sábado durante todo o día será o turno dos benxamíns (nenos nados entre 2009-2010) e o domingo, dos alevíns (nenos nados entre 2007-2008).
 

Páxinas

Subscribirse a noticias