A Casa da Cultura acolle este sábado o Festival do alumnado da Escola Municipal de Música

Cartaz da actividade

A Casa da Cultura de Valdoviño albergará este sábado 18 de xaneiro o Festival dos alumnos e alumnas da Escola Municipal de Música. A cita dará comezo ás 17,30 horas con entrada libre e de balde ata completar aforo.
 
Inicialmente, a celebración deste festival estaba prevista para o mes de decembro, pero tivo que aprazarse polo temporal. Na cita, o alumnado das diferentes disciplinas, nen@s e maiores, amosarán parte do aprendido nos últimos meses.
 

Concello e Club Bunkai animan a nenas e nenos a probar a actividade de karate nas xornadas de portas abertas

Cartaz da actividade

O pavillón do CPI Atios acollerá a próxima semana a primeira das dúas xornadas de portas abertas para que as nenas e nenos de Valdoviño e comarca poidan coñecer de primeira man o karate participando en clases de iniciación. Unha acción gratuíta que organiza o Club Bunkai, encargado de impartir a actividade no marco da programación deportiva que impulsa o Concello de Valdoviño no pavillón do centro escolar.
 

O Concello promove o programa “SUMAS?”, de prevención e intervención para a mellora da convivencia nos centros escolares

O alcalde de Valdoviño, Alberto González, informou esta mañá da posta en marcha, en colaboración co CPI Atios e o CRA O Esquío, do proxecto SUMAS? Un programa de prevención e intervención para a mellora da convivencia e o adestramento en técnicas e ferramentas máis eficaces na resolución dos conflitos e participación grupal. Para iso, contempla varias liñas de actuación: sesións en aula, creación da equipa SUMA, sesións coas familias e encontros e obradoiros cos docentes.
 

Adxudicadas as obras de construción do aparcadoiro, campo de fútbol de herba artificial e mellora de viais en Meirás

Recreación da intervención

O alcalde de Valdoviño, Alberto González, informou esta mañá da aprobación en Xunta de Goberno Local da adxudicación definitiva das obras de construción do aparcadoiro disuasorio na contorna do campo de fútbol de Meirás nos terreos cedidos polos veciños da parroquia, así como nos viais municipais. Unha intervención que tamén contempla traballos de reordenación e mellora da accesibilidade ás praias de Punta Frouxeira e a construción dun campo de fútbol de herba artificial anexo ao terreo de xogo actual.

O Concello licita o subministro de casetas de socorrismo e aseos portátiles para as praias de Valdoviño

Recreación instalación

O Concello de Valdoviño vén de sacar a licitación o contrato para o subministro e instalación de casetas para dar servizo aos socorristas e máis aseos portátiles. Emprazaranse naquelas praias do municipio que non dispoñen destas infraestruturas e, segundo explicou o alcalde, Alberto González, con esta iniciativa o Concello evitará cada verán o correspondente desembolso polo aluguer destas instalacións, estimado nuns 10.000 euros anuais. O contrato está en fase de licitación, por un importe de 84.700 euros, e o prazo de presentación de ofertas estará aberto ata o 3 de febreiro.

O Concello porá en marcha campañas de control de velocidade en diversos puntos do municipio para tentar previr a siniestralidade

O alcalde de Valdoviño, Alberto González, informou esta mañá de que a Policía Local emprenderá neste 2020 unha campaña especial de control de velocidade en diversos puntos do termo municipal co ánimo de tentar previr a siniestralidade naqueles máis conflictivos.
 

A Casa da Cultura de Valdoviño inaugura este venres a mostra “Pensar sobre as cousas”

Cartaz da mostra

A Casa da Cultura de Valdoviño inaugura este venres nova exposición baixo o título «Pensar sobre as cousas», un proxecto expositivo itinerante comisariado por Noa e Lara Castro Lema. Ten como base abordar o diálogo que dende o comisariado se pode establecer entre a arte e as artes aplicadas. A través das pezas de barro de Tonio Corral, oleiro en Buño, preténdese dignificar o cotián e falar sobre a utilidade do «inútil». O acto de inauguración terá lugar ás 19,30 horas. 
 

O Concello acondiciona os camiños de Muíño, en Lago, e Riobó, en Meirás

Camiño de Muíño, en Lago

O alcalde de Valdoviño, Alberto González, informou esta mañá do remate das obras de acondicionamento dos camiños de Muíño, na parroquia de Lago, e máis de Riobó, na de Meirás. Intervencións financiadas con cargo ao Plan de Mellora de Camiños Municipais 2019-2020 de Agader. A achega, que o Concello percibirá en dúas anualidades, permitirá o financiamento do 98,83% das intervencións. Así mesmo, o investimento destas actuacións, xunto con outras dúas obras de mellora nos camiños da Espiñuda (Aviño) e Cumiños (Meirás), elévase ata os 41.500 euros.
 

Concello e movemento asociativo organizan este domingo a Cabalgata de Reis

As súas Maxestades os Reis Magos de Oriente farán unha parada este domingo, 5 de xaneiro, no municipio de Valdoviño. Invitados polo Concello e máis as entidades e asociacións da localidade, chegarán á casa consistorial sobre as seis e media da tarde. Alí os esperarán máis de 30 veciñ@s voluntari@s, nen@s e adult@s, que solicitaron participar como figurantes acompañando á comitiva real.
 

O Concello informa de que os establecementos hostaleiros poderán abrir en Fin de Ano ata as 8 horas do 1 de xaneiro

O alcalde de Valdoviño, Alberto González, informou esta mañá de que o Concello vén de recibir a autorización por parte da Consellería da Presidencia para a ampliación dos horarios de peche dos establecementos de hostalería do municipio na noite de Fin de Ano. Unha ampliación de horarios solicitada polo Concello por segundo ano consecutivo e aprobada pola Xunta.
 

Páxinas

Subscribirse a noticias