IV Milla Urbana Concello de Valdoviño

Este domingo celebrouse no entorno da praia da Frouxeira a cuarta edición da Milla Urbana Concello de Valdoviño.
 
O triunfo en categoría senior foi para o corredor do clube de Atletismo Sada, Abdelkader Bouguerrodj. O resto de resultados da proba, na que participaron máis de cen atletas, pode consultarse no documento adxunto.
 
Tamén está dispoñible nesta web unha galería con imaxes da competición: IV Milla Urbana Concello de Valdoviño

Talleres culturais 2015-2016

O Concello de Valdoviño programa os seguintes talleres culturais para este ano:

  • Escola de música, de outubro a maio. Con piano, percusión e guitarra, a partir de 6 anos e adultos, os mércores en horario de tarde; linguaxe musical, de 3 a 6 anos, os venres á tarde.
  • Taller de danza creativa, para idades de 4 a 11 anos. O horario será os xoves á tarde.

Inscricións e información durante o mes de setembro na Casa da Cultura, de 09:00 ás 13:00 horas, ou no teléfono 981 487 666.

IV Milla Urbana Concello de Valdoviño

O vindeiro domingo celébrase a IV Milla Urbana Concello de Valdoviño. Os interesados en inscribirse na proba poden facelo a través da web Carreiras populares ata as 20:00 horas do mércores 16.
 
A milla está organizada polo Concello e a Deputación e forma parte do III Circuíto provincial de carreiras populares Deputación da Coruña.
 

Chelsea Tuach e Thiago Camarao gañan o Pantín Classic

Palco de honra da 28ª edición
O alcalde de Valdoviño entrega o trofeo ao gañador, Thiago Camarao
A 1ª tenente de alcalde de Valdoviño entrega o trofeo á 3ª clasificada, Phillippa Anderson

O Pantín Classic 2015 rematou co trunfo de Chelsea Tuach e Thiago Camarao, logo dunha intensa semana de surf e multitude de actividades paralelas.
 
Na competición feminina a victoria foi para a surfista de Barbados, que venceu na final a Leticia Canales. Pauline Ado acadou o título europeo grazas ao seu quinto posto en Pantín.
 

Setembro deportivo

O mes de setembro en Valdoviño está cheo de actividade. Á proba do campionato mundial de surf que se disputa en Pantín ata o domingo, únense os seguintes eventos:
 

Curso de preparación para a obtención do Graduado en ESO

O 28 de Setembro de 2015 ás 17:00 horas no Auditorio da Casa da Cultura celebrarase unha reunión informativa sobre as posibilidades de facer un grupo neste Concello para a preparación da obtención do título de Educación Secundaria Obrigatoria a través da Fundación ECCA, centro concertado da Consellería de Educación.
As expectativas serían formar un grupo interesado en asistir semanalmente (2/3 días á semana), 2/3 horas diarias en horario de mañá ou tarde (dependendo da demanda) a sesións formativas cun profesor grupal que guíe as sesións.

Remata o Concilia Verán 2015

O luns 31 de Agosto deronse por finalizas as actividades para a conciliación levadas a cabo durante os meses de Xullo e Agosto.
 
Lembrar que o Programa Concilia Verán (financiado pola Deputación da Coruña) busca crear un espazo de calidade no que nenos e nenas (de 3 a 12 anos) se divirtan e aprendan en grupo interiorizando valores como a igualdade ou a solidariedade, ao tempo que se oferta un recurso para a conciliación laboral e familiar.
 
O número de nenos/as que participaron este ano ascendeu a 21.
 

Remata o Ociosol 2015

Escola de tenis
Actividades na piscina
Actividades na piscina

Agosto chega ao seu fin e fano tamén as actividades deportivas programadas no Ociosol 2015.
 
O domingo tivo lugar a carreira na area da Frouxeira. Con anterioridade púxose o punto e final ás actividades na piscina municipal e á escola de tenis.

Presentado o Pantín Classic

Presentación do campionato

Esta mañá tivo lugar a presentación do Pantín Classic, que se celebra no areal valdoviñés dende mañá ata o domingo.
 
O alcalde de Valdoviño, Alberto González, participou no acto xunto aos secretarios xerais de Turismo e Deporte da Xunta de Galicia, Nava Castro e José Ramón Lete, respectivamente, ao alcalde de Ferrol, Jorge Suárez, e a outras autoridades e representantes de organización e patrocinadores.

IV Programa de deporte inclusivo

Cartel da xornada

A Mancomunidade de Concellos da Comarca de Ferrol ven desenvolvendo dende o ano 2011, en colaboración coa Deputación da Coruña, un programa de deporte inclusivo que pretende: experimentar un cambio cultural cara os conceptos de diversidade funcional e inclusividade; fomentar o deporte e a actividade física como esenciais para a saúde e a realización persoal; e a colaboración entre municipios e entidades para que poidan ofertarse actividades optimizando os recursos e beneficiando a un maior número de persoas usuarias.
 

Páxinas

Subscribirse a noticias