A mostra “Galicianas. Mulleres galegas facendo historia” chega a Valdoviño

Imaxe de Galicianas

A Casa da Cultura de Valdoviño inaugura este venres exposición: «Galicianas. Mulleres galegas facendo historia», da asociación Vai Rañala Meu! A partir de entón, o horario de visitas será de martes a domingo de 12 a 14 horas e de 16 a 19 h. Ata o 22 de marzo.
 

Aberta a inscripción no obradoiro “Educar na igualdade, na seguridade e na liberdade de ser”

Dirixido ás familias, o Concello de Valdoviño organiza o obradoiro “Educar na igualdade, na seguridade e na liberdade de ser”, a cargo de Raquel Veiga, educadora social experta en intervención familiar. Unha acción incluída na programación municipal «Somos e Contamos» coa que a Administración local quere celebrar o Día da Muller. Desenvolverase na escola unitaria de Lago, o día 12, a partir das 17 horas.
 

Valdoviño celebra o Día da Muller con exposicións, debate, teatro, obradoiros, presentacións de libros e roteiros guiados

Cartaz da programación

No marco do programa «Somos e Contamos», o Concello de Valdoviño conmemorará o Día da Muller cunha completa programación que inclúe exposicións, debate, obradoiros, roteiros, presentacións literarias e teatro. Así, o alcalde, Alberto González, destacou o traballo conxunto dos departamentos de Cultura e Servizos Sociais para facer posible o programa, que arrancará este mesmo venres 6 de marzo coa inauguración da mostra «Galicianas. Mulleres galegas facendo historia», da asociación Vai Rañala Meu!, na Casa da Cultura.

A Unidade Móbil de Inspección Técnica de Vehículos Agrícolas desplazarase a Lago e Vilaboa este mes

A Unidade Móbil 3 de Inspección Técnica de Vehículos Agrícolas desplazarase ao Concello de Valdoviño este mes para facilitar as revisións deste tipo de vehículos. Así, as persoas interesadas poden solicitar cita previa para as inspeccións a través da páxina web www.sycitv.com ou no teléfono 902 30 90 00. Deste xeito, a unidade estará o 26 de marzo na explanada da cooperativa de Lago e o 27 de marzo na explanada da igrexa de Vilaboa.
 

“Tróupele, Tróupele”, gañadora do XX Festival de Comparsas de Entroido

Momento do festival

«Tróupele, Tróupele», de Narón, volveu a facerse co trunfo no Festival de Comparsas do Concello de Valdoviño, celebrado o pasado sábado. Así mesmo, A Canteira, de Neda, recibiu o premio especial do xurado.
 

A Deputación iniciará este martes traballos de mellora na intersección de baixada á praia

A Deputación provincial da Coruña vén de comunicar ao Concello de Valdoviño o inicio dos traballos de mellora da intersección de baixada á praia da Frouxeira (cruce con Avenida Areeiros e Couce Casas). A intervención comezará mañá martes 3 de marzo e contempla a ampliación do ancho da calzada para facilitar a mobilidade na intersección e o acondicionamento da beirarrúa.
 

Novo Servizo de Orientación Laboral no Concello de Valdoviño

O alcalde de Valdoviño, Alberto González, informou esta mañá da posta en marcha do Servizo de Orientación Laboral no municipio grazas a un programa da Mancomunidade cofinanciado polo Ministerio de Traballo e a Consellería de Emprego, xunto aos concellos de Ares, Mugardos, Neda e Valdoviño. Así, unha orientadora laboral ofrece asesoramento os xoves ás persoas demandantes de emprego. Ten a súa oficina no segundo andar da casa consistorial e as persoas interesadas teñen á súa disposición o teléfono de información e cita previa 627 586 101.
 

Simulacro de incendio na Aula da Natureza-Punto de Atención á Infancia

Foto de familia tras o simulacro

Pequerrech@s e mestras da Aula da Natureza-Punto de Atención á Infancia tomaron parte o pasado venres nun simulacro de incendio nas instalacións. Unha iniciativa que completaba a formación recibida polas profesionais hai unhas semanas no marco do plan de autoprotección do centro. Segundo Previnem, a empresa encargada de guiar a actividade, nenas/os e docentes pasaron con nota a proba. Unha acción que seguía de preto o alcalde, Alberto González, e a educadora familiar, Iria Rodríguez.
 

@s estudantes do CPI Atios, gardiáns da píllara

"Foto de familia" dos gardiáns

Concienciar sobre a necesidade de compatibilizar a protección da píllara e outras aves coa tenencia e disfrute das mascotas na contorna do areal e lagoa da Frouxeira guiou o proxecto educativo impulsado hai tres anos nas aulas de Educación Primaria do CPI Atios. Capitaneado pola profesora María Ruán, nenas e nenos centráronse durante o primeiro ano en coñecer o valor da preservación destas especies e, ao seguinte, convertíronse en ilustradores para deseñar debuxos que invitan a sumarse a esa protección.

O Concello instala novos continentes de protección para as táboas a exposición no Océano Surf Museo

Os novos elementos

O Océano Surf Museo vén de dar un paso adiante na xestión da conservación preventiva coa instalación de novos continentes para albergar as táboas que se exhiben na exposición permanente. Nesta liña, cabe lembrar que o Museo expón pezas únicas da historia do surf e, con esta acción, quérese evitar o deterioro que puidesen sufrir polo efecto de golpes e manipulacións inadecuadas.
 
Ademais, os novos continentes das pezas fan do espazo un lugar visualmente máis atractivo despois de que se eliminasen os anteriores soportes que impedían a visión completa das táboas.
 

Páxinas

Subscribirse a noticias