Valdoviño celebra este sábado a súa II Xuntanza de Palilleiras

Xuntanza Palilleiras

Un total de 350 palilleiras confirmaron a súa asistencia á segunda edición da Xuntanza de Palilleiras e Multilabores do Concello de Valdoviño. Celebrarase este sábado, 9 de xuño, no pavillón do CPI Atios de Valdoviño, organizada pola Asociación Mulleres do Rural María del Mar Becerra coa colaboración do Concello de Valdoviño. Unha oportunidade única para achegarse a este traballo artesanal e, tamén, dar a coñecer o municipio. E é que as palilleiras que asistirán proceden dun bo número de localidades de toda Galicia e tamén de Asturias e Castela.
 

O Concello de Valdoviño abre o prazo de inscrición nos Campamentos Deportivos de Verán da Deputación

O Concello de Valdoviño, a través da Concellería de Deportes, vén de abrir o prazo de inscrición nos Campamentos Deportivos de Verán 2018 da Deputación provincial da Coruña. Este ano, ó municipio asignáronlle tres prazas para a quenda do 1 ó 6 de xullo. Así, as persoas interesadas en optar a unha delas, necesariamente empadronadas en Valdoviño, poden presentar a súa solicitude no Rexistro Xeral ata o 15 de xuño, incluído. Amáis da instancia, deberán entregar unha foto tamaño carnet, fotocopia do DNI e certificado/volante de empadronamento.

Éxito de participación e público na II Exhibición de Judo Concello de Valdoviño

Entrega de medallas

O concelleiro de Deportes, Sergio Saavedra, presidiu a entrega de medallas ós nenos e mozos que tomaron parte na cita deportiva celebrada no Longoiro
 
Uns 150 nenos e nenas que a diario adestran no Clube Bitácora de Ferrol e que proceden dos diferentes municipios da comarca, como Valdoviño, tomaron parte o pasado sábado na segunda edición da Exhibición de Judo Concello de Valdoviño.
 

A Oficina Municipal de Turismo abre as súas portas na Porta do Sol

Interior da Oficina de Turismo

O alcalde, Alberto González, informou esta mañá de que a Oficina Municipal de Turismo abre dende hoxe as súas portas. Estará operativa os sete días da semana grazas á incorporación de dúas técnicas de turismo, contratadas ó abeiro dunha subvención procedente da Deputación provincial da Coruña.
 

A Deputación saca a contratación as obras de construción da rotonda no entorno do CPI Atios

O presidente da Deputación e o alcalde de Valdoviño, nunha visita á zona onde se realizará a actuación

A Deputación da Coruña anunciou a licitación, por importe de 144.957,07 euros, das obras de mellora da intersección na estrada DP 2502 Valdoviño-Cerdido, que consistirán na execución dunha glorieta á altura do punto quilométrico 0+680 que mellorará a perigosa intersección existente neste punto e facilitará as manobras de cambio de sentido dos numerosos autobuses que realizan o transporte escolar do alumnado do CPI de Atios, situado na marxe esquerda do vial e no que cursan estudos uns 500 rapaces do municipio.
 

X Mostra de Teatro Infantil este sábado en Valdoviño

A Casa da Cultura acollerá mañá sábado, 2 de xuño, a X Mostra de Teatro Infantil do Concello de Valdoviño. Arrancará ás 18 horas e estará conducida polo mago e showman Cayetano Lledó. Sobre o escenario actuarán as compañías do CPI Atios e da escola de teatro da ANPA Beiramar.
 

Últimos días para apuntarse á Volta ás Forcadas

Cartel Volta ás Forcadas

Descubrir ou redescubrir un entorno único de Valdoviño como é a paisaxe que envolve ó encoro das Forcadas e, ó mesmo tempo, practicar deporte e favorecer hábitos saudables é a proposta que fai a Concellería de Deportes que dirixe Sergio Saavedra a nenos e maiores o próximo 10 de xuño. Ese domingo celebrarase a III Volta ás Forcadas. Unha cita deportiva incluída no calendario do 3º Circuito Corre polo Norte que o Concello de Valdoviño impulsa xunto ós municipios veciños de Narón, Ortigueira, Cedeira, Cariño, Cerdido, Mañón e Moeche.

O Concello de Valdoviño contratará 14 peóns para a limpeza de praias

O alcalde, Alberto González, informou esta mañá de que o Concello contratará este verán 14 peóns para a limpeza de praias. Así, o Concello abrirá mañá, e por espazo de tres días hábiles, o prazo de presentación de solicitudes para participar no proceso de contratación, mediante procedemento de concurso-oposición.
 

Corenta equipos disputarán este fin de semana en Meirás o Torneo de Fútbol 8

O Meirás CF organiza esta fin de semana, en colaboración co Concello de Valdoviño e a Deputación provincial da Coruña, o seu Torneo de Fútbol 8. Será no campo de herba natural do equipo local e a competición para as categorías base (prebenxamín, benxamín e alevín) arrancará este venres, 1 de xuño, e continuará sábado e domingo.
 

Valdoviño celebra este sábado a X Mostra de Teatro Infantil

Os amantes do teatro teñen este sábado unha cita en Valdoviño. No auditorio da Casa da Cultura celebrarase a partir das 18 horas a Mostra de Teatro Infantil que, este ano, alcanza a cifra redonda de dez anos. E, para celebralo, o programa inclúe actuacións do máis alto nivel. Así mesmo, será o coñecido mago e showman Cayetano Lledó o encargado de conducir o acto e amenizar as pausas necesarias para o cambio de escenario.
 

Páxinas

Subscribirse a noticias