O Concello inicia as obras de reforma integral do local veciñal de Aviño

Local veciñal de Aviño en obras

O alcalde de Valdoviño, Alberto González, informou esta mañá do inicio dos traballos de reforma do local da asociación de veciños de Aviño. Xunto ós concelleiros de Obras, Benito Vega, e Urbanismo, Alejandro García, realizaba unha visita de supervisión ás obras, que arrancaban a semana pasada no inmoble. Un edificio cunha superficie útil de 135 m2, antiga escola unitaria erguida en 1930. Aínda que foi susceptible dunha reforma nos anos 80, trinta anos despois o deterioro sufrido polo paso do tempo facía necesaria a intervención hoxe en marcha.

Uns 90 veciños participaron na Andaina cultural a San Andrés organizada polo Concello de Valdoviño

Foto de familia

Pese á choiva, uns 90 veciños e veciñas tomaron parte onte pola mañá na XIX Andada a San Andrés de Teixido organizada polo Concello.
 

A Deputación comezará este mes as obras de construción dunha rotonda e un novo carril de acceso ó aparcamento do CPI Atios

Recreación da intervención
Situación actual

A Deputación da Coruña e a empresa Construcións Leonardo Miguélez veñen de asinar, na sede da institución provincial, o contrato para financiar as obras de mellora da seguridade vial da intersección existente no punto quilométrico 0+675 da estrada provincial DP 2502, no termo municipal de Valdoviño.
 
Os traballos, suporán un investimento de máis de 132.000 euros, dos que 121.340 se destinan á execución da obra e 11.077 € xa foron investidos na expropiación dos 2.795 metros cadrados dos terreos colindantes necesarios para acometer este proxecto.
 

O bono social eléctrico poderá seguir solicitándose a partir do 8 de outubro

O Concello de Valdoviño e a Fundación Axencia Enerxética Provincial da Coruña (FAEPAC) informan aos seus veciños e veciñas que poderán seguir solicitando o bono social eléctrico a partir do 8 de outubro.
 
Esta data límite unicamente marca o último día no que se poderá renovar o bono social, para aqueles que xa o gozaban. Chegada esta data, aqueles que non renovasen a súa bonificación simplemente deixarán de percibir o desconto na súa factura eléctrica durante os días que transcorran ata que tramiten o bono social e lles sexa aceptada a solicitude.
 

A Casa da Cultura ofrece este domingo un concerto para bebés e nenos

Percubebé

O Concello de Valdoviño ofrece este domingo, 7 de outubro, un concerto para bebés na Casa da Cultura. Con entrada de balde é preciso anotarse previamente na Casa da Cultura ou chamando ó teléfono 981 48 76 66, xa que as prazas son limitadas. Dará comezo ás 17 horas, inclúese na Rede Cultural da Deputación e está dirixido a bebés e nenos de cero a seis anos.
 

A Casa da Cultura estrea aseos adaptados para persoas con diversidade funcional

O Concello de Valdoviño concluíu os traballos realizados nas últimas semanas para dotar á Casa da Cultura de aseos adaptados para persoas con diversidade funcional. A intervención contou cun orzamento de 21.000 euros, que se financiou cunha achega da Consellería de Cultura, e levouse a cabo na pranta baixa da Casa da Cultura, nos aseos próximos ó auditorio municipal.
A Casa da Cultura alberga actualmente, amáis do auditorio municipal, o Océano Surf Museo, a sala de exposicións temporais ou a biblioteca.
 

O Concello habilita un estacionamiento contiguo ó CPI Atios con capacidade para máis dun centenar de vehículos

Aparcadoiro no CPI Atios

O CPI Atios conta, dende esta semana, cunha nova área de estacionamento con capacidade para máis dun centenar de vehículos. O alcalde, Alberto González, sinala que a iniciativa foi posible grazas á cesión dunha parcela duns 2500 metros cadrados por parte dos seus propietarios, Pablo Bouza e Balbina Cal. Así as cousas, nos últimos días, o Concello procedeu á retirada das raíces dos eucaliptos que ata o momento ocupaban os terreos, contiguos ó acceso ó centro educativo.

A Casa da Cultura acolle este xoves unha xuntanza informativa sobre as actividades extraescolares do CPI Atios

O auditorio da Casa da Cultura de Valdoviño acollerá este xoves, 27 de setembro, unha reunión informativa sobre as actividades extraescolares do CPI Atios, que este ano organizan conxuntamente as concellerías de Cultura e Deportes. Comezará ás 20 horas e nela darase conta do calendario, docentes ou desenvolvemento das actividades, ó tempo que se abrirá unha quenda de preguntas para solventar as dúbidas das familias.
 

O Concello saca a contratación 40 obras de acondicionamento de camiños e rúas en todas as parroquias por 257.000 euros

O alcalde, Alberto González, informou esta mañá de que o Concello de Valdoviño vén de sacar a contratación ata 40 obras de acondicionamento de pistas, camiños e rúas en todas e cada unha das parroquias do municipio. En suma, o Concello investirá 257.000 euros a financiar con cargo ó POS+ 2018 da Deputación provincial da Coruña.
 

O Concello organiza un novo curso de preparación para a obtención do título de Educación Secundaria Obrigatoria

O Concello de Valdoviño, dende o departamento municipal de Servizos Sociais, e en colaboración coa Fundación ECCA organiza un ano máis o curso de preparación para a obtención do título da ESO para persoas adultas e competencias clave nivel 2 e 3.
 
O prazo de inscrición abrirase a partir do 27 de setembro, día no que se levará a cabo unha reunión aberta a todas as persoas interesadas. Terá lugar ás 19 horas na Casa da Cultura do Concello de Valdoviño. Recoméndase a asistencia á xuntanza para coñecer as características e condicións de dito curso.
 

Páxinas

Subscribirse a noticias