O alcalde trasládase a Coruña para abordar coa Xunta o novo plan de transporte metropolitano en Valdoviño

O alcalde, Alberto González, desplazouse onte a Coruña para abordar co xefe territorial de Infraestruturas da Xunta de Galicia, Jose Antonio Álvarez, o proxecto de transporte metropolitano, na actualidade en fase de exposición pública. Unhas conversas que o rexidor trasladará ao tecido asociativo nunha xuntanza que se celebrará este xoves na casa consistorial.

O Concello retira a area arrastrada polos temporais á zona de aparcadoiro da Frouxeira

O alcalde de Valdoviño, Alberto González, informou esta mañá de que o Concello vén de iniciar os traballos de retirada da area que arrastraron os últimos temporais ás zonas de estacionamento que lindan co areal da Frouxeira. Traballos realizados por operarios municipais que se estima se prolonguen ao longo desta semana.
 

Valdoviño inviste 50.000 euros do Plan Único na renovación do alumeado na estrada AC-566, un dos principais accesos á localidade

O Concello de Valdoviño vén de sacar a licitación pública as obras de renovación do alumeado público na estrada AC-566, un dos principais accesos á localidade, que serán financiadas con cargo ao Plan Único da Deputación da Coruña.

O Concello procedeu ao acondicionamento de 34 marquesinas e á instalación de catro novas

O concelleiro de Servizos, Benito Vega, informou de que o Concello procedeu ao acondicionamento de 34 marquesinas e á instalación doutras catro novas –dúas en Taraza, unha en Vilarrube e outra na estrada ao Faro de Punta Frouxeira- neste mandato. Un balance que contrasta co dos catro anos anteriores, cando tan só se instalou unha marquesina e se reparou outra. Ao respecto, o edil tamén sinalou que o Concello tenta dar respostas a todas as necesidades e que continuará nesta liña.

O Concello dota dunha cuberta a Aula da Natureza para ampliar as posibilidades de xogo no exterior dos máis pequenos

Cuberta zona traseira
Varanda zona dianteira

Trala inauguración hai ano e medio da Aula da Natureza-Punto de Atención á Infancia, o Concello vén de mellorar as infraestruturas e o equipamento destas instalacións, ás que acoden cada día 17 nenos e nenas de cero a tres anos, favorecendo así a conciliación da vida persoal e laboral das súas familias. Actuacións de mellora posibles, tal e como destacou esta mañá o alcalde, Alberto González, grazas á colaboración da Consellería de Política Social da Xunta, que deu o visto bo ás demandas trasladadas polo Concello e concedeu unha subvención de 18.956,42 euros para financialas.

Valdoviño súmase ás reivindicacións da Asociación Española contra o Cancro iluminando a casa consistorial de verde

Con motivo do Día Mundial do Cancro, a fachada da casa consistorial de Valdoviño tinguirase esta noite de verde para dar visibilidade á loita de tantos milleiros de persoas contra o cancro. A semana pasada, representantes da delegación en Ferrol da Asociación Española contra o Cancro mantiñan unha xuntanza co alcalde, Alberto González, e a concelleiras Rosana García e Jessica Sabín para, entre outras cousas, solicitar a adhesión de Valdoviño a esta iniciativa de sensibilización.
 

Adrián Orjales Vidal, do Club Arco A Frouxeira, campión de España de Arco Adaptado 2019 establecendo un novo récord na modalidade

Noraboa ao noso campión

Adrián Orjales Vidal, do Club Arco A Frouxeira, vense de proclamar campión de España de Arco Adaptado 2019, establecendo un novo récord estatal na modalidade. O alcalde, Alberto González, quixo felicitar a este auténtico campión valdoviñés, un auténtico exemplo e orgullo para o seu municipio, así como ao seu adestrador, Anxo Grandal García, e ao seu guía José Teijeiro, cos que forma un equipo gañador.

O Concello adxudica por 166.980 euros as obras de acondicionamento das primeiras 25 rúas, pistas e camiños dun conxunto de 40

A Xunta de Goberno Local aprobaba esta semana a adxudicación provisional de 25 obras de acondicionamento de pistas, camiños e rúas en todas e cada unha das parroquias do municipio. En suma, o Concello investirá 166.980 euros a financiar con cargo ó POS+ 2018 da Deputación provincial da Coruña.

O Concello repartirá entre a veciñanza 35 entradas para asistir ao encontro entre o RC Deportivo e o CD Tenerife

O Concello de Valdoviño repartirá gratuitamente entre os veciños e veciñas 35 entradas para o partido que este sábado 2 de febreiro enfrontará ao RC Deportivo e ao CD Tenerife a partir das 20,30 horas no estadio de Riazor. Así o confirmaba hoxe mesmo a Deputación da Coruña, que cede as entradas ao Concello.

Páxinas

Subscribirse a noticias