A Deputación vén de convocar as bolsas de investigación para o ano 2017

Están destinadas a persoas con titulación universitaria que pretendan facer un traballo de investigación no período 2017-2018, cunha duración mínima de nove meses, distribuídas nas seguintes áreas: Área de ciencias sociais e xurídicas (3 bolsas); Área de ciencias (4 bolsas); Área de ciencias da saúde (4 bolsas); Área de enxeñaría e arquitectura (2 bolsas); Área de artes e humanidades (3 bolsas); Área de estudos de xénero (2 bolsas) e Área de planificación sociolingüística da lingua galega (2 bolsas).
 

Os novos orzamentos de Valdoviño para 2017 entran en vigor

O novo orzamento de Valdoviño para este 2017 entra en vigor trala publicación da súa aprobación definitiva no Boletín Oficial da Provincia (BOP) no día de hoxe. As contas ascenden a 4,9 millóns de euros e substitúen ás do 2014, prorrogadas en 2015 e 2016. Recollen as novas liñas de actuación municipal despois das duras medidas e restricións nos gastos que o Concello tivo que asumir durante o último ano e medio para afrontar a precaria situación económica.

Convocatoria de técnico deportivo: admitidos e exame

A alcaldía-presidencia do Concello de Valdoviño ditou decreto polo que se aproba a relación de admitidos, tribunal e data de exame na convocatoria dunha praza de técnico deportivo.
 
A proba terá lugar o vindeiro 28 de marzo con comezo ás 10:00 horas e realizarase nas dependencias do CPI Atios, sito na avenida de San Sadurniño (Valdoviño). Os aspirantes deberán ir provistos do DNI ou documento que permita a súa acreditación.
 

Nova convocatoria de cursos de lingua galega preparatorios das probas para obter os certificados Celga

O Concello de Valdoviño informa de que a Secretaría Xeral de Política Lingüística da Xunta de Galicia convoca cursos de lingua galega preparatorios das probas para obter os certificados de lingua galega, Celga 1, Celga 2, Celga 3 e Celga 4.
 
Os interesados en obter máis información e as inscricións poden acceder á seguinte ligazón: www.lingua.gal

O Concello saca a contratación unha praza de técnico deportivo

O BOP acaba de publicar o anuncio da contratación dunha praza de técnico deportivo por parte do Concello de Valdoviño. O prazo de presentación de candidaturas está aberto dende o xoves 16 ata o mércores 22 de marzo, ambos incluídos. 
 
A contratación farase baixo o réxime de laboral temporal, por obra o servizo e cunha duración de 23 horas semanais.
 

Aberto o prazo de inscrición no I Open Tenis Concello de Valdoviño

Open Tenis Valdoviño

O Concello de Valdoviño organiza por primeira vez o campeonato, que se celebrará no pavillón do Longoiro durante o mes de abril
 
A Concellería de Deportes abre o prazo de inscrición na primeira edición do Open de Tenis Concello de Valdoviño, que se disputará entre o 7 e o 16 de abril no pavillón municipal do Longoiro, en Meirás. Inicialmente, celebraranse as categorías absoluto mixto iniciación, absoluto masculino e categoría xuvenil. Para participar, os interesados deberán anotarse chamando ós teléfonos 696 84 45 53 ou 696 68 82 14.
 

Fin de curso para os maiores que participaron nos obradoiros de informática e novas tecnoloxías

Fin de curso informática

Durante catro meses, aprenderon na Casa da Cultura o manexo do ordenador e diferentes programas de utilidade para o seu día a día
 
O alcalde, Alberto González, e a concelleira de Cultura, Rosana García, realizaron esta mañá unha visita ós veciños e veciña de Valdoviño que concluíron con éxito os cursos de informática e novas tecnoloxías organizados polo Concello para persoas maiores de 59 anos. A actividade remataba esta mañá e estivo guiada por Daniel Cartelle.
 

Éxito de convocatoria da gala celebrada en Valdoviño para conmemorar o Día da Muller

Día da Muller

O auditorio da Casa da Cultura quedouse pequeno o pasado sábado con motivo da gala organizada polo Concello para conmemorar o Día da Muller.
 
Unha participación masiva que o alcalde, Alberto González, agradeceu á veciñanza. Unha gala que, conducida con mestría por María Teresa Picos, veciña da parroquia de Loira, non defraudou.
 

Teatro, monólogos, música e vivencias para conmemorar este sábado en Valdoviño o Día da Muller

Valdoviño convida a veciños e veciñas a tomar parte mañá sábado no acto central do Día da Muller no municipio.
 

O Concello leva a cabo traballos de mellora na área recreativa de Atios

Área recreativa Atios

O Concello de Valdoviño, a través da Concellería de Servizos que dirixe Benito Vega, vén de concluír os traballos de mellora da área recreativa de Atios, na estrada de baixada á praia da Frouxeira.
 
Segundo indicou o edil, o Concello procedeu ó arranxo da barbacoa emprazada no lugar e á renovación da iluminación do paseo, aproveitando a actuación para incorporar lámpadas LEDs.
 

Páxinas

Subscribirse a noticias