O arqueólogo Ángel Concheiro ofrecerá este mércores unha charla sobre os camiños de peregrinaxe a Santo André e Compostela

O arqueólogo Ángel Concheiro Coello impartirá este mércores en Valdoviño a charla «Camiños de peregrinación ao longo da historia: camiño de Santo André, Camiño a Teixido e Camiño de Santiago. Recoñecemento social da poboación local”. Será no auditorio da Casa da Cultura, a partir das 19,30 horas, e a entrada é libre e de balde ata completar aforo. A ponencia íase celebrar inicialmente o 15 de outubro, pero tivo que aprazarse por causa de forza maior.
 

O Concello amplía as clases de ioga a Vilaboa

O ioga estase a consolidar como unha das actividades deportivas da programación municipal con maior demanda entre a veciñanza. Así o constatan as cifras de persoas que solicitan ano tras ano a actividade e que levou ao Concello a crear, o pasado exercicio, dous grupos na parroquia de Valdoviño. Así mesmo, pechado o prazo de inscrición deste curso, e ante a necesidade de conformar unha lista de espera de por si significativa, a Concellería de Deportes que dirixe Sergio Saavedra acordaba poñer en marcha a actividade tamén en Aviño.

O Concello denuncia a sustracción das placas recén instaladas nas fontes públicas

O Concello de Valdoviño iniciaba esta semana a colocación de placas coa advertencia de auga non potable en dez fontes públicas nas que se dá esta circunstancia. E, en menos de dous días, dúas delas xa foron sustraídas. Concretamente, en San Mamede e Vilarrube. Uns feitos que lamenta e condea o Concello.
 

José Ramón Bacorelle Robles, mellor xefe de policía local dos municipios galegos de menos de 25.000 habitantes

Tras máis de dúas décadas como xefe da Policía Local de Valdoviño, ofrecendo un servizo próximo á veciñanza e un traballo comprometido co municipio, José Ramón Bacorelle Robles recibía esta mañá o recoñecemento tamén dos seus compañeiros e compañeiras. Por votación entre os mandos de toda Galicia, era elixido como o mellor xefe de Policía Local en municipios de menos de 25.000 habitantes. Unha distinción que compartía tamén con Manuel Castro, xefe de Policía Local de Caldas de Reis.
 

Cáritas Valdoviño e Meirás reciben 500 kgs de alimentos recadados na I Quedada Moteira organizada polo Cámping A Lagoa

Eliseo Carballeira, en representación do Cámping municipal A Lagoa, fixo entrega esta tarde a Cáritas dos alimentos recadados na primeira edición da Quedada Moteira. Unha cita celebrada a primeiros de mes e na que participaron 70 motocicletas. O Cámping A Lagoa, promotora da mesma, quixo outorgarlle un marcado carácter solidario e, por isto, decidía que unha parte da recadación se destinaría a colaborar coa labor de Cáritas Valdoviño e Meirás. Así, eses fondos permitiron adquirir ata 500 quilogramos de alimentos.
 

NOTA INFORMATIVA PISCINA

O Concello informa de que se ve obrigado a anular a actividade de piscina incluída na oferta deportiva no CPI Atios. A decisión adoptouse despois dos problemas rexistrados na piscina de Caranza e ante a imposibilidade de conseguir oco noutras instalacións, xa que teñen todas as horas cubertas. No momento no que se solucione o problema e se dé garantía de continuidade, retomaríase a actividade. Pídese desculpas de antemán polas molestias causadas.

XVII Campionato de Surfcasting por parellas este sábado na praia da Frouxeira

Un total de 13 parellas tomarán parte este sábado 26 de outubro no XVII Campionato de Surfcasting por parellas que se celebrará na praia da Frouxeira. Organizado pola Peña O Rodaballo, a cita conta coa colaboración do Concello de Valdoviño, que patrocina ademais dous trofeos para os dous mellores clasificados empadroados no municipio.
 

O Concello convida á veciñanza a achegar as súas fotografías de Valdoviño para confeccionar o calendario municipal do 2020

Queres que unha fotografía túa apareza no calendario que editará o Concello de Valdoviño do 2020? Se estás interesado/a participa enviando unha ou varias imaxes a partir de mañá venres, 25 de outubro e ata o 10 de novembro á web do Concello.
 

A Mancomunidade promove un curso gratuíto de monitores de surf de nivel 2

A Mancomunidade de Concellos da Comarca de Ferrol, coa colaboración da Deputación da Coruña, ofrecerá un curso de monitores de surf de nivel 2 a persoas empadroadas nos 21 concellos integrantes no Xeodestino Ferrolterra-Rías Altas. Entre eles, Valdoviño.
 
Esta iniciativa forma parte da aposta por desenvolver o turismo activo no territorio, aproveitando a visibilidade internacional do surf para crear emprego arredor deste deporte e do resto de actividades implantadas no territorio (kaiak, rutas a cabalo, windsurf... e un longo etcétera).
 

O Concello de Valdoviño expresa o seu pesar polo pasamento do sociólogo e poeta José Leira López

O Concello de Valdoviño quere expresar o seu pesar e consternación polo pasamento do sociólogo e poeta José Leira López, veciño de Lago.
 
Licenciado en Ciencias Políticas e Socioloxía pola Universidade Complutense de Madrid, Doutor en Socioloxía pola Universidade da Coruña, era profesor titular de Universidade adscrito ao Departamento de Socioloxía e Ciencia Política e da Administración da Universidade da Coruña.
 

Páxinas

Subscribirse a noticias