O CPI Atios acolleu a presentación de “Espello”, curta baseada no relato gañador do concurso “Suprime o control”

Visionado da curta

Os alumnos e alumnas da ESO do CPI Atios de Valdoviño foron onte á tarde os primeiros en poder ver “Espello”, curtametraxe baseada no relato gañador do concurso “Suprime o control”. O centro educativo acolleu a «premier» nun acto ao que acudiu o deputado provincial Xosé Manuel Soto e o alcalde, Alberto González, así como a concelleira Rosana García e a técnica da Deputación Eva Ovenza. Xunto a eles, o director do CPI, Antonio Cebreiro, e docentes do colexio.
 

Preto de medio centenar de nen@s e moz@s tomarán parte este sábado nas I Xornadas de Pesca Infantil de Valdoviño

A praia de Vilarrube será escenario mañá sábado das I Xornadas de Pesca Infantil organizadas pola Asociación Deportiva O Rodaballo coa colaboración do Concello de Valdoviño. Unha iniciativa que o alcalde, Alberto González, prevé continúe por moitos anos no calendario municipal dada a excelente acollida recibida. Así, nas mesmas anotáronse un total de 43 nen@s e moz@s.
 
A actividade desenvolverase entre as 18,30 e as 21,30 horas.

O Concello abre o prazo de inscrición nas actividades da renovada piscina municipal

Cursos de natación 2019

Cursos de natación para nen@s e persoas adultas, aquagym e sesións de baño libre son as propostas da programación do Concello de Valdoviño previstas para a piscina municipal emprazada en Lago de cara á época estival. Unha piscina que foi obxecto nas últimas semanas de importantes obras de acondicionamento e reforma, necesarias polos problemas estructurais que presentaba e que obrigaron o ano pasado a trasladar as actividades á piscina da Saíña, tras chegar a un acordo entre Concello e propietarios.
 

O Concello abre a inscrición en OcioSol, a oferta de actividades deportivas para verán

Cartaz do Ocio Sol

O alcalde, Alberto González, informou esta mañá da apertura do prazo de inscrición en OcioSol, a programación de actividades deportivas do Concello de Valdoviño para os meses de verán. Unha programación, engadiu, que se amplía respecto a anos anteriores, aumentando o número de propostas e mantendo a descentralización nas diferentes parroquias. Polo miúdo, avanzou que o Concello ofertará ximnasia de mantenemento en Meirás, Valdoviño (Casa da Cultura e entorno da Frouxeira) e Vilaboa; bailes latinos, baloncesto, fútbol sala e tenis.

Valdoviño celebrará este sábado a XXXII Mostra da Canción Coral

O Auditorio acollerá a Mostra un ano máis

O auditorio da Casa da Cultura acollerá este sábado 22 de xuño a XXXII edición da Mostra da Canción Coral e Agrupacións Musicais Concello de Valdoviño. Todo un clásico da programación cultural do municipio organizado pola ACR A Frouxeira coa colaboración do Concello, da Deputación provincial da Coruña e da Xunta de Galicia. Arrancará ás 19,30 horas  con entrada libre e de balde ata completar aforo.
 

Os "TOP" nacionais confirman a súa participación no Campionato de España de Surfing 2019

A Frouxeira acolle o campionato

A gran festa do surfing nacional inicia a súa conta atrás para o comezo da competición. A falta de catro días, a praia da Frouxeira prepárase para recibir aos mellores surfistas nacionais no Campionato de España de Surfing 2019.
 
Un total de 12 títulos nacionais en xogo que inclúen as 11 categorías individuais e a competición por seleccións autonómicas. Os días 22 e 23 de xuño disputaranse os títulos individuais nas categorías Open (masculino e feminino), Master e Kneeboard.
 

Encrucillada presentará na Frouxeira “Marbán”, o seu primeiro traballo discográfico

O grupo de música folk «Encrucillada» ofrecerá o vindeiro luns 24 de xuño un concerto único nun entorno único, o paseo da Frouxeira. Alí, nas inmediacións do parque, e a partir das 19 horas, presentará o seu primeiro traballo discográfico, que leva por título «Marbán». Unha actuación programada polo Concello de Valdoviño e incluída na Rede Cultural da Deputación Provincial da Coruña.
 

O Concello organiza un curso gratuíto de defensa persoal dirixido a mulleres

O Concello, a través da Concellería de Servizos Sociais, organiza un curso de defensa persoal dirixido a mulleres. Celebrarase en dúas xornadas: o 28 e o 29 de xuño, en horario de 16 a 20 horas, e terá por escenario o local social de Meirás.
 
As mulleres interesadas en tomar parte na actividade, completamente gratuíta, deben formalizar a súa inscrición a partir deste luns, 17 de xuño, no departamento municipal de Servizos Sociais –pranta baixa da casa consistorial- ou chamando ó teléfono 981 981 48 70 41 ext.5.
 

O Concello conclúe as obras de construción de aseos adaptados no palco da música de Loira

Conclúen as obras

O Concello de Valdoviño concluía as obras de construción dunha infraestrutura de 9 metros cadrados anexa ao palco da música de Loira en madeira tratada na que se habilitaron dous aseos adaptados para persoas con mobilidade reducida. Unha intervención incluída no POS+2017 que, xunto co acondicionamento do local social de Aviño, contemplou un investimento de 51.000 euros.
 

O Concello instala novo alumeado LED nas vivendas de Mourente e no aparcadoiro do campo de fútbol

Novo alumeado en Mourente
Novo alumeado en Mourente

O alcalde, Alberto González, informou esta mañá do remate das obras de instalación do novo alumeado público na contorna das vivendas de Mourente, así como no aparcadoiro do campo municipal de fútbol, en obras tamén para habilitar o primeiro terreo de xogo de herba artificial do municipio. En concreto, renováronse 27 puntos de luz, implantando deste xeito tecnoloxía LED, o que permitirá aforrar na factura eléctrica, reducindo o consumo e mellorando o servizo.
 

Páxinas

Subscribirse a noticias