Valdoviño celebra este domingo a IV Carreira na Area da praia da Frouxeira

Carreira na Area 2018

O Concello de Valdoviño, a través da Concellería de Deportes, celebrará este domingo, 26 de agosto, a IV Carreira na Area da Praia da Frouxeira. Comezará a partir das 11 horas, e a participación é completamente gratuíta. Nesta liña, o alcalde, Alberto González, sinala que o obxectivo é fomentar o deporte en familia, polo que o percorrido é de baixa dificultade, pensado para todas as idades. Iso si, sobre area.
 

Concerto este venres no paseo da Frouxeira da girl band “The Ladies”

"The Ladies"

O Concello de Valdoviño convida a veciños e visitantes ó concerto estelar de «The Ladies», unha girl band de rock and roll cun sonido único pero claros referentes como Tequila, Loquillo, Fito y Fitipaldis e outros máis internacionais como The Beatles, Status Quo ou The Clash. Subiranse ó escenario da Frouxeira este venres, 24 de agosto, e a entrada é de balde. Abrirá o concerto a banda local Fanecas Band, que comezará a súa actuación ás 22 h. O seu repertorio está formado por versións de clásicos do rock  como Springsteen, The Beatles, Pink Floyd, Rolling Stones ou AC/DC.
 

O Concello organiza a II Andada Surfeira

O Concello de Valdoviño, a través da Concellería de Cultura, promove neste mes de agosto a II Andada Surfeira. Unha iniciativa con participación gratuíta, aínda que con necesaria inscrición previa. Para formalizala o Concello abrirá o prazo entre o próximo luns, 20 de agosto, e o venres 24 (ata as 14 horas) a través do correo electrónico cultura@concellodevaldovino.com. Haberá que facer constar o nome e apelidos, concello de procedencia e número de teléfono de contacto.

O I Certame de Pintura Rápida ó Aire Libre do Concello de Valdoviño repartirá 2.000 euros en premios

Valdoviño celebrará o vindeiro 25 de agosto a primeira edición do Certame de Pintura Rápida ó Aire Libre. Poderán participar todas as persoas maiores de idade que así o desexen, o estilo e técnica serán libres, e a súa temática xirará en torno á paisaxe, o espazo físico e as súas xentes e costumes. Cada participante poderá presentar unha soa obra, sen asinar ata o momento no que se coñeza o ditame do xurado.
 

Cine nocturno ó aire libre este xoves en Valdoviño co pase de “La La Land”

La La Land

O Concello de Valdoviño, a través da Concellería de Cultura, programa unha nova sesión de cine nocturno ó aire libre. Será este xoves, 16 de agosto, na praza da Casa da Cultura. Alí, a partir das 22 horas, proxectarase o filme «La La Land: La ciudad de las estrellas». En caso de choiva, o pase trasladaríase ó interior do centro cultural.
 
A actividade conta coa colaboración da Deputación provincial da Coruña, a través da Rede Cultural, e está dirixida a todos os públicos.
 

Máis de 1.200 persoas visitaron o Océano Surf Museo entre decembro e xullo

Océano Surf Museo

Un total de 1.213 persoas visitaron o Océano Surf Museo, o primerio adicado ó surf en España, entre decembro e xullo. Nesta liña, o alcalde, Alberto González, valorou positivamente o balance de visitantes durante os seus primeiros meses de funcionamento, xa que foi o pasado 1 de decembro cando as instalacións abrían as súas portas no municipio. De feito, foi en decembro e tamén nos meses de verán, xuño e xullo, cando se rexistraron as mellores cifras de afluencia, con 450, 145 e 187 visitantes, respectivamente.

“Asaltos musicais” en Valdoviño

"Asalto musical" en Meirás

A praia de Pantín, a zona de xogos infantís de Marnela, A Frouxeira ou o Faro de Meirás convertíronse estes días en auditorios a ceo aberto para acoller pequenos concertos musicais. Así, de súpeto, sen planificalo nin esperalo, veciños de Valdoviño e visitantes disfrutaron destas intervencións en diferentes espazos naturais do municipio, bautizados polos seus promotores como “Asaltos musicais”.

A XXII Baixada de Carrilanas de San Mamede convertirá a Valdoviño na capital española da velocidade e bo humor

Carrilanas 2018

Valdoviño convertirase no mes de agosto na capital da velocidade e diversión grazas á súa tradicional Baixada das Carrilanas de San Mamede, que este ano acada a súa XXII edición. Ata 70 vehículos sen motor construídos en moi diversos materiais e un sinfín de formas competirán por ser os máis veloces nun circuito de case un quilómetro. Un percorrido que seguirán milleiros de seguidores e curiosos, fieis a unha proba puntuable para o Campionato de España.
 

A banda da loba presenta en Valdoviño o seu primeiro disco “Bailando as rúas”

A banda da loba

O entorno do parque infantil da Frouxeira será o escenario onde a formación «A banda da loba» presente este domingo, 5 de agosto, o seu primeiro traballo discográfico, titulado «Bailando as rúas». A cita terá lugar a partir das 19,30 horas e a ela está convidada toda a veciñanza. Organizada pola Concellería de Cultura de Valdoviño, a proposta inclúese no programa « Escenarios paralelos », co que o Concello saca as actividades culturais da Casa da Cultura ata lugares como parques, capelas, ermidas, faros… Así mesmo, conta coa colaboración da Deputación a través da súa Rede Cultural.

A Deputación licita por preto de 1 millón de euros as obras de ampliación e mellora da estrada que conecta Valdoviño con Cerdido

O presidente da Deputación e o alcalde de Valdoviño, nunha visita á zona onde se realizará a actuación

A Deputación saca a licitación as obras de ampliación e mellora da estrada DP 2502 de Valdoviño a Cerdido, cun orzamento de preto dun millón euros e financiada na súa totalidade con fondos provinciais.
 
As obras contan cun orzamento de 988.738,80 euros e levaranse a cabo entre os puntos quilométricos 3+000 e 5+600 e o ramal secundario de acceso ao encoro das Forcadas, situado no PK 5+600. A este orzamento súmanse os 159.119 euros que a Deputación destina ás expropiacións dos 83 predios afectados.
 
Ampliación da plataforma ata os 9 metros

Páxinas

Subscribirse a noticias