Aberto o prazo para apuntarse como figurantes na Cabalgata de Reis de Valdoviño

O Concello de Valdoviño, a través da Concellería de Cultura, vén de abrir o prazo para que as persoas interesadas en participar como figurantes na Cabalgata de Reis se anoten. Persoas adultas e menores deben cumplimentar a folla de inscrición e entregala ben no CPI Atios –ata o 20 de decembro- ben na Casa da Cultura –ata o 30 de decembro-. Así mesmo, no caso de persoas menores de idade debe acompañarse dunha autorización expresa asinada polo pai/nai/titor legal.
 

Valdoviño aposta pola colaboración público-privada como única vía para un desenvolvemento sostible do surf

Intervención de Luis Cayón, de Ribamontán Al Mar

A intervención do alcalde de Valdoviño, Alberto González, poñía hoxe fin o dous intensos días de debate, diálogo e exposicións en torno ao desenvolvemento sostible do surf. Un debate xerado no marco das I Xornadas Surf e Desenvolvemento sostible celebradas no Océano Surf Museo organizadas polo Concello coa colaboración de Deputación provincial da Coruña e Xunta de Galicia. No seu discurso de peche, a modo de conclusións, o rexidor apostaba pola colaboración público-privada como única vía posible para lograr un desenvolvemento sostible a través do surf.

Andada polo Bo Trato este sábado en Valdoviño

A veciñanza ten este sábado 30 de novembro unha cita na Casa da Cultura. Ás cinco e media da tarde, partirá das instalacións culturais a VI Andada Urbana polo Bo Trato e para a Eliminación da Violencia contra as Mulleres. Unha marcha reinvindicativa incluída na programación deseñada polo Concello de Valdoviño para conmemorar o Día contra a Violencia de Xénero.
 

Aberto o prazo para participar no Programa Integrado de Emprego de Galicia dirixido a mulleres de oito concellos da Mancomunidade

A Xunta de Galicia vén de conceder á Mancomunidade de Concellos de Ferrol unha nova edición do Programa Integrado de Emprego de Galicia, dirixido aos concellos de Fene, Ares, Cabanas, Cedeira, Mugardos, Narón, Neda e Valdoviño. A administración autonómica e o Servizo Público de Emprego Estatal financian esta convocatoria, subvencionada con 207.000 euros, dos 230.000 euros do custe total do proxecto. En total ofertaránse 100 prazas para os oito concellos, tal e como recalcaron as concelleiras de Servizos Sociais, Ana Belén Pérez e Pilar Caamaño.
 

Valdoviño reivindica o surf para consolidar a costa galega como principal destino turístico sostible

Xornadas Surf e Desenvolvemento Sostible
O alcalde, nas Xornadas Surf e Desenvolvemento Sostible

«Consolidar o noso territorio como principal destino turístico sostible, favorecendo o desenvolvemento económico e social e sobre a base do respeto polo medio ambiente é un dos obxectivos que está a buscar nos últimos anos o Concello de Valdoviño», consciente, tal e como sinalou esta mañá o alcalde, Alberto González, de que «o noso patrimonio litoral é o mellor polígono industrial do municipio». Nese traballo se enmarcan as I Xornadas Surf e Desenvolvemento Sostible organizadas polo Concello co apoio da Deputación provincial da Coruña e a Xunta de Galicia.

Inauguración da mostra “Mimenina” e actuación de Bohemios este domingo en Valdoviño

Bohemios

A Casa da Cultura de Valdoviño inaugura exposición este domingo 1 de decembro. Trátase da mostra «Mimenina», dos usuarios e usuarias do CAMF-Ferrol. Unha serie de traballos creativos inspirados nas Meninas de Canido elaborados por persoas con diversidade funcional. Poderá visitarse durante todo o mes en horario de 9 a 14 horas martes e mércores e de 12 a 14 e de 16 a 19 horas de xoves a domingo.
 

A veciñanza achega preto dun centenar de imaxes ao certame para elaborar o calendario municipal do 2020

Selección das imaxes por parte do xurado

O calendario municipal para o 2020 xa ten as súas fotografías de autor. Son Cristina Freire, Esperanza Vázquez, Inés González, Gustavo Lamas, Jacobo Núñez, María Aneiros, Mario Rodríguez, Álvaro Núñez, Carlota Montero, Alberto Valero e María Hermitas Couce. As súas imaxes foron seleccionadas polo Concello para ilustrar o calendario, que se presentará e repartirá gratuítamente nun acto a celebrar o 22 de decembro na Casa da Cultura.
 

Estratexia Municipal de Prevención de Violencias Machistas e Fomento da Igualdade entre Mulleres e Homes 2019-2023

A estratexia leva por título «Valdoviño: Obxectivo Igualdade» e se trata da folla de ruta que definirá a axenda política para os próximos catro anos. Un documento coa vontade de artellar novas apostas para fortalecer o traballo que se vén desenvolvendo dende o Concello en materia de prevención de violencias machistas e de fomento da igualdade, cuxa elaboración vén derivada da necesidade de crear un pacto social municipal que xire arredor da loita contra a violencia machista e as desigualdades de xénero.
 
Pode descargarse o documento no seguinte enlace:

Valdoviño recibiu hoxe a visita dos traveliners con discapacidade que exercerán de embaixadores de Ferrolterra como destino accesible

Visita ao Océano Surf Museo

Unha comitiva de persoas con discapacidade, chegada de distintos puntos do país, visitou esta mañá o Concello de Valdoviño dentro do marco da iniciativa TravelIN. Unha Viaxe para tod@ s, para vivir unha experiencia de turismo activo e accesible. Esta iniciativa forma parte do proxecto de ASCM e a Mancomunidade de Concellos de Ferrolterra. A visita, que arrincou o pasado domingo, finalizará mañá con excursións a Fene, Neda e Ferrol.
 

O Concello presenta “Valdoviño: Obxectivo Igualdade”, a folla de ruta da axenda política para os próximos 4 anos

Presentación "Valdoviño: Obxectivo Igualdade"

Coincidindo co Día contra a Violencia Machista, o Concello de Valdoviño presentaba onte, 25-N, a Estratexia Municipal de Prevención de Violencias Machistas e Fomento da Igualdade entre Mulleres e Homes 2019-2023. O escenario elixido era a Casa da Cultura, nun acto aberto á veciñanza, e presidido polo alcalde, Alberto González. Xunto a el, a concelleira de Igualdade, Ana Belén Pérez; a educadora social, Iria García, e a responsable da cooperativa Arabías, Beatriz López, que guiou o traballo de elaboración.
 

Páxinas

Subscribirse a noticias