O Concello organiza un novo curso de preparación para a obtención do título de Educación Secundaria Obrigatoria

O Concello de Valdoviño, dende o departamento municipal de Servizos Sociais, e en colaboración coa Fundación ECCA organiza un ano máis o curso de preparación para a obtención do título da ESO para persoas adultas e competencias clave nivel 2 e 3.
 
O prazo de inscrición está aberto na concellería –planta baixa da casa consistorial- ponse tamén a disposición das persoas interesadas o teléfono 981 48 70 41 extensión 5. As clases comezarán o 3 de outubro e desenvolveranse en horario de mañá dous días á semana no Centro de Maiores.

O prazo para anotarse no curso gratuíto “Coidar ao coidador” remata este venres

O prazo para anotarse no curso « Coidar ao coidador » que promove o Concello de Valdoviño e AFAL Ferrolterra conclúe este venres, 27 de setembro. A acción formativa é completamente gratuíta e está dirixida ás familias coidadoras de persoas afectadas de alzheimer e/outras demencias. Desenvolverase en dúas xornadas, os días 3 e 4 de outubro, no salón de plenos da casa consistorial, en horario de 15 a 19 horas. Así, as persoas interesadas en anotarse deben facelo no departamento municipal de Servizos Sociais (planta baixa da consistorial ou teléfono 981 48 70 41).
 

A Casa da Cultura acolle este xoves unha xuntanza informativa sobre as actividades municipais deportivas no CPI Atios

O auditorio da Casa da Cultura de Valdoviño acollerá este xoves, 26 de setembro, unha reunión informativa sobre as actividades deportivas municipais que se levarán a cabo no curso 2019/2020 no CPI Atios, e que este ano organiza por segundo ano consecutivo o Concello de Valdoviño.
 
Comezará ás 17 horas e nela darase conta do calendario, docentes ou desenvolvemento das actividades, ao tempo que se abrirá unha quenda de preguntas para solventar as dúbidas das familias.
 

O Concello de Valdoviño abre o prazo de inscrición nas clases de ioga

O concelleiro de Deportes, Sergio Saavedra, informou esta mañá da apertura do prazo de inscrición nas clases de ioga. Celebraranse en horario de mañá (de 10 a 11,30 h) e de tarde (de 20,30 horas a 22 horas) na Casa da Cultura e, no caso de existir demanda suficiente, a actividade tamén se ofertará no local social de San Miguel (de 12 a 13,30 horas e de 18,30 a 20 h). As persoas interesadas nas clases, cun custe mensual de 20 euros, poden formalizar a súa inscrición dende xa na casa consistorial (no rexistro municipal de luns a venres de 9 a 14 h).

O Concello saca a contratación a mellora dos accesos ás praias de Meirás, construcción dun aparcamento e dun campo de herba artificial

Recreación da obra

O alcalde de Valdoviño, Alberto González, avanzou esta mañá que o Concello vén de sacar a contratación as obras de construción dun aparcadoiro disuasorio na contorna do campo de fútbol de Meirás nuns terreos cedidos polos veciños da parroquia, así como nos viais municipais; os traballos de reordenación e mellora da accesibilidade ás praias de Punta Frouxeira e a construción dun campo de fútbol de herba artificial anexo ao terreo de xogo actual. Unha ambiciosa intervención orzamentada en 349.948,19 euros que financiarán Concello e Deputación provincial.
 

Últimos días para anotarse na I Quedada Motera Solidaria organizada polo Cámping A Lagoa de Valdoviño

Coa colaboración do Concello de Valdoviño, o Cámping municipal de A Lagoa organiza o vindeiro sábado 5 de outubro a I Quedada Motera Solidaria. Arrancará ás 10 horas coa concentración no cámping. Ás 11 horas, iniciarase unha ruta baixo a denominación «Litoral Norte» e previsión de chegada ás 12 horas, con parada incluída, en Ortigueira. De aí, regresarase ao cámping para disfrutar, sobre as 14,30 horas, dunha caña de benvida e dun xantar de confraternidade con sorteo de agasallos, música e festa.

O Concello de Valdoviño abre a inscrición na VIII edición da Milla Urbana a favor de Cáritas

O concelleiro de Deportes, Sergio Saavedra, informou esta mañá de que, un ano máis, o paseo da Lagoa da Frouxeira será escenario da Milla Urbana Concello de Valdoviño. Organizada pola Concellería de Deportes, chega á súa oitava edición.

Jonathan Fernández e Begoña Pacio, vencedores absolutos da IV Volta ás Forcadas

Jonathan Fernández Ríos, do clube Pasa ou Entorna, e Begoña Pacio López, corredora independente, proclamáronse vencedores absolutos da cuarta edición da carreira Volta ás Forcadas disputada no día de onte neste singular enclave. Unha cita xa consolidada no calendario deportivo do municipio que organiza a Concellería de Deportes de Valdoviño. O seu titular, Sergio Saavedra, entregaba xunto ao alcalde, Alberto González, os premios aos deportistas máis rápidos e medallas a todos os participantes das categorías inferiores.

Deputación e Concello de Valdoviño analizan o trazado da Senda dos Faros no municipio

A senda terá 8 quilómetros

Técnicos da Deputación da Coruña reuníronse en Valdoviño co alcalde da localidade, Alberto González, para analizar os detalles do tramo da Senda dos Faros que discorerrá polo municipio. Na xuntanza tamén estiveron presentes o concelleiro de Obras, Alejandro García, e o arquitecto municipal Carlos Abeledo.
 

Concello e Xunta avanzan nas xestións para dar resposta ás necesidades de transporte dos estudantes aos institutos de Ferrol e Narón

Concello e Xunta de Galicia avanzan nas xestións coas que dar resposta ás necesidades de transporte dos alumnos e alumnas que cursan os seus estudos de Bacharelato nos institutos das cidades de Ferrol e Narón. Nesta liña, o alcalde, Alberto González, explicou que a conexión entre Valdoviño e os centros educativos, con frecuencias adaptadas aos horarios lectivos, foi unha das demandas trasladadas polo Concello ao novo plan de transporte metropolitano deseñado pola Xunta.

Páxinas

Subscribirse a noticias