Familias e nenos e nenas despiden Concilia Verán compartindo xogos e confidencias

Concilia Verán

Tras un sinfín de mañás de xogo, de saídas ó litoral de Valdoviño, de conversas con veciños e veciñas… O programa municipal Concilia Verán despedíase o pasado venres por este ano. Na última xornada, as familias achegábanse ó local social de Pantín, escenario da proxecto, para compartir unha mañá de xogos, merenda e confidencias cos seus fillos e fillas. Nenos e nenas de 3 a 12 anos que, durante os meses de xullo e agosto, tomaron parte no programa de ocio didáctico para favorecer a conciliación da vida persoal e laboral que impulsa o Concello.

José Enrique Díaz e Juan Carlos Couce suben ó máis alto do pódium no III Open Internacional de Pesca Deportiva disputado en Portugal

Os gañadores do Open
Trofeo do III Open Internacional

A parella formada por José Enrique Díaz Sueiras e Juan Carlos Couce Castro, ambos do Club O Rodaballo de Valdoviño, proclamouse campiona a pasada fin de semana no III Open Internacional de Pesca Deportiva. Competición incluída na Golden League, organizada polo Clube de Pesca AMIR, e disputada nas praias de Moledo do Minho e vila praia de Ancora.

O Concello avanza na consecución dun alumbrado eficiente no 100% do municipio

Completa a renovación do alumbrado público por LEDs na estrada AC116 dende a rotonda de Robles ata a zona limítrofe co Val
 
Avanzará na substitución das lámpadas en Sequeiro tras concluír unha primeira intervención na estrada AC566, dende a rotonda de Robles ata a intersección coa estrada de Aviño, á altura de Lanzós
 

O Concello saca a contratación as obras para dotar a Valdoviño do seu primeiro campo de fútbol de herba artificial

O alcalde, Alberto González, informou esta mañá de que o Concello de Valdoviño vén de sacar a contratación a intervención para dotar ó municipio do seu primeiro campo de fútbol de herba artificial. Unha actuación orzamentada en 375.152,12 euros que o Concello prevé executar no menor prazo de tempo posible. O prazo de presentación de ofertas para optar ó contrato está aberto e pecharase o vindeiro 26 de setembro ás 13 horas. O anuncio de licitación e pliegos poden consultarse na Plataforma de Contratación do Sector Público do Goberno de España.
 

Isabel Felgar e Pedro Osorio, vencedores absolutos da IV Carreira na Area da Frouxeira

Carreira na Area 2018

Éxito de participación na cuarta edición da Carreira na Area organizada na praia da Frouxeira pola Concellería de Deportes de Valdoviño que dirixe Sergio Saavedra. Isable Felgar e Pedro Osorio subíanse ó máis alto do pódium o pasado domingo, ó proclamarse vencedores absolutos da proba. Andrea Hurtado e Rebeca González ocupaban a segunda e terceira posición respectivamente na categoría feminina, namentras que Xosé Manuel Meizoso e Ricardo Fernández facían o propio na masculina.
 

Pantín Classic, escaparate do patrimonio arqueolóxico do municipio de Valdoviño

Pantín Eco Surf

O Pantín Classic Galicia Pro estase a converter nestes días no mellor escaparate para a promoción do patrimonio natural e arqueolóxico do municipio de Valdoviño. E é así grazas á colaboración establecida entre o Concello e a organización do campionato, a través do espazo Pantín Eco Surf. Alí, cada día, os visitantes poden atopar dúas pallozas, ambientadas nun castro con antorchas e prantas, onde o Concello facilita todo tipo de información sobre os principais recursos turísticos do municipio. Un espazo que, grazas á Mancomunidade, contará venres e sábado con atención personalizada.

O Meirás CF, gañador do XXVIII Torneo de Fútbol Concello de Valdoviño

Torneo de Fútbol Concello de Valdoviño

O Meirás CF proclamouse vencedor do XXVIII Torneo de Fútbol Concello de Valdoviño disputado o pasado domingo no campo de fútbol de Vilaboa. Impúxose na gran final á SD Valdoviño, nun reñido partido que rematou 3-2 a favor do equipo do Meirás.
 
Previamente, a UD Lago e o CD Rosalía de Vilaboa enfrontábanse nun emocionante encontro para dirimir o terceiro e cuarto clasificado. Tras rematar o tempo de xogo con empate a ceros, na tanda de penaltis o Lago impúxose finalmente ó Rosalía.
 

O Concello de Valdoviño solicita a adhesión ó convenio entre Xunta, Fegamp e Seaga en materia de prevención de incendios forestais

O alcalde, Alberto González, informou esta mañá de que o Concello de Valdoviño vén de presentar formalmente a súa adhesión ó convenio de colaboración suscrito entre Xunta de Galicia, Federación Galega de Municipios e Provincias (Fegamp) e Seaga en materia de prevención de incendios forestais. Un convenio que permitirá a creación dun sistema público de xestión da biomasa nas chamadas faixas secundarias, é dicir, aquelas próximas ós núcleos de poboación.

O Océano Surf Museo modifica horarios durante o Pantín Classic Galicia Pro

Océano Surf Museo

Coincidindo coa celebración do Pantín Classic Galicia Pro, declarada Festa de Interese Turístico de Galicia, o Océano Surf Museo, o primeiro e único de España desta temática, modificará esta semana os seus horarios de apertura. Así, de luns a venres poderá visitarse de 12 a 14 horas e, tamén, de 19 a 21 horas. A fin de semana, como é tradición, será de 12 a 14 e de 16 a 19 horas. A entrada é gratuíta e o alcalde, Alberto González, convida a veciños e visitantes a aproveitar a ocasión e achegarse a estas instalacións, emprazadas na primeira pranta da Casa da Cultura.
 

O Concello establece unha reordenación do tráfico na contorna da praia de Pantín para mellorar a mobilidade

O alcalde de Valdoviño, Alberto González, informou esta mañá dunha serie de medidas en materia de reordenación do tráfico de vehículos na contorna da praia de Pantín co obxecto de garantir a fluidez e mobilidade na zona como consecuencia da gran afluencia de visitantes ó campionato de surf Pantín Classic Galicia Pro que se disputará ata o vindeiro 2 de setembro. As medidas entrarán en vigor este xoves, 30 de agosto, venres 31, sábado 1 de setembro e domingo 2.
 

Páxinas

Subscribirse a noticias