Concello e CPI Atios conmemoran o Día da Diversidade Sexual creando nos muros do centro un mural multicor

Mural no CPI Atios

O Concello de Valdoviño, en colaboración co CPI Atios, adiantouse á conmemoración, este domingo, do Día da Diversidade Sexual, cunha fermosa iniciativa na que participou unha representación do alumnado e o pintor afincado no municipio Manuel Carballeira. A primeira hora da mañá, sacaban os pinceis e os botes de pintura e comezaban a elaborar un mural coa bandeira multicor nun dos muros do centro educativo.
 

O Concello abre a inscrición na oferta de actividades deportivas de verán OcioSol

Cartaz OcioSol 2020

O alcalde de Valdoviño, Alberto González, informou esta mañá da apertura do prazo de inscrición na oferta de actividades deportivas de verán OcioSol 2020. Son as seguintes: tenis, atletismo, xogos deportivos e tiro con arco para nenas e nenos, e ximnasia de mantenemento e tiro con arco para persoas adultas. Ademais, o custe das actividades ao mes oscila entre os 7,37 e os 22,12 euros segundo a idade do/a participante e o número de horas, e arrancarán a próxima semana.
 

O Concello edita material divulgativo para concienciar sobre a necesidade de preservar a píllara das dunas

Tríptico píllara

O Concello de Valdoviño vén de editar material divulgativo sobre a píllara das dunas en colaboración coa Sociedade Galega de Historia Natural. Material que busca concienciar á cidadanía sobre a necesidade de preservar unha especie única presente na Frouxeira. Inclúese nun programa iniciado hai meses da man do CPI Atios, e cofinanciado pola Deputación provincial da Coruña, no que alumnos e alumnas do centro educativo local elaboraron debuxos sobre a importancia de axudar á supervivencia da píllara con accións cotiás.

Concello e Subdelegación do Goberno analizan o plan de seguridade dos accesos e aforos das praias de Valdoviño

Xunta Local de Seguridade

O Concello de Valdoviño e a Subdelegación do Goberno na Coruña analizaron o plan de seguridade das praias do municipio nunha Xunta Local de Seguridade extraordinaria que tivo como único punto da orde do día a análise desta iniciativa desenvolvida polo Goberno Local.
 

O Concello activa o Programa Mellora, de formación e acceso ao emprego

Accións formativas

O alcalde de Valdoviño, Alberto González, anunciou esta mañá a posta en marcha do Programa municipal Mellora, de formación e acceso ao emprego. Un programa que arrancará a próxima semana con dúas accións formativas centradas no eido social e sanitario. O prazo de inscrición está aberto no departamento municipal de Servizos Sociais, chamando ao 981 48 70 41 extensión 5.
 

Moeche, Cerdido, San Sadurniño e Valdoviño sumaranse á Rede Provincial de Espazos de Coworking cun centro dedicado á transformación de produtos do agro

Os catro alcaldes co presidente da Deputación

O presidente da Deputación da Coruña, Valentín González Formoso, asinou hoxe o convenio de colaboración cos concellos de Moeche, Cerdido, San Sadurniño e Valdoviño para financiar as obras de rehabilitación e acondicionamento dunha nave en desuso no recinto feiral municipal de Moeche e urbanizar a súa contorna para transformala nun centro de traballo colaborativo orientado á elaboración, transformación e venda de produtos agroalimentarios.
 

A Casa da Cultura acolle, entre estrictas medidas de seguridade, os actos expropiatorios previos ao inicio das obras de acondicionamento da estrada Valdoviño-Cedeira

Actos expropiatorios

A Consellería de Infraestruturas e Mobilidade retomou onte os actos expropiatorios aos que están convocados/as os/as propietarios/as dos terreos necesarios para executar o acondicionamento  da estrada Valdoviño-Cedeira, seguindo un estrito protocolo de seguridade.
 
Este é o primeiro dos actos de expropiación que se efectúa desde que se decretou o estado de alarma, e nel seguíronse as medidas sanitarias e de prevención recomendadas fronte á covid-19, cumprindo un estrito protocolo de seguridade.
 

Adxudicada a redacción do proxecto constructivo para o abastecemento en Pantín

Pantín

A Consellería de Infraestruturas e Mobilidade, a través de Augas de Galicia, vén de adxudicar o servizo para a redacción do proxecto construtivo da obra de abastecemento a Pantín.
 
Os traballos foron adxudicados á empresa Alfredo Teijeiro Rodríguez por importe de 16.844 euros e contan cun prazo de execución estimado de 6 meses.
 

O Concello abre o prazo de inscrición nos campamentos de verán, que se celebrarán este ano en Pantín e Aviño

Cartaz Concilia Tempos

O alcalde, Alberto González, informou esta mañá de que o Concello de Valdoviño reedita a súa aposta polos campamentos de verán Concilia Tempos co ánimo de favorecer a conciliación da vida laboral e o coidado dos nenos e nenas por parte das familias. O prazo de inscrición está aberto, ata o 25 de xuño, e as persoas interesadas no servizo deben anotarse chamando ao departamento municipal de Servizos Sociais no 981 48 70 41 extensión 5.
 

Valdoviño, A Capela, Cerdido, Moeche, Neda e San Sadurniño acordan conxuntamente non abrir as instalacións das piscinas municipais para garantir a seguridade das persoas usuarias

Piscina municipal

Valdoviño, xunto aos concellos de A Capela, Cerdido, Moeche, Neda e San Sadurniño, comunicaron hoxe a súa decisión de non  abrir as piscinas municipais este verán dadas as circunstancias xeradas pola  pandemia da COVID 19. Os/as representantes municipais   adoptan este acordo tras analizaren entre todos/as o contido dos protocolos redactados polo Ministerio de Sanidade e a normativa  aprobada pola Xunta de Galicia, documentos nos que se establecen unhas condicións que os concellos  dificilmente poden asumir nin tampouco garantir  o seu cumprimento.
 

Páxinas

Subscribirse a noticias