O Concello estenderá a tecnoloxía LED ao pavillón municipal de O Longoiro

Reducir o consumo eléctrico asociado á iluminación, mellorar a eficiencia enerxética e as condicións do alumeado, tanto en intensidade como en uniformidade, son os obxectivos do proxecto de mellora da eficiencia enerxética que o Concello de Valdoviño levará a cabo no pavillón municipal de O Longoiro, en Meirás. Unha intervención que, como explicou o alcalde, Alberto González, contempla a implantación de tecnoloxía LED nas lámpadas actuais, holoxenuros metálicos, co que se logrará un aforro enerxético estimado do 50%.
 

A conselleira de Medio Ambiente e o alcalde visitan a Aula da Natureza, en pleno paseo da lagoa da Frouxeira, con motivo do Día Internacional dos Humidais

Visita á contorna da lagoa da Frouxeira

A conselleira de Medio Ambiente, Territorio e Vivenda, Ángeles Vázquez, e o alcalde de Valdoviño, Alberto González, visitaron esta mañá a Aula da Natureza-Punto de Atención á Infancia do municipio para celebrar, xunto aos/as escolares, a conmemoración do Día Internacional dos Humidais. Unha visita na que tamén tomaron parte concelleiras e concelleiros da corporación e na que coñeceron moi de preto o proxecto educativo destas instalacións, emprazadas en pleno paseo da lagoa e praia da Frouxeira.

As escolas unitarias dan a coñecer o seu proxecto educativo ás familias da Aula da Natureza-Punto de Atención á Infancia

Momento da presentación

Aproveitando o encontro de familias que a Aula da Natureza-Punto de Atención á Infancia celebra cada mes, o equipo docente do CRA O Esquío de Valdoviño realizou para todas elas unha pequena presentación do seu proxecto educativo. O obxectivo era claro: dalo a coñecer entre os pais e nais dos/as potenciais alumnos/as para lograr novas matriculacións que blinden a súa continuidade en futuros exercicios.
 

Xornadas formativas sobre a sede electrónica e a tramitación de subvencións

O Concello de Valdoviño, en colaboración coa Deputación provincial da Coruña, organiza dúas xornadas formativas sobre o uso da sede electrónica municipal e sobre a tramitación de subvencións.
 
Deste xeito, a veciñanza coñecerá como empregar a oficina dixital do Concello e os métodos de identificación que lles permiten autenticarse de maneira segura ante as administracións públicas, así como o xeito de tramitar as diferentes liñas de axudas.
 

24 empresas optan ao contrato para ampliar a rede de abastecemento de auga en Meirás e Valdoviño e de saneamento en Lago

Un total de 24 empresas optan ao contrato do Concello de Valdoviño para a ampliación da rede de abastecemento de auga en diferentes puntos das parroquias de Meirás e de Valdoviño, e a de saneamento noutros lugares da de Lago. No seu conxunto, as nove intervencións previstas suman un orzamento de 229.756,18 euros, que a Administración local financiará con cargo ao POS+2019 da Deputación provincial da Coruña. O prazo de presentación das ofertas pechábase o día 20 de xaneiro e o pasado venres celebrábase a primeira mesa de contratación.
 

A Xunta anuncia o inicio da execución da senda na estrada AC-116, entre Riobó e Lago, en Valdoviño

A Consellería de Infraestruturas e Mobilidade, a través da Axencia Galega de Infraestruturas, comezará esta semana as obras de construción do itinerario peonil e ciclista na estrada AC-116, entre Riobó e Lago, entre os puntos quilométricos 7+120 a 8+800, ao seu paso polo concello de Valdoviño.
 
Esta actuación foi adxudicada á empresa Copasa, por importe de preto de 640.000 euros, e ten un prazo de execución de seis meses aproximadamente.
 

O Concello de Valdoviño convoca un concurso de debuxo infantil para elixir á mascota do Océano Surf Museo

Océano Surf Museo

O Océano Surf Museo busca a súa Mascota do Ano, unha imaxe que o represente neste 2020. E faino entre o alumnado do CPI Atios e as escolas unitarias do CRA O Esquío –de todos os cursos e idades-. Por iso, segundo avanzou o alcalde, Alberto González, o Concello plantéalles o reto de participar no concurso de debuxo convocado para tal fin. O protagonista debe ser un animal mariño que reflicta o espírito e os valores deste deporte e debe realizarse sobre unha cartolina branca tamaño A4, relacionando ao mesmo tempo o surf co océano.

O Concello de Valdoviño, en FITUR

Presentación do Pantín Classic

Un ano máis, o alcalde, Alberto González, desprazouse a FITUR xunto á concelleira de Turismo, Rosana García, e o edil de Deportes, Sergio Saavedra, para manter diversos encontros e xuntanzas con operadores nacionais e representantes doutras administracións públicas coas que entablar proxectos comúns de promoción turística.
 

O Concello promove unha xornada entre empresas e autónomos locais para impulsar sinerxias e novas oportunidades de negocio

Cartaz xornada

O Concello de Valdoviño organiza unha xornada dirixida a empresas e persoas autónomas do municipio co ánimo de dar a coñecer os seus servizos e establecer redes de colaboración. Celebrarase o xoves 20 de febreiro ás 20 horas no salón de actos da Casa da Cultura. Aberta a todos os sectores económicos, as firmas e autónomos interesados en tomar parte deben formalizar a súa inscrición no seguinte enlace http://bit.ly/xornadaempresas antes do 14 de febreiro.
 

O Concello abre o prazo de inscrición no novo programa “Concilia Mañás!”

Cartaz de Concilia Mañás

O alcalde, Alberto González, anunciou esta mañá que o Concello poñerá en marcha o programa «Concilia mañás!», un servizo de conciliación da vida laboral e familiar e almorzos que se vai a levar a cabo nas instalacións do CPI Atios de luns a venres de 8 a 9,30 horas. Mañá xoves 23 de xaneiro ábrese o prazo de inscrición no programa, dirixido a nenas e nenos de entre 3 e 12 anos. A intención do Concello, segundo o alcalde, é manter ese prazo aberto ata o 30 de xaneiro, de modo que o servizo se poida activar xa en febreiro.

Páxinas

Subscribirse a noticias