Recollida de suxestións para o PXOM

Compoñentes do equipo de Goberno estarán este venres na Casa da Cultura para recoller suxestións dos veciños sobre o Plan Xeral de Ordenación Urbana (PXOM), así como para realizar as aclaracións necesarias sobre a documentación de traballo do Plan. Será entre as cinco e as oito da tarde.
 

Curso de Fruticultura (Rede Xiana2)

Curso de AGAF0108 Fruticultura (RD 1228/2006, de 27 de outubro, BOE de 3 de xaneiro de 2007)
Lugar: Cerdido
Duración: 880 horas

Participación veciñal no PXOM

O Concello de Valdoviño quere contar coa participación de toda a veciñanza na elaboración do Plan Xeral de Ordenación Urbana (PXOM). Con este obxecto ábrese un período de recepción de suxestións.
 
Os veciños poderán enviar os seus comentarios durante un prazo dun mes, acabado o cal o equipo redactor do Plan estudiará as propostas presentadas e incorporará no documento aquelas que se consideren viables. É importante subliñar que se trata dun período de propostas de mellora do PXOM, non de alegacións particulares, fase que terá o seu tempo máis adiante.

Aprobacións no Pleno Municipal

O Pleno aprobou por unanimidade a proposta do Grupo de Goberno de destinar o importe do Plan de Aforro e Investimento (PAI) da Deputación 2016 á redución da débeda municipal. A aplicación dos 209.073 euros cos que a Deputación dota o PAI para Valdoviño permitirá disminuír a débeda e a amortización dos préstamos a ela vinculado.
 
Ademais, na sesión plenaria correspondente ao mes de febreiro aprobouse a proposta do Grupo de Goberno de incorporarse ao novo grupo de acción que sustituirá a Costa Noroeste, coa finalidade de xestionar os fondos europeos FEDER.

Premio para os FrouxiMakers do CPI Atios

O equipo FrouxiMakers

O Concello de Valdoviño da a súa noraboa ao equipo FrouxiMakers do CPI Atios, que este sábado gañou o premio ao mellor proxecto científico na First Lego League (FLL) que se celebrou na Facultade de Informática da Coruña, e á súa vez foi seleccionado como representante galego para a selección nacional do premio Global Innovations Award.
 

Posta en marcha do Portal de transparencia

O Concello de Valdoviño, en cumprimento da Lei 19/2013, do 9 de decembro, de transparencia, acceso á información pública e bo goberno, pon en marcha a través da súa sede electrónica o Portal de transparencia, que favorece o acceso á información pública, consolidando así os dereitos dos cidadáns ao dotarlles dun sistema de control, coñecemento e vixilancia sobre a súa actividade e a dos seus entes dependentes.
 
Ligazón de acceso: Portal de transparencia.

Reunión co responsable de Deportes da Deputación

O alcalde de Valdoviño, Alberto González, e o concelleiro de Deportes, Sergio Saavedra, desprazáronse este venres á Coruña para manter unha reunión de traballo co responsable de Deportes da Deputación da Coruña, o deputado socialista e alcalde de Cerceda, José Liñares.
 
Na reunión abordouse a problemática dos equipamentos deportivos do Concello e necesidades como a cubrición da piscina, o cambio de herba artificial no campo de fútbol ou os problemas no pavillón do Longoiro.
 

Benestar en balnearios 2016

O prazo de solicitude de participación no programa "Benestar en balnearios 2016" vén de abrirse, ata o 7 de marzo.
 
Para obter información sobre o programa, débese contactar co Departamento de Servizos Sociais Comunitarios Municipais (Tl. 981487041-ext.5).
 

Valdoviño estará presente no Campionato de España de Maratón

Cernadas correrá o seu 27º maratón
Juan José Pita é un especialista en carreiras extremas

Este domingo 21 de febreiro celébrase o Campionato de España de Maratón e Valdoviño estará presente, coa participación de Eduardo Cernadas e Juan José Pita Fragoso, dous atletas vencellados ao noso concello.
 
A proba, que terá lugar en Sevilla, será retransmitida por Teledeporte a partir das nove da mañá.
 
Eduardo Cernadas Vázquez leva máis de 500 carreiras ás súas costas, mentres que Pita Fragoso participou en probas de alta esixencia, como ironmans, triatlons ou os 101 kilómetros de Ronda.
 

Charlas informativas sobre o PXOM

O alcalde de Valdoviño vén de publicar un bando (dispoñible íntegro na sección correspondente aos Bandos) no que fai saber que co obxecto de informar sobre o estado actual da elaboración do Plan Xeral de Ordenación Urbana (PXOM) desenvolveranse unha serie de charlas informativas por parte do equipo redactor do Plan.
 

Páxinas

Subscribirse a noticias