Guía de recursos turísticos

O Concello de Valdoviño presenta a Guía de recursos turísticos do concello elaborada polos xornalistas María Bouza e Chema Corral. Trátase dunha guía totalmente actualizada sobre praias, rutas, actividades deportivas, festas,... así como establecementos de hostelaría e outros aspectos de interese informativo para todas as persoas que estean interesadas no noso municipio.
 
A guía está dispoñible en liña nesta ligazón: Guía turística de Valdoviño.

Axudas e subvencións para material escolar 2016-2017

Prazo: 1 mes dende o 29 de xullo.
 
Bases: As aprobadas por acordo de Xunta de Goberno Local en data 28 de abril de 2016, e publicadas no Boletín Oficial da Provincia da Coruña n.º 116, de data 20.06.2016
 

Laboratorios tecnolóxicos na Casa da Cultura

O Concello de Valdoviño organiza laboratorios tecnolóxicos na Casa de Cultura, subvencionados pola Dirección Xeral de Xuventude, Participación e Voluntariado da Consellería de Política Social e destinados a rapaces a partir de 12 anos, ata completar prazas.
 

Convocado un valdoviñés para disputar o Mundial de kaiak polo

Adrián Hermida, valdoviñés da coñecida familia Gutiérrez, foi convocado pola selección española de kaiak polo que disputará este verán o Campionato do Mundo da especialidade.
 
Malia a súa xuventude, 20 anos, o xogador do Copacabana leva unha longa traxectoria ás súas costas e todo apunta a que será o porteiro titular de España no campionato que terá lugar en Siracusa (Italia) do 29 de agosto ao 4 de setembro.
 
O Concello de Valdoviño quere felicitar novamente aos deportistas locais, representados nesta ocasión na figura de Adrián.

Selección de peóns e albanel

Publícase anuncio da selección dos catro peóns e un albanel que superaron a proba práctica e escrita para a execución de obras e servizos en réxime laboral temporal.

Xoves de arte e cinema

Unha das obras da exposición

Este xoves 21 de xullo proxéctase "Acero puro" na praza da Casa da Cultura, unha película de acción apta para todos os públicos e incluída no Iº Programa de cine da Deputación Provincial. Ás 22:30 horas.
 
Un pouco antes, ás 20:30, terá lugar a inauguración da exposición de Manuel Carballeira. A mostra, situada na Sala de Exposicións da Casa da Cultura, poderá visitarse ata o 14 de agosto, en horario de mañá de luns a venres laborais (10:00-13:00h) avisando na Biblioteca e tamén antes e despois das actividades que teñan lugar no Auditorio ou na praza da Casa da Cultura.

Bautismos de surf

Pantín Surf Camp
Valdo Surf School
Alawa Surf Camp

O Concello de Valdoviño organiza no verán bautismos de surf gratuítos, a través das escolas instaladas no municipio. Os interesados en participar ou obter máis información deben chamar ao teléfono da concellería de Deportes, número 626 465 531.
 
O calendario de bautismos é o seguinte:

Valdoviño, Municipio solidario co Alzheimer

Valdoviño é oficialmente Municipio solidario co Alzheimer. Así llo trasladou o alcalde, Alberto González, a AFAL Ferrolterra (Asociación de Familiares de Enfermos de Alzhéimer e outras demencias). A corporación aprobaba por unanimidade a declaración o pasado venres, consciente de que o alzhéimer é o tipo de demencia máis prevalente e que, na actualidade, afecta en España a 3,5 millóns de persoas, entre as que o sufren e os seus familiares coidadores.
 

Este domingo maxia: "Lafayette Show"

Circus Cabaret

A maxia chegará ás sete da tarde deste domingo ao parque da praia da Frouxeira. Trátase dun espectáculo para público familiar a cargo de Cayetano Lledó.
 
Maxia teatralizada, con comedia e humor, apta para todos os públicos. Teatro e ilusionismo con maxia musical, manipulación de cartas e obxectos, clown, cambios de vestuario, números de mentalismo, hipnosis, pantomima, danza...

Torneo de fútbol sala Ociosol

Ata este venres está aberto o prazo de inscrición no torneo de fútbol sala do Ociosol 2016. Os equipos interesados poden obter máis información ou facer a súa inscrición chamando ao teléfono do departamento de Deportes do Concello, número 626 465 531,

Páxinas

Subscribirse a noticias