Existosa campaña de recollida de xoguetes

Exitosa V Xuntanza Solidaria de Nadal. Un elevado numero de veciños e veciñas achegáronse o día 13 de Decembro á Casa da Cultura para a entrega solidaria de xoguetes. Unha gran cantidade de xoguetes novos e/ou en bo estado foron facilitados para todas aqueles nenos/as con maiores necesidades este Nadal.
Un total de 20 familias (e 42 menores) serán as beneficiarias desta campaña.
Agradecementos a toda a veciñanza e as asociacións colaboradoras.

Programa Achega - Campaña de recollida de alimentos de Nadal

O Concello de Valdoviño, dende o Departamento de Servizos Sociais Comunitarios, está a impulsar a campaña de recollida de alimentos, incluida dentro do Programa Achega, durante a época de Nadal.
Para isto, tanto dende os establecemento colaboradores (Aliprox, Cooperativa de Lago, Cooperativa de Meirás, O Zapateiro, Canducha, Josby, O Castro) como dende o CPI ATIOS/CRA e Concello, estase a realizar a recollida a través da aportación da veciñanza,de alumnado e dos seus familiares.

Voluntarios para a Cabalgata de Reis

A Asociación A Frouxeira, organizadora da Cabalgata de Reis do día 5 de xaneiro en Valdoviño, precisa de persoas que queiran participar voluntariamente como figurantes na propia cabalgata.
 
Quen estiverá interesado/a en participar deberá poñerse en contacto coa organización, ben por correo electrónico (cabalgatareis@gmail.com) ou ben chamando ao teléfono 669 173 905.

Premios do I Certame de fotografía anterior a 1970

Os autores das fotografías premiadas coa súa publicación no calendario municipal de 2015 e un vale de compra de 100 euros son: Irene Aneiros González, Kristel Testa Ameneiros, Mercedes González Vergara, Inés González Vergara, José Francisco Aneiros Rico, Dolores Vergara Sanjurjo, Vicente Bouza Montero e Sofía Mesía Fraga.
 
Os autores das fotografías premiadas cun vale de compra de 60 euros son: José Gómez García, Vicente Bouza Montero, María Dolores Serantes Martínez e Eva María Robles Freire.
 

Sorteo de premios do Concurso de fotografía

O sorteo de cinco vales de 60 euros para invertir en comercio local a realizar entre as fotos enviadas ao I Certame de fotografía anterior a 1970 e que non foron elexidas para formar parte do calendario municipal 2015 será o martes 16 de decembro ás 10:00 horas na Casa da Cultura.
 
Os participantes no certame e calquera outra persoa interesada pode asistir ao acto, que será público, e ante a secretaria municipal.
 

Comida maiores 2014

A comida celebrarase o día 20 de Decembro ás 13:30 horas no Restaurante Brisas.
Persoas destinatarias: maiores de 65 anos empadroadas no Concello de Valdoviño
Custo: 5 euros
Inscricións: ata o 17 de Decembro ás 12 da mañá no Departamento de Servizos Sociais Comunitarios.

Campaña de esquí

Informamos que está aberta a campaña de esquí da Deputación da Coruña, á que o Concello de Valdoviño está adherido, correspondéndolle 4 prazas na 1ª Quenda, que é na fin de semana do 30 de xaneiro do 2015 ao 1 de febrero.
 

I Andaina "Móvete polo bo trato"

O día de onte acompañou para a celebración da I Andaina para a eliminación da Violencia contra as Mulleres. Un gran grupo de persoas de todas as idades sumáronse para reivindicar a erradicación deste problema social.
 

Iniciación ao stop motion

stop motion

Os rapaces que participaron no Taller de iniciación ao stop motion crearon este fermoso multimedia.

25 de Novembro "Día para a eliminación da Violencia contra as Mulleres"

Móvete polo bo trato

¡O Concello de Valdoviño contra a Violencia contra as Mulleres! "MÓVETE POLO BO TRATO"
Para a conmemoración do día 25 de Novembro, o Concello de Valdoviño (dende os Departamentos de Cultura e Servizos Sociais) ten prevista unha actividade para este domingo 30 de novembro. Unha andaina popular urbana que terá como punto de partida e chegada a Casa da Cultura. Como peche terá lugar un acto final no Auditorio no que participarán alumnado do CPI ATIOS e CRA, outras persoas en representación dos diferentes colectivos  e un grupo da escola de baile da Asociación de Veciños/as de Lago.

Páxinas

Subscribirse a noticias