As “lecturas compartidas fóra do centro” CPI Atios continúan este venres en Pantín

Sesión en Vilaboa de Lecturas Compartidas

O programa “Lecturas compartidas fóra do centro” que impulsan o CPI Atios e o Concello de Valdoviño celebrará mañá venres, 13 de abril, unha nova sesión. E farao trasladándose á parroquia de Pantín. No seu local social, desenvolverase o encontro interxeneracional entre o alumnado de 5º A e as persoas maiores da parroquia. Será a partir das 10,30 horas e todo aquel que esté interesado en asistir está convidado.
 

Arranca o curso de alfabetización dixital

Primeira sesión do curso

Con todas as prazas cubertas arrancaba esta semana o Curso de Alfabetización Dixital: Informática básica con Internet. Nel, toman parte unha decea de veciños e veciñas, que se formarán no sistema operativo Windows, manexo de Internet e correo electrónico, así como no programa Word.
 
As clases, impartidas polo técnico municipal de Cultura Daniel Cartelle, celebraranse todos os luns ata o 11 de xuño, en horario de 12 a 14 horas no Centro Sociocomunitario de Valdoviño.
 

Valdoviño inicia a renovación do alumeado público no Carballal e Avenida Areeiros

A intervención está orzamentada nuns 23.000 euros e súmase á realizada na Avenida de Valdoviño ó seu paso pola Porta do Sol
 

A alcaldesa de Narón e o rexidor de Valdoviño reuníronse para abordar posibles colaboracións entre ambos municipios en materia de servizos e infraestruturas

Momento da xuntanza

A alcaldesa de Narón, Marián Ferreiro, e o rexidor de Valdoviño, Alberto González, reuníronse onte co fin de analizar a viabilidade de que ambos concellos asinen un convenio de colaboración no que se recolla a posibilidade de que algunhas vivendas do termo municipal valdoviñés vertan a colectores localizados en Narón. Así, a rexedora local da cidade valorou a boa disposición de González para tratar de chegar a un acordo “que sería vantaxoso tanto para ambos Concellos como para as nosas veciñas e veciños”, asegurou.

Enrique Artero guiará unha visita á súa colección privada de táboas como broche de ouro ó seu paso polo Océano Surf Museo

Enrique Artero no Océano Surf Museo

Terá lugar este venres e para tomar parte é preciso inscrición previa
 
O acto de clausura da exposición temporal concluirá coa presentación dos libros Surfing The Basque Country e Mundaka surf to live Craig Sage, a cargo de Javier Amézaga
 

O Concello convoca unha “quedada” para pintar as paisaxes de Valdoviño

"Quedada" en 2017

Aberta a inscrición na Casa da Cultura para participar na iniciativa, que estará guiada polo pintor Manuel Carballeira
 

Valdoviño convoca o proceso selectivo para dúas prazas de auxiliar de Policía

As persoas interesadas na convocatoria, que o Concello realiza a través da Xunta, poderán presentar as súas solicitudes dende mañá
 

Arrancan as obras de demolición das ruínas emplazadas na Porta do Sol

Momento do inicio dos traballos

O Concello executa os traballos nesta parcela municipal para garantir a seguridade neste céntrico espazo do municipio
 

Éxito de participación no II Open de Tenis Concello de Valdoviño

Entrega de trofeos

A segunda edición do Open de Tenis Concello de Valdoviño, promovido pola Concellería de Deportes e a Escola de Tenis Justo al Revés coa colaboración do CCDR Perlío, celebrou o pasado domingo as finais. Así, Javier Tur alzouse co trunfo na categoría Absoluto Nivel 1 tras vencer na final fronte a Cipriano Alberto, e José Del Río fixo o propio en Absoluto Nivel 2 tras superar a Manuel Fachal.

Páxinas

Subscribirse a noticias