Arranca o curso na Aula da Natureza-Punto de Atención á Infancia de Valdoviño coa participación de 14 nenos e nenas

Un total de 14 nenos e nenas iniciaban esta semana o curso na Aula da Natureza-Punto de Atención á Infancia. Esta mañá, o alcalde, Alberto González, visitaba as instalacións, emprazadas na contorna da lagoa e praia da Frouxeira, e informaba de que hai 6 prazas vacantes, co que as familias interesadas neste recurso de conciliación da vida familiar e laboral aínda poden solicitar unha delas no departamento municipal de Servizos Sociais (pranta baixa da casa consistorial).
 

O Concello de Valdoviño abre a inscrición este martes nas actividades da Escola de Música

O Concello de Valdoviño informou esta mañá de que o vindeiro martes, 10 de setembro, abrirase o prazo de inscrición nas diferentes actividades da Escola Municipal de Música. A programación inclúe música en movemento para nenos e nenas de 3 a 5 anos, e guitarra clásica e eléctrica, piano, batería e canto moderno, para nenos e nenas a partir de 6 anos e persoas adultas.
 

Fin de curso das actividades acuáticas de OcioSol 2019 organizadas polo Concello

Un total de 109 persoas, entre nenos e nenas e persoas adultas, tomaron parte nos meses de xullo e agosto nos cursos de natación e aquagym organizados polo Concello de Valdoviño ao abeiro do programa municipal OcioSol 2019. Celebráronse na piscina municipal de Lago, despois da conclusión da intervención de reforma integral á que foi sometida nos últimos meses. Deste xeito, a semana pasada, cada grupo levou a cabo unha exhibición dos coñecementos adquiridos coa que se puxo fin, de xeito festivo, aos cursos por este ano.
 

A Casa da Cultura acolle a reestrea do documental "Laguna y entorno de Valdoviño"

Coincidindo coa súa nominación á mellor curtametraxe do Festival Internacional de Cine de Daroca, en Zaragoza, a Casa da Cultura acollerá este venres 6 de setembro a reestrea do documental «Laguna y entorno de Valdoviño», obra de José Roberto Fernández López. A proxección terá lugar a partir das 20,30 horas con entrada de balde e o público poderá coñecer de primeira man un traballo único sobre unha contorna igualmente singular.
 

O Concello de Valdoviño dota o CPI Atios dun novo circuito de auga e procede ao pintado de toda a planta baixa

Visita ás obras

A uns días de comezar o novo curso escolar, o Concello de Valdoviño vén de concluír os últimos traballos de mellora no CPI Atios. Así o anunciaba o alcalde, Alberto González, que realizaba esta mañá unha visita de fin de obra ao centro educativo na que estivo acompañado do director, Antonio Cebreiro, e máis dos concelleiros de Obras, Alejandro García, e Servizos, Benito Vega.
 

Entrega de medallas aos nenos e nenas participantes nos cursos de fútbol sala

O concelleiro de Deportes, Sergio Saavedra, fixo entrega a semana pasada dos diplomas acreditativos e medallas aos nenos e nenas participantes nos cursos de fútbol sala organizados polo Concello de Valdoviño durante os meses de verán no marco do programa OcioSol 2019. Uns cursos que se desenvolveron en xullo e agosto os luns e mércores pola mañá na pista deportiva da Frouxeira, anexa ao cámping municipal A Lagoa.
 
Nos mesmos tomaron parte 23 nenos e nenas e, no transcurso do acto, Sergio Saavedra valorou moi positivamente a participación rexistrada na actividade.

Valdoviño acolle a exposición do XIII Premio Internacional de Arte Gráfico Jesús Núñez

A Casa da Cultura estrea exposición este martes 3 de setembro. A mostra itinerante do XIII Premio Internacional de Arte Gráfica da Deputación da Coruña “Jesús Núñez” chega a Valdoviño. O público poderá visitala ata o día 17 no seguinte horario: de martes a domingo de 12 a 14 horas e as fins de semana, a maiores do horario de mañá, tamén de 16 a 19 h.
 
Poderán ver os traballos realizados polos artistas participantes no certame correspondente ao 2018, con técnicas gráficas, gravado calcográfico, litografía, serigrafía, xilografía e as súas derivacións.

O servizo de socorrismo continuará a primeira semana de setembro nas praias da Frouxeira e de Pantín

O Concello de Valdoviño informou esta mañá de que o servizo de socorrismo estenderase ata o 8 de setembro nas praias do Rodo (Pantín) e da Frouxeira (Valdoviño), as de maior afluencia de bañistas do municipio.
 
Así mesmo, lembra que, como establece o contrato, no resto dos areais (O Río, O Baleo e Vilarrube) rematará mañá, 31 de agosto, polo que se pide precaución aos bañistas que se acheguen a estas praias e a outras na tempada na que non hai servizos de socorrismo.

O curso de tiro con arco contou con 22 participantes de todas as idades

Un total de 22 persoas participaron este verán no curso de tiro con arco, impartido polo Club Arco A Frouxeira e promovido polo servizo de deportes do Concello de Valdoviño.
 
As clases tiveron lugar entre o 19 e o 23 de agosto no campo municipal de fútbol de Atios e participaron persoas de todas as idades a partir dos 8 anos, mínimo esixido para poder inscribirse nesta actividade estival.
 

O Amistade gaña o I Torneo Municipal de Fútbol Feminino Concello de Valdoviño

Primeira de moitas edicións

O Amistade, de Meirás, foi o equipo gañador da primeira edición do Torneo Municipal de Fútbol Feminino Concello de Valdoviño, que se disputou a pasada fin de semana no campo O Lameiro, na parroquia de Vilaboa.
 
O encontro enfrountou aos equipos femininos do CD Rosalía de Vilaboa e do Amistade de Meirás e foi seguido por veciños e veciñas a pé de campo. Finalmente, o marcador decantouse polo Amistade, que marcou dous goles fronte a un do Rosalía.
 

Páxinas

Subscribirse a noticias