Valdoviño celebra este sábado o VI Festival Solidario a favor de Cáritas

Cartel Festival Solidario

Valdoviño celebrará este sábado a sexta edición do Festival Solidario a favor de Cáritas, unha cita que promoven as entidades veciñais, culturais, deportivas, a ANPA e a asociación de amas de casa coa colaboración do Concello e das empresas Paula Raamonde Varela, Pabulandia e Industrias ET. En horario de mañá, a cita terá como escenario o pavillón do CPI Atios, namentras que pola tarde as actividades trasladaranse á Casa da Cultura. Así mesmo, a veciñanza pode colaborar cos seus donativos, que se establecen en tres euros.
 

O Concello convoca o proceso selectivo para a contratación de 2 técnicos de Turismo

A raíz da inminente necesidade de cubrir unha praza no Concello, crearase tamén unha lista de aspirantes a funcionario interino de prazas de administrativo mediante o sistema de oposición libre
 

As unidades móbiles de doazón de sangue desprazaranse a Valdoviño e Meirás a próxima semana

O Concello informa á veciñanza de que as unidades móbiles do Centro de Transfusión de Galicia desprazaranse ó municipio a próxima semana. Concretamente, o luns 23 estarán en Meirás (fronte á cooperativa) de 16 a 21 horas e o martes 24, diante da casa consistorial de Valdoviño, de 10 a 14 e de 16 a 21 h.
 

Nova Galega de Danza presenta no Miradoiro do Paraño o seu último espectáculo: Ser e Terra

Nova Galega de Danza

A actuación celebrarase este domingo, no marco do acto organizado polo Concello neste espazo para conmemorar o Día do Libro agasallando ós asistentes con obras literarias
 

O Concello estende a renovación do alumeado público ó entorno do centro de saúde, igrexa, CPI e á zona de Atios

Traballos de renovación das lámpadas

Os traballos de renovación do alumeado público iniciados este mes na zona do Carballal e Avenida Areeiros –dende o cámping A Frouxeira e ata a igrexa de Santa Eulalia- continuaron no entorno do centro de saúde, do CPI Atios e do citado templo –ata O Cameleiro-. Así mesmo, nos vindeiros días estenderanse tamén á avenida de Atios. Uns traballos que amplían a intervención inicial e que son posibles, segundo explicou o alcalde, Alberto González, pola mellora ofertada pola empresa adxudicataria dos traballos.
 

O Concello informa da apertura do prazo para solicitar as estancias para persoas maiores do programa Termalismo

A Concellería de Servizos Sociais tramita as solicitudes
 
O Concello de Valdoviño, a través da Concellería de Servizos Sociais, informa da apertura do prazo para solicitar as estancias do programa Termalismo do IMSERSO. Un programa dirixido ás persoas pensionistas de xubilación ou incapacidade permanente; de viudedade con 55 ou máis anos; por outros conceptos ou perceptor de prestacións ou subsidios de desemprego con 60 ou máis anos, ou ser asegurado ou beneficiario do Sistema da Seguridade Social español, con 65 ou máis anos de idade.
 

O Océano Surf Museo recibe a visita do alumnado de 2º de Primaria do CPI Atios

Alumnado de 2º de Primaria do CPI Atios no exterior do museo

Os centros educativos interesados en concertar unha visita guiada gratuíta tan só teñen que poñerse en contacto co Concello
 

O Concello leva ata o Mirador do Paraño a conmemoración do Día do Libro

O alcalde, Alberto González, avanza que o enclave convertirase nunha librería por unhas horas nas que a veciñanza será agasallada con libros
 

O Concello abre as portas da Aula Municipal de Informática no Centro Sociocomunitario

A partir deste mércores, a veciñanza poderá acceder a este servizo en horario de 10 a 12 e de 16,30 a 18,30 h de luns a venres
 
O Concello de Valdoviño, a través da Concellería de Cultura, vén de informar que a Aula Municipal de Informática abrirá as súas portas no Centro Sociocomunitario a partir deste mércores, 18 de abril. A partir de entón, o horario de primavera será polas mañás de 10 a 12 h e polas tardes de 16,30 a 18,30 h, de luns a venres. Durante ese tempo, a veciñanza poderá acceder ós equipos informáticos e Internet para realizar as súas consultas e xestións.

A igualdade foi a protagonista da sesión de “Lecturas compartidas” entre o alumnado do CPI Atios e a veciñanza de Pantín

"Lecturas compartidas" en Pantín

“Se nos educades iguais, seremos iguais”. Foi a mensaxe coa que esta mañá remataban as alumnas e alumnos do 5º curso A de Educación Primaria do CPI Atios a súa participación no programa “Lecturas compartidas fóra do centro” que impulsa o colexio en colaboración co Concello. Xunto ós seus mestres Dolores, Cristina e Luis, desprazábanse ó local social de Pantín para manter unha xuntanza cos veciños e veciñas.

Páxinas

Subscribirse a noticias