O Concello aproba obras de mellora na Casa da Cultura, piscina e pavillón municipal por 158.030,45 euros

O alcalde de Valdoviño, Alberto González, informou esta mañá da aprobación en pleno de diversas actuacións de mellora en tres edificios municipais –Casa da Cultura, Piscina Municipal e Pavillón Municipal- cun investimento de 158.030,45 euros. Sufragaranse con cargo ó Plan Único de Concellos (POS+ Adicional) da Deputación provincial da Coruña, e permitirán mellorar a funcionalidade e eficiencia enerxética das instalacións, reducindo os gastos de mantenemento e os consumos eléctricos.
 

O Concello organiza este domingo a IV Andada Urbana para a Eliminación da Violencia contra as Mulleres

O Concello de Valdoviño convoca, por cuarto ano consecutivo, a Andada Urbana para a Eliminación da Violencia contra as Mulleres. Unha marcha reinvindicativa coa que a Administración local conmemorará o Día contra a Violencia de Xénero. Celebrarase este domingo, 26 de novembro, e a diferencia doutros anos desenvolverase en horario de tarde para facilitar a asistencia. Así, sairá da Casa da Cultura ás 17 horas para iniciar un percorrido ata o entorno da praia e lagoa da Frouxeira.

Operarios municipais levan a cabo diversas obras de mellora no CPI Atios

Actuación no peche perimetral

O Concello de Valdoviño, a través da Concellería de Obras, vén de realizar nos últimos meses unha serie de obras de mellora nas instalacións do CPI Atios. Todas elas, a petición do centro educativo e con persoal propio. A última, a instalación dunha cuberta no portalón de acceso ó pavillón que permite ás familias resgardarse da choiva namentras esperan a saída dos seus fillos e fillas. Previamente, tal e como explica o edil de área, Benito Vega, o Concello procedeu á renovación do chan da Biblioteca escolar.

O Concello inviste máis de 23.000 euros na incorporación de LEDs ó alumeado público

O Concello de Valdoviño procederá á renovación do alumeado público na zona do Carballal e Avenida Areeiros –ata a igrexa de Santa Eulalia- por outro LED de baixo consumo. Unha intervención orzamentada en 23.159,40 euros coa que se pretende un triple obxectivo: protección do medio ambiente; menor consumo e por tanto unha rebaixa na factura eléctrica, e mellora da iluminación dos viais para a circulación de peóns e vehículos.

O Concello convoca xuntanzas veciñais en todas as parroquias de Valdoviño

O alcalde, Alberto González, informou esta mañá de que o Concello levará a cabo unha serie de xuntanzas veciñais en todas e cada unha das parroquias do municipio. Os encontros comezarán esta semana e a eles asistirán os concelleiros e concelleiras das diferentes áreas, además do rexidor, co obxectivo de recabar as propostas da veciñanza e coñecer as queixas sobre os servizos e proxectos municipais. Unha medida, engadiu o alcalde, coa que facilitar a participación cidadá na xestión do día a día do Concello.
 

Unha veintena de mulleres toman parte no curso gratuíto de defensa persoal que promove o Concello de Valdoviño

O alcalde, Alberto González, presentou a actividade
Momento da acción formativa

Unha veintena de mulleres de Valdoviño e doutros municipios limítrofes iniciaron onte á tarde o curso de defensa persoal e autocapacidades que impulsa o Concello, a través da Concellería de Servizos Sociais, no local veciñal de Lago. A acción formativa está financiada pola Secretaría Xeral da Igualdade da Xunta de Galicia e inclúese na programación municipal deseñada co gallo do Día Internacional da Eliminación da Violencia contra a Muller.
 

Caramuxo trae este domingo a Valdoviño o seu espectáculo de teatro e danza “Ela”

"Ela" de Caramuxo Teatro

O Concello de Valdoviño, a través da Concellería de Cultura, invita a nenos e nenas e tamén público familiar ó espectáculo de teatro e danza « Ela », a cargo da compañía Caramuxo Teatro. A función terá lugar este domingo a partir das 18 horas no Auditorio da Casa da Cultura con entrada libre e de balde ata completar aforo. A obra inclúese na programación deseñada pola Concellería de Cultura para o mes de novembro coa colaboración da Deputación a través da Rede Cultural.
 

O Concello erradica a fosa séptica da praia do Río e executa obras de mellora nas casetas de salvamento de varias praias

Caseta de salvamento de Pantín

O Concello de Valdoviño vén de concluír as obras de construción dunha instalación de bombeo de augas fecais na praia do Río, en Meirás, que permitiu erradicar a fosa séptica ubicada na contorna do areal. Esta intervención incluíuse nun paquete máis amplo de obras que contemplou tamén a reparación e acondicionamento das casetas de madeira do servizo de salvamento e tamén dos recintos de aseos públicos ubicados nas praias da Frouxeira, do Río, do Rodo e Pantín.
 

Ampliación dunha aula no CPI Atios cun investimento de 33.000 euros

Momento da visita á nova aula

Acompañado do alcalde, Alberto González, o delegado territorial da Xunta na Coruña, Ovidio Rodeiro, visitou a semana pasada o CPI Atios de Valdoviño, para verificar un proxecto da Consellería de Cultura, Educación e Ordenación Universitaria, consistente na ampliación dunha aula, cun investimento de algo máis de 33.000 euros. O director do centro, Antonio Cebreiro, e o xefe Territorial de Educación tamén tomaron parte na visita.
 

Valdoviño aproba por unanimidade a súa integración na comunidade intermunicipal para a xestión do proxecto Xeoparque Cabo Ortegal

O pleno do Concello de Valdoviño aprobou esta mañá por unanimidade a incorporación do municipio a unha comunidade intermunicipal que permita a xestión conxunta do proxecto Xeoparque Cabo Ortegal. Unha comunidade que estaría integrada tamén polos municipios de Cariño, Cedeira, Cerdido, Moeche, Ortigueira e San Sadurniño. Así mesmo, a Deputación provincial da Coruña xa expresou a súa vontade de colaboración co ente mediante a sinatura dun convenio de colaboración polo que achegará medio millón de euros co obxectivo de impulsar o proxecto e presentar a candidatura á Unesco.
 

Páxinas

Subscribirse a noticias