Presentación este martes en Vilaboa da publicación “Historias de Vida”

Cartaz da iniciativa

O Concello de Valdoviño acollerá o vindeiro martes 14 de xullo a presentación da publicación «Espadela: escola de empoderamento para mulleres do medio rural. Historias de Vida ». Será a partir das 19 horas a modo de conversa coas persoas asistentes, nun percorrido que partirá da antiga escola unitaria de Vilaboa para acadar o encoro das Forcadas. Para asistir é preciso inscribirse previamente no teléfono de Servizos Sociais: 981 48 70 41 extensión 5.

Marián Ferreiro e Alberto González asinaron un convenio a través do que Narón implantará o servizo de saneamento en vivendas limítrofes de Valdoviño

Sinatura do convenio

A alcaldesa de Narón, Marián Ferreiro, e o alcalde de Valdoviño, Alberto González, asinaron esta mañá no Concello naronés un convenio de colaboración entre ambas administracións para a prestación material do servizo de evacuación e tratamento das augas residuais nun núcleo de vivendas ubicadas en Valdoviño, nas proximidades dos límites territoriais fixados entre os dous concellos. Ferreiro indicou que a empresa mixta concesionaria deste servizo na cidade, Cosma, prestará o servizo aos propietarios e propietarias desas vivendas situadas no termo municipal limítrofe de Valdoviño.

Excursión a Valdoviño para coñecer o seu Museo do Surf d@s nen@s dos campamentos municipais de Guitiriz

Visita rapaces e rapazas de Guitiriz

O Concello de Guitiriz elixiu Valdoviño este ano para realizar as primeiras excursións dos seus campamentos deportivos de verán nos que participan uns 40 mozos e mozas da localidade. E esta semana o técnico municipal Manuel Martínez desprazábase ao noso municipio cos rapaces e rapazas en dúas quendas. O pasado luns coñecían e disfrutaban da praia da Frouxeira pola mañá e trasladábanse a Vilarrube pola tarde para practicar paddle surf. Unha experiencia única para os nenos e nenas.
 

O Concello activa A Frouxeira, Praia Accesible, un servizo para favorecer o uso e desfrute do areal para persoas con mobilidade reducida

A Frouxeira Praia Accesible

O Concello de Valdoviño, en colaboración coa Asociación Aprende a Voar, activaba esta tarde o programa «A Frouxeira Praia Accesible». O alcalde, Alberto González, explicaba que se trata dun servizo municipal gratuíto que permitirá ás persoas con mobilidade reducida ou en cadeira de rodas desprazarse sen axuda polo areal e tamén entrar na auga. Será, como subliñou o representante de Aprende a Voar, a través do préstamo de 2 cadeiras autopropulsadas e un manta que facilita o acceso ao areal e o deslizamento das mesmas.
 

Valdoviño conta cunhas 2.700 prazas de estacionamento nas inmediacións das súas praias, das que 750 reservaranse a veciñ@s

Socorristas a pé de praia

O Concello de Valdoviño conta con preto de 2.700 prazas de estacionamento para dar servizo aos usuarios e usuarias das súas praias principais. Desa cifra total, unhas 750 estarán reservadas para uso das persoas empadroadas no Concello e tamén traballadoras e traballadores ligados ao mar e aos areais, tal que mariscadoras, percebeiros ou persoal dos establecementos de hostalería situados a pé de praia. Na práctica, estes últimos poderán estacionar nesas zonas ou nas de uso libre.

Inscrición aberta no programa autonómico "Coñece Galicia" para nenas e nenos de 10 a 14 anos

Aberta a inscrición no programa autonómico “Coñece Galicia” dirixido a nenos e nenas empadroados/as en Galicia que teñan entre 10 e 14 anos no momento da solicitude. Unha iniciativa lúdico formativa para desenvolver en aloxamentos turísticos distribuídos por toda a xeografía galega en estancias de 5 días, de luns a venres, que sirva tanto para apoiar a adquisición de competencias e habilidades por parte das persoas máis novas como para fomentar o coñecemento da riqueza natural e patrimonial de Galicia, o coidado do medio ambiente e o ocio educativo.

O Concello suma ioga e bailes latinos á súa oferta deportiva de verán OcioSol

Bailes latinos e ioga

O concelleiro de Deportes, Sergio Saavedra, informou esta mañá de que o Concello sumará á súa oferta deportiva de verán, OcioSol, dúas novas actividades: ioga e bailes latinos. Así, as persoas interesadas en anotarse poden facelo xa a través do correo electrónico deportes@concellodevaldovino.com ou na casa consistorial -a ficha pode descargarse da web municipal: http://www.concellodevaldovino.com/?q=gl/node/4194-.
 

Sesión de cine nocturno este xoves en Meirás co filme “O Bosque animado”

O Bosque Animado

O Concello de Valdoviño convida a nen@s e maiores a unha sesión de cine ao aire libre nocturno este xoves. Celebrarase a partir das 22,45 horas no campo da festa de Meirás, que se converterá por unhas horas nunha sala de proxeccións para acoller o pase do filme de animación «O Bosque animado». Unha actividade incluída na Rede Cultural da Deputación provincial da Coruña.
 

O Concello inviste 120.000 euros no servizo de socorrismo das praias

Servizo socorrismo Valdoviño

As praias de Valdoviño contan dende esta semana co servizo de socorrismo. Un servizo no que o Concello fai un especial esforzo inversor, destinando unha partida que alcanza os 120.000 euros. Son 22 os/as profesionais que velarán pola seguridade nos principais areais do municipio en canto a afluencia de bañistas: A Frouxeira, Pantín, O Río, Baleo e Vilarrube. Permanecerán a pé de praia de 12,30 a 19,30 horas e haberá dúas persoas encargadas de organizar o servizo.
 

O Concello condea en pleno os ataques vandálicos contra o mobiliario urbano, propiedades privadas e espazos naturais

Como concello aberto, democrático e de entendemento entre todas as sensibilidades políticas, o pleno do Concello de Valdoviño acordou no día de onte aprobar unha declaración institucional de condea ante a oleada de ataques vandálicos rexistrados nas últimas semanas en mobiliario urbano, propiedades privadas e incluso espazos naturais da localidade. Especialmente pintadas que, estes días, se concentran en espazos destinados á propaganda electoral.
 
Ante esta situación, o Concello procederá a tramitar a correspondente denuncia ante os órganos competentes.  
 

Páxinas

Subscribirse a noticias