O Concello anima a nenos e maiores a participar na III Volta ás Forcadas

O Concello de Valdoviño vén de abrir a inscrición na terceira edición da carreira Volta ás Forcadas a través do enlace http://inscripciones.ranckr.com/inscripcion/iii-carreira-popular-volta-a.... Trátase dunha cita deportiva incluída no calendario do 3º Circuito CORRE POLO NORTE que promove o Concello de Valdoviño xunto ós municipios veciños de Ortigueira, Cedeira, Cariño, Cerdido, Mañón e Moeche.

Valdoviño homenaxea a María Victoria Moreno co espectáculo "O amor pola lingua"

María Victoria Moreno

A Casa da Cultura de Valdoviño acollerá este xoves o tradicional acto conmemorativo do Día das Letras Galegas, este ano adicado á escritora María Victoria Moreno. Será a partir das 18 horas, con entrada de balde ata completar aforo. O programa inclúe unha lembranza da homenaxeada a través do espectáculo «O amor pola lingua», a cargo de Sole Felloza. Un espectáculo que tentará facer sentir ó público o que sente quen chega a un lugar e descobre que o seu fogar está alí.

A escola infantil de Valdoviño cumpre un ano

Primeiro aniversario do PAI

Ata hai un ano, as familias de Valdoviño con nenos e nenas de cero a tres anos víanse obrigadas a desprazarse ata municipios veciños como Narón, Ferrol, Cedeira ou San Sadurniño para poder acceder a unha escola infantil. En maio de 2017, e tras anos de xestións e traballo, o Concello inauguraba na Aula da Natureza o seu Punto de Atención á Infancia. Facíao cunha xornada de portas abertas para a veciñanza. Unha iniciativa que, hoxe, un ano despois, vénse de reeditar.

Valdoviño celebra este luns o primeiro aniversario do seu Punto de Atención á Infancia cunha xornada de portas abertas

Punto Atención á Infancia Valdoviño

O alcalde, Alberto González, acompañará ó conselleiro de Política Social, José Manuel Rey Varela, nunha visita á escola nesa xornada
 

Talía Teatro trae este domingo a Valdoviño a súa comedia “Pelos na lingua”

Cartel da obra

A programación cultural deseñada polo Concello de Valdoviño para o mes de maio continúa este domingo co espectáculo « Pelos na lingua », a cargo de Talía Teatro. Celebrarase no auditorio da Casa da Cultura, a partir das 19 horas con entrada libre e gratuíta ata completar aforo. A proposta inclúese na Rede Cultural da Deputación provincial da Coruña e está recomendada para un público maior de 13 anos.
 

Páxinas

Subscribirse a Concello de Valdoviño RSS