O Concello convida á veciñanza ó pase do filme de terror El ataque de los muertos sin ojos, do coruñés Amando de Ossorio

No marco da programación deseñada polo Concello de Valdoviño para conmemorar o Samaín, o auditorio da Casa da Cultura acollerá este venres, Día de Defuntos, a proxección do terrorífico filme El ataque de los muertos sin ojos, do finado director coruñés Amando de Ossorio. Unha película estreada hai 45 anos, hoxe referencia no cine de terror español. Con entrada de balde e libre ata completar aforo, o pase dará comezo ás 20 horas e está dirixido a un público maior de 16 anos.
 

O Concello inicia unha campaña especial de rebacheos en todo o termo municipal

Traballos nos viais

O alcalde de Valdoviño, Alberto González, informou do inicio dunha campaña especial de rebacheos nas oito parroquias do termo municipal. Uns traballos que arrancaban este mes en Valdoviño e Lago e que se irán extendendo nos próximos días a todas as pistas e camiños municipais. Nos traballos, González explica que o Concello investirá unha partida de 19.999,49 euros.
 

A contorna da antiga igrexa e camposanto de Loira albergará os Contos do Demo

Inacio Vilariño

A contorna da antiga igrexa e camposanto de Loira será escenario, por terceiro ano consecutivo, dunha das propostas centrais do Concello de Valdoviño para conmemorar o Samaín. Nesta ocasión, o narrador Inacio Vilariño traerá á parroquia os seus Contos do Demo. Contos populares que xiran ao redor da figura do demo con historias engaiolantes que combinan suspense e humor a partes iguais. O espectáculo celebrarase este xoves, Día de Todos os Santos. Ás 18 horas, o Concello convoca a nenos e maiores na zona de acceso ás naves de Cándido Hermida.

Obxectivo: converter o CPI Atios de Valdoviño en espazo cardioprotexido

Cartel campaña ANPA

As nais e pais que integran, dende o pasado mes de xuño, a nova directiva da ANPA Beiramar de Valdoviño veñen de poñer en marcha unha campaña coa que lograr un obxectivo moi claro: converter o CPI Atios, no que estudan máis de medio millar de nenos e nenas, nun espazo cardioprotexido. A iniciativa, na que colabora o Concello e o propio centro educativo, arrancará formalmente este domingo, coincidindo co Día da Bicicleta.

Valdoviño inicia a celebración do Samaín cos Contos de amor, erotismo e morte de Charo Pita

A narradora Charo Pita

O Concello de Valdoviño celebrará o Samaín cunha serie de propostas culturais para nenos e maiores. A primeira delas será este domingo, 28 de outubro, no auditorio da Casa da Cultura. A partir das 19 horas, a narradora Charo Pita ofrecerá os seus Contos de amor, erotismo e morte.
 
A ollada, o silencio, e como non, a palabra son os protagonistas destas historias, que van dende a creación ata a morte, pasando pola vida, con toda a súa carga de erotismo. Contos para gozar da literatura oral e deses persoeiros que só se atopan nun momento de fábula.
 

Páxinas

Subscribirse a Concello de Valdoviño RSS