O Concello de Valdoviño organiza o I Festival De Cero a Cen para os máis pequenos da casa con Paco Nogueiras e Pesdelán

O parque de Lago, emprazado xunto ó local social, será o escenario do primeiro Festival De Cero a Cen organizado polo Concello de Valdoviño para os máis pequenos da casa. Celebrarase o sábado 30 de xuño, a partir das 19,30 horas, e conta cun cartel de auténtico luxo: Paco Nogueiras e Pesdelán. A entrada é gratuíta e o alcalde, Alberto González, convida a todo o mundo a asistir á cita, que conta co apoio da Deputación provincial da Coruña a través da Rede Cultural.
 

As seleccións autonómicas poñen a cor á primeira xornada do Campionato de España de Surfing 2018 en Valdoviño

Campionato España Surfing

A praia da Frouxeira en Valdoviño estreouse onte como sede do Campionato de España de  Surfing cun novo récord de participación e unhas condicións mínimas para realizar unha competición destas características.
 
O alcalde de Valdoviño, Alberto González, e os seus concelleiros,  Sergio  Saavedra e  Benito Vega xunto con Carlos García, presidente da Federación Española de  Surfing,  presidiron a tradicional cerimonia inaugural.
 

O Océano Surf Museo amplía horarios durante o Campionato de España de Surf

Océano Surf Museo

Coincidindo coa celebración do Campionato de España de Surf na Frouxeira, o Océano Surf Museo, o primeiro e único de España desta temática, amplía esta semana os horarios de apertura. Así, dende hoxe e ata o vindeiro venres, poderá visitarse de 12 a 14 horas e, tamén, de 17 a 20 horas. A fin de semana, como é tradición, será de 12 a 14 e de 16 a 19 horas. A entrada é gratuíta e o alcalde, Alberto González, convida a veciños e visitantes a aproveitar a ocasión e achegarse a estas instalacións, emprazadas na primeira pranta da Casa da Cultura.
 

Pantín albergará a finais de setembro o Campionato Mundial de Waveski Surfing

Presentación do evento deportivo

A praia de Pantín acollerá este ano o Campionato Mundial de Waveski Surfing, un deporte dinámico que combina o poder do remo de kaiak coa maniobrabilidade e o rendemento dunha táboa de surf. Será do 23 ó 30 de setembro e, a tres meses da súa celebración, preto de 90 deportistas procedentes de 14 países como Australia, Sudáfrica ou Arxentina xa confirmaron a súa asistencia.

A Casa da Cultura de Valdoviño acolle este sábado a XXXI Mostra da Canción Coral

O auditorio da Casa da Cultura de Valdoviño acollerá este sábado, 23 de xuño, a XXXI edición da Mostra da Canción Coral. Unha cita de referencia na comarca para os amantes da música coral. Dará comezo ás 19 horas, con entrada de balde ata completar aforo, e estará conducida por Andrés Vellón, delegado de La Voz de Galicia en Ferrol.
 

Páxinas

Subscribirse a Concello de Valdoviño RSS