O Concello adxudica a segunda fase das obras que dotarán a Valdoviño do seu primeiro centro sociocomunitario

O Concello de Valdoviño adxudicou a segunda fase da intervención que convertirá o antigo mercado municipal no primeiro Centro Sociocomunitario do municipio. Así o avanzou esta mañá o alcalde, Alberto González, quen sinalou que a empresa que levará a cabo as obras será a firma Manuel Barcia García, cun orzamento de 59.900 euros. A actuación iniciarase no prazo dun mes, unha vez conclúa a primeira fase, e permitirá completar esta actuación de modo que o Centro Sociocomunitario sexa unha realidade antes de rematar o ano.
 

O Concello incorpora 4 peóns e 1 albanel para traballos de mantenemento

O Concello de Valdoviño vén de incorporar catro peóns e un albanel grazas ao programa provincial PEL-Concellos, que financia a súa contratación. Así, segundo explicou o alcalde, Alberto González, realizarán fundamentalmente tarefas de conservación e mantenemento en todo o termo municipal e, esta semana, comenzaban o seu traballo nas parroquias de Meirás e Valdoviño, realizando labores de desbroces e acondicionamento de beirarrúas.
 

O Concello conclúe os traballos de acondicionamento da pista de acceso a A Frouxeira dende a parroquia de Lago

O alcalde de Valdoviño, Alberto González, informou esta mañá do remate dos traballos de acondicionamento da pista de acceso á contorna da Frouxeira dende a parroquia de Lago. Un vial de 750 metros que se atopaba nun grave estado de deterioro e sobre o que se aplicou un triple tratamento de rego asfáltico. O camiño dá entrada directa ao paseo peonil da lagoa da Frouxeira, dende a coñecida como zona do Golpiño, e tamén servizo ás vivendas situadas na contorna.
 

As obras de construción do primeiro campo de fútbol de herba artificial de Valdoviño alcanzan o seu ecuador

Visita ás obras do campo de fútbol
Visita ás obras do campo de fútbol

Dous meses despois do seu inicio, as obras de construción do primeiro campo de fútbol de herba artificial en Mourente avanzan a moi bo ritmo e, a día de hoxe, practicamente alcanzaron o seu ecuador. Así o constatou esta mañá o alcalde, Alberto González, e o concelleiro de Deportes, Sergio Saavedra, nunha visita de supervisión, xunto á dirección de obra, ás instalacións. Así, o Concello concluíu ata o momento os traballos de movemento de terras e está a piques de rematar a instalación da rede principal do sistema de rego e máis do sistema de saneamento.
 

O Concello abre a inscrición na V Carreira na Area da praia da Frouxeira

Por quinto ano consecutivo, o Concello de Valdoviño, a través da Concellería de Deportes, organizará a Carreira na Area da Praia da Frouxeira. De aí que hoxe abrise o prazo de inscrición na actividade. Pode formalizarse no Rexistro Xeral da Casa do Concello, na Oficina Municipal de Turismo (Porta do Sol), no teléfono 626 46 55 31 ou a pé de areal o mesmo día da súa celebración unha hora antes.
 

Páxinas

Subscribirse a Concello de Valdoviño RSS