Concello de Valdoviño

O alcalde, Alberto González, xunto ó concelleiro de Deportes, Sergio Saavedra, desprazábanse o pasado sábado a Ourense para recibir, na gala dos IX Premios Galicia á Xestión Deportiva, o Galardón que acredita a Valdoviño como o Mellor Concello de menos de 15.000 habitantes. Os premios son concedidos pola Asociación Galega de Xestores Deportivos (AGAXEDE) e a decisión, segundo apunta a organización, adoptouse por unanimidade.
 

O Concello, a través da Concellería de Servizos Sociais, organiza un curso de defensa persoal dirixido a mulleres. Celebrarase en dúas xornadas: o 3 e o 5 de decembro, en horario de 16 a 20 horas, e terá por escenario o local social de Vilaboa –na antiga escola unitaria-. As mulleres interesadas en tomar parte na actividade, completamente gratuíta, deben formalizar a súa inscrición antes do venres, 30 de novembro, no departamento municipal de Servizos Sociais –pranta baixa da casa consistorial- ou chamando ó teléfono 981 981 48 70 41 ext.5.
 

O Concello organiza este domingo unha xornada de portas abertas con visita guiada da Pantín Surf Camp, unha das escolas promotoras, xunto ó Concello, destas instalacións pioneiras en España
 

Finalmente, a veciñanza presentou máis de 150 imaxes ó certame convocado pola Concellería de Cultura para a elaboración do calendario municipal do 2019. Un calendario que edita todos os anos o Concello e que reparte entre veciños e tecido asociativo. Presentarase o vindeiro 23 de decembro nun acto público no auditorio da Casa da Cultura e, a partir de aí, comezará a súa distribución.
 

O Concello de Valdoviño, da man da Mancomunidade, promove o vindeiro 30 de novembro unha sesión de portas abertas de Orientación Laboral. Será no salón de plenos da casa consistorial e os destinatarios son as persoas veciñas do Concello de Valdoviño que estean en procura de emprego.
 
A finalidade de dita sesión é establecer un contacto directo coas persoas desempregadas que fagan búsqueda activa de emprego para coñecer as súas demandas e intereses de cara a futuras intervencións de orientación laboral que favorezan a súa inserción no mercado de traballo.