O Concello de Valdoviño abre o prazo de inscrición nos Campamentos Deportivos de Verán da Deputación

O Concello de Valdoviño, a través da Concellería de Deportes, vén de abrir o prazo de inscrición nos Campamentos Deportivos de Verán 2018 da Deputación provincial da Coruña. Este ano, ó municipio asignáronlle tres prazas para a quenda do 7 ao 12 de xullo. Así, as persoas interesadas en optar a unha delas, necesariamente empadronadas en Valdoviño, poden presentar a súa solicitude no Rexistro Xeral ata o 31 de maio, incluído.
 

As obras de ampliación da estrada da Deputación en Loira obrigan á retirada puntual do alumbrado público

O Concello de Valdoviño informa de que debido ás obras de ampliación da estrada da Deputación en Loira se procederá á retirada puntual da iluminación pública namentras Fenosa non conclúa o retranqueo dos postes. Agardando que sexa pouco tempo, namentras o Concello pide desculpas e precaución á hora de circular tanto aos condutores coma aos peóns aos que se lles lembra a necesidade de portar elementos ou prendas reflectantes.
 

 

Inscrición aberta no Itinerario polos Espazos de Saúde de Ferrol

As persoas interesadas en tomar parte no Itinerario polos Espazos de Saúde de Ferrol, guiado polo profesor Orlando Jara, deben inscribirse na Casa da Cultura de Valdoviño ou chamar ao teléfono 981 48 76 66. De 10 a 14 horas e o prazo remata este venres, incluído.
 
O itinerario, que permitirá percorrer as principais instalacións sanitarias e tamén aqueles espazos que noutrora tiveron este uso, celebrarase este venres 10 de maio con saída do Instituto de Canido ás 17,30 horas.

 

O Concello informa do cambio de empresa prestadora do servizo de axuda no fogar

O Concello de Valdoviño, a través da Concellería de Servizos Sociais, informa para coñecemento das familias beneficiarias do servizo de axuda no fogar do cambio da empresa prestadora do servizo. Un cambio, efectivo a partir de hoxe, derivado da adxudicación do contrato á UTE Aras Multiservicio SLU-People Plus Innovation SL. por 2.910.213,76 euros para os próximos 4 anos, a razón de 727.553,44 euros anuais.
 

Felicitación ao SD Valdoviño

O Concello de Valdoviño quere felicitar ao clube de fútbol SD Valdoviño polo seu título de Liga e o correspondente ascenso á Primeira División Autonómica. Parabéns!

Páxinas

Subscribirse a Concello de Valdoviño RSS