Presentación de vídeos de promoción turística do concello de Valdoviño

Este domingo (22 horas) terá lugar a presentación de varios vídeos de promoción turística do concello de Valdoviño, no parque da praia da Frouxeira. Mediante a realización destes vídeos de curta duración téntase dar a coñecer aos turistas e todas as persoas interesadas os fantásticos contornos presentes ao longo de todo o municipio.
 
A realización dos vídeos para o Concello foi a cargo da empresa Videodrongalicia e do portal turístico www.seidunsitio.com.
 
Aberto a todas as persoas que queiran acudir.

O Concello organiza a II Carreira Popular na Praia da Frouxeira

O Concello de Valdoviño, a través da Concellería de Deportes, organizará por segundo ano consecutivo a Carreira Popular na Praia da Frouxeira. Terá lugar o domingo 28 de agosto, a partires das 11 horas, e a participación é completamente gratuíta. Nesta liña, o alcalde, Alberto González, sinala que o obxectivo é fomentar o deporte en familia, polo que o percorrido é de baixa dificultade, pensado para todas as idades. Iso si, sobre area. Arrancará da caseta de socorrismo ubicada no areal e alcanzará a zona de Outeiro, para regresar de novo ás instalacións municipais.
 

Continuidade do programa de envellecemento activo 2016

No mes de Setembro retomaranse as actividades do programa municipal de envellecemento activo 2016 (financiadas pola Deputación da Coruña) dirixidas para persoas maiores de 55 anos. A seguinte acción consistirá na realización dun obradoiro de memoria histórica ("Memoria dun século") con sede na parroquia de Vilaboa. As datas previstas son as seguintes: 22 e 29 de Setembro e 7,14,21 e 28 de Outubro (xoves) de 16:30 a 18:00 horas na antiga escola unitaria de Vilaboa.

Son+2 Danzamos no verán!!!

Son+2 Danzamos no verán!!!

Músicos, cantantes e unha bailarina configuran o espectáculo enerxético "Son+2 Danzamos no verán!!!", no que os rapaces e rapazas van a gozar bailando os seus ritmos.
 
O espectáculo, que terá lugar este domingo 21 (19 horas) no parque da praia da Frouxeira, está baseado nun disco que foi gravado nos estudios Gourmet Sound en A Coruña, con Alfonso Camarero como coprodutor do mesmo xunto con Xoán Curiel.

A XXVI edición do Torneo de Fútbol Concello de Valdoviño disputarase o día 20

Este sábado dispútase o XXVI Torneo de Fútbol Concello de Valdoviño. Nesta edición, o trofeo celebrarase no campo de fútbol Misael Prieto, en Meirás. Nel tomarán parte o CD Rosalía de Vilaboa, o Lago Veteranos, a SD Valdoviño e o Meirás CF.
 

Páxinas

Subscribirse a Concello de Valdoviño RSS