O Concello impulsa un plan municipal de formación para mellorar as oportunidades laborais da veciñanza

O Concello anunciou a posta en marcha dun ambicioso plan municipal de formación para mellorar as oportunidades de emprego dos veciños e veciñas do municipio. Incluído no programa Emerxendo 2016, o alcalde, Alberto González, avanzou que se levará a cabo entre os meses de outubro e novembro, cando se impartirán as cinco accións formativas previstas, e que o proxecto municipal vén avalado pola Deputación provincial da Coruña, institución que colabora economicamente coa iniciativa.

O Torneo de Fútbol Sala Concello de Valdoviño encara a súa recta final

O Torneo de Fútbol Sala Concello de Valdoviño, organizado pola Concellería de Deportes no marco da programación estival Ociosol, encara a súa recta final. Así, a vindeira semana celebraranse na pista deportiva do areal da Frouxeira os cuartos de final. Será luns e martes, con partidos ás 19,15 e 20,15 horas. Neles, os oito equipos clasificados buscarán o seu pase ás semifinais, que se celebrarán o xoves 1, tamén ás 19,15 e 20,15 horas. Así mesmo, o venres 2 de setembro, ás 19,15 horas prevese o encontro que decida o 3º e 4º posto, namentras que ás 20,15 h terá lugar a gran final.

O parque da Frouxeira acollerá este domingo o Concerto Tributo ao Pop de Antonio Seijo e a banda Skylight

Cultura e deporte danse a man esta fin de semana no areal e zona recreativa da Frouxeira. Así, pola mañá, o Concello organiza a II Carreira Popular na Area e, pola tarde, o Concerto Tributo ao Pop de Antonio Seijo e a banda Skylight.
 

O Concello dará a coñecer Valdoviño cun stand de turismo propio no Pantín Classic

Valdoviño Turismo

O Concello de Valdoviño aposta forte este ano pola promoción turística do municipio a través do Pantín Classic. E, por primeira vez, o Concello contará cun punto de información propio. En horario de mañá e tarde, atenderá ós milleiros de visitantes que se prevé congregue o campionato de surf dende o luns 29 ata o domingo 4 de setembro.

Cinema: "Adele y el misterio de la momia"

A praza da Casa da Cultura (ou o Auditorio en caso de choiva) acollerá esta noite, contra as 22:00 horas, a proxección do filme "Adele y el misterio de la momia" en Valdoviño, unha película de aventuras apta para todos os públicos e incluída no Iº Programa de cine da Deputación Provincial.

Páxinas

Subscribirse a Concello de Valdoviño RSS