O Concello amplía a apertura da piscina municipal de Lago ata o domingo

O Concello decidiu ampliar os días de apertura da piscina municipal de Lago ata o vindeiro domingo. A excelente afluencia de usuarios que rexistraron as instalacións este verán e as boas perspectivas meteorolóxicas motivaron a decisión. Deste xeito, a piscina municipal non pechará mañá como é habitual e continuará aberta ata o domingo cos seguintes horarios: xoves e venres de 16 a 20 horas e sábado e domingo de 12 a 20 horas. Os prezos son de 2,5 euros para adultos e 1,5 euros para pequenos.

AFAL ofrecerá talleres para afectados de alzhéimer e outras demencias en Valdoviño

Visita AFAL Ferrolterra

As persoas afectadas de alzhéimer ou outro tipo de demencias poderán asistir en Valdoviño a terapias para tentar retardar o avance da enfermidade e mellorar a súa calidade de vida e tamén das súas familias e coidadores. Así, AFAL Ferrolterra organizará semanalmente talleres de estimulación cognitiva na antiga escola unitaria de Vilaboa, evitando que os veciños do municipio se teñan que desprazar a Ferrol. Unha circunstancia que en moitos casos pode converterse nun obstáculo insalvable para as familias.
 

Éxito de convocatoria da Carreira Popular na Area organizada polo Concello na Frouxeira

Dura e fermosa carreira

Un centenar de persoas de todas as idades tomaron parte o domingo pola mañá na segunda edición da Carreira Popular na Area organizada pola Concellería de Deportes na praia da Frouxeira. Tralo acto de entrega de medallas ós mellores clasificados, o alcalde, Alberto González, destacou a boa acollida por parte de veciños e visitantes. Cifras que avalan a súa continuidade no calendario deportivo anual deseñado polo Concello.

De seguido, e por categorías, as clasificacións:

A élite do surf mundial dase cita esta semana na 29 edición do Pantín Classic Galicia Pro

Presentación Pantín Classic

A praia de Pantín, en Valdoviño, acolle dende hoxe a vixésimo novena edición do Pantín Classic Galicia Pro, o campionato de surf máis antigo e internacional de cantos se celebran en España, que ademáis forma parte do circuíto da World Surf League, o que fai que durante esta semana a comarca de Ferrolterra reciba a algunhas das principais estrelas do surf procedentes dos cinco continentes e a miles de visitantes que se achegan a esta praia para seguir en vivo as evolucións dos seus ídolos sobre as ondas do Atlántico.
 

A campaña Separemos ben, reciclaremos mellor chega ás praias de Valdoviño

A campaña “Oportunidades Galicia. Separemos ben, reciclaremos mellor”, chega esta semana ás praias de Valdoviño por partida dobre. Así, mañá martes, 30 de setembro, estará presente no areal da Frouxeira e, mércores e xoves, coincidindo co Pantín Classic, desprazarase á praia do Rodo. Así o confirmou o alcalde, Alberto González, que invitou a veciños e visitantes a participar da iniciativa.
 
 

Páxinas

Subscribirse a Concello de Valdoviño RSS