Limiares de renda e patrimonio familiar e contías das bolsas e axudas ao estudo

 

Real Decreto 1000/2012, de 29 de xuño polo que se establecen os limiares de renda e patrimonio familiar e as contías das bolsas e axudas ao estudo, para o curso 2012-2013 e modifícase parcialmente o Real Decreto 1721/2007, de 21 de decembro, polo que se establece o réxime das bolsas e axudas ao estudo personalizadas. (BOE nº 160 do 5/7/2012)

 

Tempada de verán

O Concello de Valdoviño pon a disposición dos veciños e visitantes os servizos da tempada de verán. Así dende o 1 de xullo está en funcionamento o Punto de información turística, situado na Porta do Sol. O seu horario de atención aos usuarios é de 11:00 a 15:00 horas e de 15:30 a 18:30 horas. O teléfono da caseta de Turismo é o 981 487 673.
 

Punto de Información do Servizo Público de Emprego no Concello

Punto de Información

O Concello de Valdoviño conta dende esta semana cun Punto de Información do Servizo Público de Emprego de Galicia, no que se poden realizar diversas xestións sen ter que acudir á oficina de emprego. Entre elas está a posibilidade de renovar a tarxeta de demandante de emprego.
 
Para poder actuar neste punto, consistente nun computador con teclado e pantalla, haberá que solicitar previamente a captura da pegada dixital na oficina de emprego.
 

Espectáculo no Festival Open Pantín Surf Camp

Por segundo ano consecutivo o Festival Open Pantín Surf Camp disputouse como proba valedeira para o circuito galego de Surf, Longboard e Paddel.

Alta inscripción e boas condicións de ondas nesta proba que contou coa colaboración do Concello. Aínda que os pronósticos non eran nada bos, Pantín, como é habitual, permitiu ver espectáculo.

Dende primeira hora do sábado os riders de surf open demostraron estar a un nivel incríble, como demostran as puntuacións das 10 mellores ondas do evento.

Convocadas 16 prazas de peóns para a limpeza de praias

O Concello de Valdoviño convoca 16 prazas de peóns para a campaña de limpeza de praias 2012. A contratación será por obra ou servizo determinado por dous meses e medio a xornada parcial de 30 horas semanais.
 
O prazo de presentación de solicitudes é os días 25, 26 e 27 de xuño en horario de 9:00 a 14:00 horas e presentaranse no Rexistro Xeral do Concello.
 
As bases poden consultarse no seguinte documento (en formato pdf) o no Rexistro Xeral Municipal.

Páxinas

Subscribirse a Concello de Valdoviño RSS