O Concello de Valdoviño conclúe as obras de saneamento da estructura metálica da Casa da Cultura

O alcalde, Alberto González, informou esta mañá da conclusión das obras de saneamento da estructura metálica do edificio da Casa da Cultura.
 
Inmoble que acolle o Auditorio, a Biblioteca Municipal, Sala Multimedia e de Exposicións, entre outros servizos. Os traballos foron os primeiros que realizaba o Concello na estructura destas instalacións culturais dende a súa construción. Necesarios, segundo engadiu o alcalde, para garantir a seguridade do edificio, levantado hai case que tres décadas.
 

O Concello destina preto de 3.300 euros ás axudas para material escolar

O Concello de Valdoviño vén de aprobar axudas municipais para a adquisición de material escolar por un importe de 3.295 euros.
 
Subvencións que varían en función dos recursos económicos das persoas demandantes e que poden chegar por estudante ata os 130 euros nos cursos de Educación Infantil e de 100 en Primaria e Secundaria (e 120 para alumnado con necesidades de material de adaptación curricular). No seu conxunto, aprobáronse un total de 21 solicitudes.
 

Fin de semana cultural en Valdoviño co Festival de Cantareiras en Meirás e teatro na Casa da Cultura

Dobre cita cultural en Valdoviño esta fin de semana.
 
O sábado, 15 de outubro, celebrarase a sexta edición do Festival de Cantareiras organizado pola Asociación Cultural Mestura de Meirás e o Concello de Valdoviño, a través da Concellería de Cultura. O local social da entidade, a partir das 18,30 horas, acollerá as actuacións das cantareiras “Rosalía de Castro”, de Cacheiras-Teo; o grupo de música tradicional “Arnela” de Carral; as cantareiras “Aturuxeiras” de Cedeira; o grupo “Eudemónicas” de Lugo e, pechando, a formación local, as cantareiras “Mestura” de Meirás.

Arrancan as clases de Ximnasia nas parroquias de Valdoviño

Ximnasia nas Parroquias Valdoviño

O pavillón municipal do Longoiro, en Meirás, foi escenario onte da primeira sesión do programa municipal Ximnasia nas parroquias que, por primeira vez, se celebra no municipio.
 
Na sesión inaugural tomaron parte 19 persoas que, a partir dagora, acudirán ás clases luns, mércores e venres de 10,30 a 11,30 horas. Onte, recibían a visita do alcalde, Alberto González, e máis da concelleira de Cultura, Rosana García, e da técnica de Deportes, Inés Ferreira.
 

O Concello suma 538 horas de atención ó Servizo de Axuda no Fogar

O alcalde de Valdoviño, Alberto González, informou  de que o Concello sumará 538 horas de atención ó Servizo de Axuda no Fogar (SAF).
 
Comezarán a prestarse dende finais de outubro, e engadiranse ás 3.000 horas que actualmente ofrece a Concellería de Servizos Sociais Comunitarios. A medida permitirá incorporar doce novos beneficiarios ó servizo, alcanzando así os 80 veciños e veciñas, así como ampliar as horas de atención a outros tres usuarios. Unha cifra que supón que máis do 80% das persoas que solicitaron este programa estarán beneficiándose del.
 

Páxinas

Subscribirse a Concello de Valdoviño RSS