IX Mostra de Teatro Infantil esta fin de semana na Casa da Cultura de Valdoviño

O teatro será o grande protagonista esta fin de semana en Valdoviño. Mañá venres, a partir das 19 horas, coa actuación da compañía da ANPA do CPI Atios, que estreará na Casa da Cultura a súa última obra, “O achado do Castro”. E, sábado e domingo, no mesmo escenario, coa IX Mostra de Teatro Infantil Concello de Valdoviño. Dúas xornadas organizadas pola Concellería de Cultura coa colaboración da Deputación provincial da Coruña e o apoio da ACRD Rosalía de Vilaboa, a Asociación Os Amigos e o CPI Atios. Todas as funcións serán de balde, ata completar aforo.
 

As “Lecturas Compartidas” do CPI Atios chegan este venres a Vilarrube

Sesión Lecturas Compartidas Pantín

Nova sesión este venres do programa “Lecturas Compartidas” que impulsa a Biblioteca e o Equipo de Normalización Lingüística do CPI Atios e máis o Concello de Valdoviño, a través da Concellería de Cultura.
 
Os nenos e nenas de 4º A de Educación Primaria desprazaranse ó local da AVV de Vilarrube para lerlles ós maiores da parroquia e realizar unha representación teatral. A cambio, ós maiores falaranlles das adiviñas, trabalinguas e lendas da zona. 

Concello e Asfedro ofreceron unha charla en Vilaboa sobre o uso responsable dos fármacos

Charla sobre fármacos Vilaboa

Unha decea de veciños e veciñas de Valdoviño tomaron parte onte á tarde na charla sobre o uso responsable de fármacos organizada pola Concellería de Servizos Sociais en colaboración con Asfedro. Celebrouse no local social de Vilaboa e estivo guiada polo farmacéutico da asociación.
 

O Concello executou o 98% do orzamento do 2016, que pechou por primeira vez en anos con superávit

O alcalde, Alberto González, fixo balance esta mañá do peche do exercicio económico do 2016 e informou de que o Concello logrou revertir a situación dos últimos anos, pasando no último exercicio dun déficit de 150.000 euros a un superávit de 357.000 euros. Un dato especialmente positivo, engadiu, se se ten en conta que o Concello executou o 98% do orzamento e, sobre todo, no contexto existente hai apenas ano e medio.
 

Encontro literario entre a escritora Andrea Maceiras e o alumnado do CPI

Encontro literario

A escritora coruñesa Andrea Maceiras mantivo esta mañá un encontro literario cos alumnos e alumnas de primeiro e segundo curso da ESO do CPI Atios de Valdoviño. O auditorio da Casa da Cultura convertiuse por unhas horas nunha tertulia en torno á obra literaria da autora, gañadora de varios premios na nosa Comunidade.
 
Entre a súa obra, destaca Proxecto Bolboreta (Xerais 2007), a súa primeira novela xuvenil; Violeta Tamurana (Baía Edicións 2010); O segredo do lagarto (Baía Edicións), e Nubes de Evolución (Xerais).

Páxinas

Subscribirse a Concello de Valdoviño RSS