Charla informativa este mércores sobre as terapias para afectados de alzhéimer en Valdoviño

O salón de plenos da casa consistorial de Valdoviño acollerá mañá mércores, 23 de novembro, unha nova charla informativa sobre alzhéimer e as terapias que AFAL Ferrolterra leva a cabo para os veciños e veciñas dende o pasado mes de outubro no municipio.
 
Con entrada libre e gratuíta, dará comezo ás 18 horas e estará impartida por Rebeca Freire, técnica que imparte os talleres en Valdoviño os martes e venres pola mañá.
 

O Concello convoca novos encontros veciñais sobre os orzamentos este mércores en Vilarrube e xoves en Aviño

O Concello de Valdoviño convoca ós veciños e veciñas a tomar parte nas xuntanzas que está a desenvolver nas diferentes parroquias do municipio para recoller as súas propostas ós orzamentos do vindeiro ano.
 
Tralo seu paso por Meirás, Lago, Valdoviño e Sequeiro, as próximas citas terán lugar este mércores en Vilarrube e o xoves en Aviño. En ambos casos, celebraranse nos locais das asociacións de veciños e darán comezo ás 20 horas.
 

O Concello conmemora o Día contra a Violencia de Xénero coa exposición “Iguais: Eu vou ser…” e a Andada para a eliminación da violencia contra as mulleres

Montaxe exposición Valdoviño

O Concello de Valdoviño conmemora o Día contra a Violencia de Xénero coa inauguración da exposición “Iguais: Eu vou ser…” e a terceira edición da Andada para a eliminación da violencia contra as mulleres.
 
A primeira cita terá lugar este venres, 25 de novembro, ás 20 horas. Celebrarase na sala de exposicións da Casa da Cultura con entrada libre. O acto contará coa presenza dos impulsores da iniciativa, Marta Sixto e José Pardo, e estará presidido polo alcalde, Alberto González.
 

Entrega de diplomas ás alumnas do curso sociosanitario impulsado polo Concello

Entrega diplomas

O alcalde de Valdoviño, Alberto González, entregou os diplomas ás alumnas que, entre os meses de maio e outubro, tomaron parte no curso “Atención Sociosanitaria a persoas dependentes en institucións sociais”.
 

Concello e Deputación habilitan unha rotonda para reforzar a seguridade vial na baixada á praia da Frouxeira

Rotonda baixada praia Frouxeira

Deputación da Coruña e Concello de Valdoviño deron por concluída esta semana a construción dunha rotonda na estrada provincial de baixada á praia e entorno da lagoa da Frouxeira.
 

Páxinas

Subscribirse a Concello de Valdoviño RSS