A Casa da Cultura de Valdoviño acolle este venres a conferencia “O Humor no Quixote”, a cargo de Siro López

A Asociación "Valdoviño Azul" únese á  conmemoración da morte de don Miguel de Cervantes Saavedra, autor da inmortal novela "El Ingenioso Hidalgo don Quijote de la Mancha".
 
E, con este obxectivo, invita á veciñanza á conferencia que impartirá Siro López Lorenzo (Siro), baixo o título: "O Humor no Quixote". 
 
Este acto organizado pola Asociación "Valdoviño Azul", en colaboración co Concello e a Deputación da Coruña, terá lugar no auditorio da Casa da Cultura este venres, 2 de decembro, ás 20 horas. Entrada aberta a todo o público.

Máis dun centenar de persoas tomaron parte na Andada para a Eliminación da Violencia contra as Mulleres

Andada para a Eliminación da Violencia contra as Mulleres

Unhas 130 persoas de todas as idades, ataviadas na súa maioría con prendas de cor lila, tomaron parte esta mañá na terceira Andada para a Eliminación da Violencia contra as mulleres.
 

O Concello convoca este domingo á veciñanza á Andada para a Eliminación da Violencia contra as Mulleres

Exposición Iguais

O Concello de Valdoviño continúa cos actos para conmemorar o Día Internacional da Eliminación da Violencia contra a Muller e, mañá domingo, 27 de novembro, convoca á veciñanza a tomar parte nunha Andada coa que mostrar a repulsa e condea ante esta auténtica lacra social.
 
Trátase dunha iniciativa conxunta dos departamentos municipais de Cultura e Servizos Sociais, e partirá ás 12 horas da Casa da Cultura. Dende o Concello, anímase a todas as persoas participantes a acudir con prendas de cor lila.
 

Información pública do Regulamento de funcionamento da Aula da Natureza

O Pleno do Concello de Valdoviño, en sesión celebrada o día 18 de novembro de 2016 realizou a aprobación inicial do Regulamento de funcionamento da Aula da Natureza (Punto de atención infantil), así como a  memoria xustificativa para a posta en funcionamento do servicio.

Pantín, Vilaboa e Loira acollen esta fin de semana as últimas xuntanzas veciñais sobre os orzamentos

Pantín, Vilaboa e Loira serán escenario esta fin de semana dos últimos encontros veciñais convocados polo Concello de Valdoviño nas parroquias para recabar as propostas da cidadanía en torno ós orzamentos para o vindeiro ano.
 
Unhas xuntanzas que comezaron a semana pasada en Meirás, Lago, Valdoviño e Sequeiro; continuaron estes días en Vilarrube e Aviño e concluirán mañá sábado en Pantín (11 horas no local da AVV) e Vilaboa (16,30 h no local da AVV) e, o domingo, en Loira (17 horas no inmoble do palco da música).
 

Páxinas

Subscribirse a Concello de Valdoviño RSS