XL Campionato galego de tiro con arco

O concello de Valdoviño acolle este sábado a celebración do Campionato galego de tiro con arco ao aire libre, nas modalidades de arco recurvo e arco composto.
 
O torneo disputarase no campo de fútbol de Mourente, con probas en categoría xuvenil, senior, veterano e adaptado.
 

Navega nas Forcadas

Xornada no Club Náutico

O Club Náutico das Forcadas pon a disposición dos interesados todo o material do club. Será durante a tarde do domingo 5 de xullo, nunha xornada na que se poderá practicar piragüismo ou vela polo módico prezo de 5 euros por persoa.
 
Apuntarse é tan sinxelo como enviar unha mensaxe ao teléfono 646 32 76 06, indicando o nome, enderezo, data de nacemento e DNI do interesado.

Izado das bandeiras azuis

Izado en Pantín
Izado en Pantín

As doce da mañá deste primeiro de xullo tivo lugar o acto inaugural de izado das cinco bandeiras azuis coas que foi galardonado o Concello.
 
Membros da corporación e o capataz municipal, en representación do persoal que traballa día a día no mantemento e atención dos recursos naturais de Valdoviño, realizaron o izado protocolario.
 
O servizo de socorrismo en seis praias e na piscina municipal tamén comezou a súa actividades, ata o vindeiro 31 de agosto.

Fase de oposición para a limpeza de praias

A listaxe de admitidos e excluídos no proceso selectivo para a limpeza de praias 2015 fíxose definitiva segundo o documento adxunto.
 
Os aspirantes admitidos deberán presentarse, provistos do DNI, no CPI Atios o mércores 1 de xullo (nas horas que se sinalan no adxunto), para levar a cabo a primeira fase do proceso: oposición, que se desenvolverá conforme ao sinalado no punto 6º das bases para a contratación.
 

Presentado o Xtreme Pantín

Presentación do campionato

A praia de Pantín acolleu este domingo a presentación do Campionato do Mundo de Kayaksurf, que se celebrará no areal valdoviñés durante toda esta semana.

O acto contou cun desfile de participantes.

Páxinas

Subscribirse a Concello de Valdoviño RSS