Musicoterapia para maiores de 55 anos

Dentro do programa de Envellecemento Satisfactorio, subvencionado pola deputación da Coruña, o concello de Valdoviño pon en marcha uns obradoiros de Musicoterapia, dirixido a persoas de máis de 55 anos.
 
A musicoterapia é unha ferramenta terapéutica que se sirve da música, os sons e as vibracións para optimizar as canles de comunicación, a aprendizaxe, a memoria, a motricidade e a expresión, dende unha perspectiva preventiva e rehabilitadota, co fin de mellorar a nosa calidade de vida.
 

Programación cultural de marzo

Programación cultural de marzo

O Entroido sobresae na programación cultural do Concello para marzo. O mes ábrese co Festival infantil e continúa o día 7 co desfile dos alumnos do CPI Atios. Finalmente, o sábado 8 terá lugar a XIV edición do Festival de Entroido.
 
Outro evento importante neste mes será a celebración do Día da Muller, o día 22, cun festival que estará seguido dunha cea organizada polas asociacións municipais.
 
Ademais marzo chega con teatro, contacontos, unha nova sesión do feirón mensual e unha andada dende o Paraño pola costa ata Pantín.
 

Obradoiros de Conciliación Creativos

O Concello de Valdoviño, dende o Departamento de Servizos Sociais Comunitarios, da continuidade ás actividades para a conciliación da vida familiar e laboral dentro do Programa CONCILIA, financiado pola Deputación da Coruña para o ano 2013.
Para a festividade de entroido contémplanse uns obradoiros creativos (coa igualdade de xénero como temática) dirixidos a nenos/as de 3 a 12 anos. Levaranse a cabo o 3,4 e 5 de marzo na Casa da Cultura de 10 a 14 horas.
Prazo de inscrición: ata o 28 de febreiro

Cursos de língua galega preparatorios para as probas Celga

O Concello de Valdoviño propón a realización dun curso de lingua galega preparatorio para as probas de nivel CELGA 3. da Secretaría Xeral de Política Lingüística dependente da Consellaría de Cultura, Educación e Ordenación Universitaria.
 

Novo proceso de adxudicación da obra do POS 2013

A N U N C I O
 
POS 2013
Por acordo da Xunta de goberno local adoptado en sesión do 29 de xaneiro de 2014, declarase deserta a contratación da obra do POS 2013 "Acondicionamiento de las escuelas unitarias de Taraza y Villarrube”, por non presentar a empresa presentada “Luis de Aviño, S.L”, a documentación correcta do sobre A. (Documentación) e iniciase de novo o proceso para a adxudicación da obra por Procedemento Negociado Sen Publicidade, con invitación ás seguintes empresas:
 
- A Valiño Narón, S.L

Páxinas

Subscribirse a Concello de Valdoviño RSS