Xuntanza de maiores do Carballiño

O Concello de Valdoviño participará un ano máis na Xuntanza de maiores do Carballiño, organizada pola delegación territorial da Xunta de Galicia en Ourense, a través da xefatura territorial da Consellería de Traballo e Benestar.
 
A XXXIV edición celébrase o día 9 de xuño no lugar habitual (Parque Municipal do Carballiño).
 

Oficinas pechadas o martes 22

Con motivo da festividade de Santa Rita as oficinas municipais permanecerán pechadas este martes 22 de maio.

Axudas de emerxencia social

Dende o 15 de maio ata o 15 de xuño está aberto o prazo de solicitude das axudas de emerxencia social incluídas no Programa Emerx-endo.
 
Con esta convocatoria o Concello trata de posibilitar que as persoas e familias que o necesiten poidan acceder a recursos e servizos básicos que permitan uns mínimos de calidade de vida, relacionados coas necesidades de alimentación, vestido, vivenda, participación social ou apoio educativo (actividades extraescolares).
 

Posta en marcha da web municipal

Dende este xoves 17 de maio, Día das Letras Galegas e Día de Internet, o Concello de Valdoviño conta con nova web oficial.
 
Esta ferramenta permitirá axilizar os trámites, seguir o día a día da administración local ou coñecer os recursos naturais e de lecer de Valdoviño. A páxina, dispoñible en tres idiomas, aumenta a transparencia da institución coa difusión dos datos de retribucións dos concelleiros ou a publicación de orzamentos e actas plenarias.
 

Inauguración da exposición de Carlos Lamas

A sala de exposicións da Casa da Cultura acolleu no serán deste mércores a inauguración dunha mostra de tallas e gravados realizados por Carlos Lamas Hermida.
 
A exposición poderá visitarse ata o 30 de maio, en horario de luns a venres, de 10:00 a 14:00 horas. A entrada é de balde.

Páxinas

Subscribirse a Concello de Valdoviño RSS