ValdoFeira regresa este domingo pola mañá ó entorno da Porta do Sol

O entorno da Porta do Sol albergará este domingo, 27 de agosto, unha nova edición de ValdoFeira, o mercado mensual de Valdoviño. Un mercado que arrancaba o pasado mes de xullo con vocación de continuidade e que o público respaldou cunha afluencia masiva durante toda a mañá.
 
Este domingo, os postos de venda volverán a ofrecer os seus produtos dende as 9 e ata ben entrado o mediodía. Dende artesanía a apeiros de labranza, pasando por produtos da horta, textil, calzado, antigüidades…
 

O XXVII Torneo de Fútbol Concello de Valdoviño disputarase este sábado

Cartel XXVII Torneo de Fútbol

O XXVII Torneo de Fútbol Concello de Valdoviño disputarase este sábado, 26 de agosto. Nesta edición, o trofeo celebrarase no campo de fútbol de Mourente, e nel tomarán parte o CD Rosalía de Vilaboa, a UD Lago, a SD Valdoviño e o Meirás CF.
 

“Asaltos Musicais” en Valdoviño

O colectivo Pantinhaus, en colaboración co Concello de Valdoviño, levará a cabo durante esta semana, e en diferentes emprazamentos do municipio, “Asaltos Musicais”. Microconcertos sen previo aviso e, como o seu título sinala, a modo de “asalto”. Unha proposta cultural novidosa que, ó longo da semana, encherá de música espontánea diferentes espazos do termo municipal.
 
Sen aviso previo e para sorpresa de veciños e visitantes, poderán converterse en espectadores destes particulares microconcertos.
 

O Concello organiza este domingo a III Carreira na Area na praia da Frouxeira

Cartel Carreira na Area Valdoviño

O Concello de Valdoviño, a través da Concellería de Deportes, organizará por terceiro ano consecutivo a Carreira Popular na Praia da Frouxeira. Terá lugar este domingo 27 de agosto, a partir das 12 horas, e a participación é completamente gratuíta. Nesta liña, o alcalde, Alberto González, sinala que o obxectivo é fomentar o deporte en familia, polo que o percorrido é de baixa dificultade, pensado para todas as idades. Iso si, sobre area. Arrancará da caseta de socorrismo ubicada no areal e alcanzará a zona de Outeiro, para regresar de novo ás instalacións municipais.
 

Versións de Aretha Franklin ou Steve Wonder da man da banda de soul Black este venres no entorno da Frouxeira

Actuación da banda Black

A prestixiosa banda de soul Black ofrecerá este venres, 25 de agosto, un concerto no entorno da praia da Frouxeira. A súa actuación virá precedida da do grupo local Rock Atios, que se subirá ó escenario ás 22 horas para actuar como teloneiros. A entrada ó espectáculo é de balde e, posible, grazas á colaboración económica de Abanca e a Xunta de Galicia, a través da Axencia de Turismo de Galicia.
 

Páxinas

Subscribirse a Concello de Valdoviño RSS