O alcalde de Valdoviño reivindica o papel absolutamente fundamental da veciñanza na organización do Pantín Classic

O alcalde de Valdoviño, Alberto González, aproveitou esta mañá a súa participación na presentación do Pantín Classic Galicia Pro para pór en valor o traballo da organización e o apoio fundamental da veciñanza de Pantín e para animar a todo o mundo a acudir ó municipio e disfrutar dun dos mellores campionatos do mundo de surf, festa de interese turístico de Galicia.
 

Rebeca Soto e Nicolás Sedes, vencedores absolutos da III Carreira na Area na praia da Frouxeira celebrada este domingo

Carreira na area Valdoviño

Uns 70 atletas tomaron parte onte na terceira edición da Carreira na Area da Frouxeira organizada pola Concellería de Deportes de Valdoviño que dirixe Sergio Saavedra. Unha carreira con participación gratuíta para fomentar o deporte en familia e, polo tanto, cun percorrido de baixa dificultade pensado para todas as idades. Así mesmo, e como novidade este ano, sumouse un percorrido adaptado para facilitar a participación de corredores con discapacidade intelectual ou física. Iniciativa tomada a instancias do colectivo Aspanaes.
 

O Torneo de Fútbol Sala OcioSol continúa este luns cos partidos de cuartos de final

Trala fase de liguilla, o pavillón do Longoiro acollerá esta tarde, a partir das 19 horas, os partidos de cuartos de final do Torneo de Fútbol Sala OcioSol que organiza o Concello de Valdoviño a través da Concellería de Deportes. Encontros con entrada de balde para todos aqueles que desexen disfrutar do mellor fútbol sala.
 

A Carreira na Area da praia da Frouxeira adáptase ós atletas con discapacidade física e intelectual

O Concello de Valdoviño, a través da Concellería de Deportes, vén de anunciar que sumará un novo treito de 800 metros na Carreira na Area da praia da Frouxeira que se celebrará este domingo ás 12 horas. O obxectivo da iniciativa é facilitar a participación dos atletas con discapacidade física e intelectual cun treito adaptado ás súas capacidades. Deste xeito, o Concello atende a petición realizada pola asociación Aspanaes, e membros da entidade tomarán parte na cita.
 

A Axencia Enerxética Provincial da Coruña asesorará ao Concello de Valdoviño en materia de aforro e eficiencia enerxética

Sinatura do convenio entre Deputación e Concello

A Fundación Axencia Enerxética Provincial da Coruña (FAEPAC), dependente da Deputación da Coruña, asesorará ao Concello de Valdoviño en materia de aforro e eficiencia enerxética. Así o establece o convenio asinado hoxe entre o presidente provincial, Valentín González Formoso, e o alcalde da localidade, Alberto González Fernández.
 

Páxinas

Subscribirse a Concello de Valdoviño RSS