O Concello saca a contratación as obras para habilitar o primeiro Centro Sociocomunitario de Valdoviño no antigo mercado municipal

O alcalde, Alberto González, informou esta mañá de que o Concello vén de sacar a contratación as obras da primeira e da segunda fase para dotar a Valdoviño do seu primeiro Centro Sociocomunitario. Será mediante a reconversión integral do antigo mercado municipal, un inmoble que recuperará así uso para a veciñanza. Cunha posición estratéxica, as dependencias sitúanse á entrada da parroquia de Valdoviño, na estrada de Cedeira, e na área de influencia do Centro de Saúde, do Auditorio, do Museo do Surf e da Casa da Cultura.

O Concello de Valdoviño dota dun desfibrilador ó CPI Atios

Jesús Couce, Alberto González, Antonio Cebreiro, Ana Veiga e Javier González

A súa permanencia no centro será temporal, xa que está en marcha a campaña solidaria impulsada pola ANPA para obter un desfibrilador propio e converter o centro nun espazo cardioprotexido
 

O Concello inicia este martes en Pantín unha rolda de reunións veciñais nas parroquias

Reunión veciñal en Pantín

Como vén sendo habitual nos últimos tres anos, o alcalde, Alberto González, informou da celebración dunha serie de reunións veciñais nas parroquias de Valdoviño co ánimo de recoller as propostas e iniciativas de cara ós orzamentos do 2019, así como coñecer de primeira man os problemas e necesidades da veciñanza. A primeira desas xuntanzas terá lugar mañá martes, 13 de novembro, en Pantín. O local social será escenario da mesma a partir das 19,30 horas con entrada libre.
 

Martes de Entroido e San Xoán, festivos locais en Valdoviño no 2019

O alcalde, Alberto González, informou esta mañá da aprobación en pleno dos festivos locais para o vindeiro 2019. Serán o 5 de marzo, Martes de Entroido, e o 24 de xuño, San Xoán. No primeiro caso, unha das festividades con maior arraigo e tradición no calendario local e, no segundo, a maiores deste criterio, a decisión adoptouse ó coincidir en sábado San Mamede.
 

Concurso de fotografía ata o domingo

Debido a un problema técnico durante as últimas horas para a recepción de imaxes, ampliamos o prazo de envío de fotografías para o calendario 2019 ata o domingo.
 

Páxinas

Subscribirse a Concello de Valdoviño RSS