O Concello habilita unha conta para canalizar a solidariedade veciñal cara os servizos sociais municipais

Conta solidaria

O Concello de Valdoviño informou esta mañá dunha conta específica aberta para os Servizos Sociais municipais. Dase así resposta ás peticións trasladadas por veciños e veciñas, empresas e negocios locais que desexan realizar unha aportación económica solidaria nesta situación de alarma sanitaria. Unha axuda que xa se materializou en casos como o da Fundación da Cooperativa de Vilaboa, que entregaba un cheque por valor de 6.000 euros para contribuír aos programas do departamento municipal.
 

Obxectivo prioritario do voluntariado do Concello de Valdoviño: nin unha soa persoa maior de 80 anos sen atención

As nosas voluntarias

Teresita, Lara, Alberte, Jorge… e así ata 26 homes e mulleres, veciños e veciñas de todas e cada unha das parroquias de Valdoviño, integran o grupo de voluntariado impulsado polo Concello para facer fronte ao coronavirus axudando a quen máis o precisa. Estudantes de psicoloxía, veterinaria, militares, farmacéuticos, autónomos… a súa actividade é moi diversa e a coordinación recae en Teresa, profesora con ampla experiencia en voluntariado (en entidades como Cruz Vermella e Asotrame). 22 deles/as están en activo, participando nos programas creados, e outros/as 4 na «reserva».

Entregadas máis de 3.000 pantallas faciais creadas polos Makers Valdoviño

Arquitecto Marcide

Hai apenas 3 semanas nacía en Valdoviño o movemento Maker Solidario. Capitaneado pola arquitecta técnica Reyes Montero, xefa do departamento de tecnoloxía do CPI Atios, e a estudante Alex Beceiro, este equipo está hoxe en día integrado por 31 homes e mulleres, de Valdoviño principalmente, pero tamén doutros concellos limítrofes como Ares, Fene, Ferrol, Mugardos, Narón, Neda e incluso Vilalba. E, en apenas 3 semanas, xuntos crearon coas súas impresoras 3D 3.079 pantallas faciais contra o coronavirus (a cifra é do sábado, pero seguro que hoxe xa medrou considerablemente).
 

ValdoAntídotos contra o coronavirus

O Concello, a través da Concellería de Cultura, vén de poñer en marcha «ValdoAntídotos» contra o coronavirus. Un proxecto que amadriña a escritora local Rosa Aneiros dirixido aos nenos e nenas e rapaces e rapazas do noso municipio. Con el, preténdese combater a segunda pandemia derivada do COVID-19, a pandemia da tristeza, o aburrimento e a desesperanza que asola a moitas persoas soas, enfermas ou preocupadas por un futuro incerto. Para combatila, o Concello quere pedir a axuda da veciñanza máis nova e solicítalles que constrúan os seus ValdoAntídotos.
 

Os concellos da Mancomunidade acordan adquirir de forma conxunta material de protección fronte ao coronavirus

Videoconferencia

A escaseza de equipos de protección individual (EPI) contra o COVID-19 motivou que hoxe os representantes municipais na Mancomunidade de Concellos da Comarca de Ferrol acordaran aproveitar esta entidade para centralizar a adquisición de máscaras.

A Cooperativa de Vilaboa, a través da súa fundación, dona 6.000 euros aos Servizos Sociais de Valdoviño

Acto de entrega

O presidente da Fundación San Vicente de Vilaboa, Fernando Sanesteban Coira, e o presidente da Cooperativa de Vilaboa e mecenas único da fundación, Ángel Caneiro Vilela, entregaron onte pola tarde ao alcalde de Valdoviño, Alberto González, un donativo de 6.000 euros con destino aos Servizos Sociais do Concello de Valdoviño. O acto celebrábase ás portas da cooperativa, con presenza dunha representación dos traballadores e traballadoras das diferentes seccións da cooperativa.
 

Os municipios da Mancomunidade extreman os controis por estrada ante a posible chegada de persoas foráneas na Semana Santa

Aviso Mancomunidade

Os municipios que integran a Mancomunidade de Concellos de Ferrol (Ferrol, Narón, Ares, Cabanas, Cedeira, Fene, Mugardos, Neda e Valdoviño) extreman estes días os controis de vixilancia ante a proximidade da Semana Santa e a previsión de que con motivo destas datas poidan desprazarse persoas procedentes doutras cidades que teñen aquí unha segunda residencia ou que se dispoñen a aproveitar esas datas para facer turismo.

O Concello de Valdoviño activa “Tarefas escolares a domicilio” para familias sen ordeador ou conexión a Internet

Cartaz da iniciativa

Nesta situación na que nenos e nenas reciben dun xeito telemático as tarefas ou propostas para realizar nas súas casas, resulta complicado para algunhas familias desenvolver as actividades ao non contar con ordeador ou con Internet. Por iso, o Concello informou esta mañá da posta en marcha dun servizo para facilitar este labor ao estudantado.
 
Así, en caso de precisar apoio, a familia debe contactar co departamento municipal de Servizos Sociais e este coordinarase cos centros escolares na recepción dos traballos ou para fotocopiar o material e poder achegalo ás casas.

O Concello informa de que Viaqua suspenderá os cortes de subministro do servizo por impagos na situación de alerta

Auga

Nesta situación de crise, o Concello de Valdoviño informa de que a empresa concesionaria do servizo de augas, Viaqua, decidiu adoptar unha serie de medidas importantes de cada á veciñanza e aos negocios.
 
-Permitirá financiar ou aplazar o pago de facturas, sen intereses, a todos os colectivos que presenten dificultades.
 
-Ás empresas pechadas non se lles computará no recibo o contabilizado dende o día 13 de marzo.
 
-Ampliará o plazo do periodo voluntario de pago de facturas a 90 días.
 

Os concellos da Mancomunidade coordinarán as medidas fiscais para apoiar aos sectores máis perxudicados polo estado de alarma

Momento da xuntanza

A Mancomunidade de Concellos da Comarca de Ferrol celebrou onte pola mañá unha reunión por videoconferencia. Foi presidida polo presidente e alcalde de Ferrol, Ángel Mato, e contou coa asistencia da totalidade dos representantes municipais que integran este órgano: os alcaldes Julio Iglesias (Ares), Carlos Ladra (Cabanas), Pablo Moreda (Cedeira), Juventino Trigo (Fene), Juan Domingo de Deus (Mugardos), Marián Ferreiro (Narón), Ángel Alvariño (Neda) e Alberto González (Valdoviño) e o segundo representante do Concello de Ferrol no pleno da Mancomunidade, Iván Rivas.

Páginas

Suscribirse a noticias