Unha veintena de mulleres toman parte no curso gratuíto de defensa persoal que promove o Concello de Valdoviño

O alcalde, Alberto González, presentou a actividade
Momento da acción formativa

Unha veintena de mulleres de Valdoviño e doutros municipios limítrofes iniciaron onte á tarde o curso de defensa persoal e autocapacidades que impulsa o Concello, a través da Concellería de Servizos Sociais, no local veciñal de Lago. A acción formativa está financiada pola Secretaría Xeral da Igualdade da Xunta de Galicia e inclúese na programación municipal deseñada co gallo do Día Internacional da Eliminación da Violencia contra a Muller.
 

Caramuxo trae este domingo a Valdoviño o seu espectáculo de teatro e danza “Ela”

"Ela" de Caramuxo Teatro

O Concello de Valdoviño, a través da Concellería de Cultura, invita a nenos e nenas e tamén público familiar ó espectáculo de teatro e danza « Ela », a cargo da compañía Caramuxo Teatro. A función terá lugar este domingo a partir das 18 horas no Auditorio da Casa da Cultura con entrada libre e de balde ata completar aforo. A obra inclúese na programación deseñada pola Concellería de Cultura para o mes de novembro coa colaboración da Deputación a través da Rede Cultural.
 

O Concello erradica a fosa séptica da praia do Río e executa obras de mellora nas casetas de salvamento de varias praias

Caseta de salvamento de Pantín

O Concello de Valdoviño vén de concluír as obras de construción dunha instalación de bombeo de augas fecais na praia do Río, en Meirás, que permitiu erradicar a fosa séptica ubicada na contorna do areal. Esta intervención incluíuse nun paquete máis amplo de obras que contemplou tamén a reparación e acondicionamento das casetas de madeira do servizo de salvamento e tamén dos recintos de aseos públicos ubicados nas praias da Frouxeira, do Río, do Rodo e Pantín.
 

Ampliación dunha aula no CPI Atios cun investimento de 33.000 euros

Momento da visita á nova aula

Acompañado do alcalde, Alberto González, o delegado territorial da Xunta na Coruña, Ovidio Rodeiro, visitou a semana pasada o CPI Atios de Valdoviño, para verificar un proxecto da Consellería de Cultura, Educación e Ordenación Universitaria, consistente na ampliación dunha aula, cun investimento de algo máis de 33.000 euros. O director do centro, Antonio Cebreiro, e o xefe Territorial de Educación tamén tomaron parte na visita.
 

Valdoviño aproba por unanimidade a súa integración na comunidade intermunicipal para a xestión do proxecto Xeoparque Cabo Ortegal

O pleno do Concello de Valdoviño aprobou esta mañá por unanimidade a incorporación do municipio a unha comunidade intermunicipal que permita a xestión conxunta do proxecto Xeoparque Cabo Ortegal. Unha comunidade que estaría integrada tamén polos municipios de Cariño, Cedeira, Cerdido, Moeche, Ortigueira e San Sadurniño. Así mesmo, a Deputación provincial da Coruña xa expresou a súa vontade de colaboración co ente mediante a sinatura dun convenio de colaboración polo que achegará medio millón de euros co obxectivo de impulsar o proxecto e presentar a candidatura á Unesco.
 

A Casa da Cultura ofrece este domingo o espectáculo “Orquestra de señoritas”, a cargo da compañía Manicómicos

Actuación de Manicómicos

A Asociación Cultural Manicómicos trae a Valdoviño o seu espectáculo “Orquestra de señoritas”. A función terá lugar este domingo a partir das 19 horas no Auditorio da Casa da Cultura con entrada libre e de balde ata completar aforo. A obra inclúese na programación deseñada pola Concellería de Cultura para o mes de novembro coa colaboración da Deputación a través da Rede Cultural, e está pensada para un público maior de 12 anos.
 

Arrancan os talleres gratuítos de musicoterapia para maiores nas parroquias

Inicio dos obradoiros de musicoterapia en Pantín

O Concello de Valdoviño inauguraba onte os talleres de musicoterapia gratuítos para persoas maiores do municipio. Un proxecto impulsado pola Concellería de Servizos Sociais que arrancaba nos locais sociais de Meirás, Vilaboa (antiga escola unitaria) e Pantín e que hoxe se celebrará no de Sequeiro (tamén antiga unitaria). Así, a partir desta semana as sesións celebraranse cunha periodicidade semanal e por espazo de hora e media.
 

Avanza o proxecto Xeoparque Cabo Ortegal

Os sete concellos –Cariño, Cedeira, Cerdido, Moeche, Ortigueira, San Sadurniño e Valdoviño- e a Deputación da Coruña crearán unha comunidade intermunicipal.  Os concellos someterán nos vindeiros días a aprobación dos seus respectivos Plenos o Convenio de Colaboración coa Deputación da Coruña para regular o proxecto Xeoparque de Cabo Ortegal. Comprométense todos eles xunto coa Deputación da Coruña co Proxecto Xeoparque Cabo Ortegal, un proxecto no que xa levan dous anos traballando para poñer unhas bases firmes de partida, e crean unha comunidade intermunicipal.
 

O Concello pon en marcha nas parroquias o programa +Vida para as persoas maiores

Inicio +Vida en Sequeiro

Arterapia, risoterapia, movemento expresivo, xogos teatrais, conciencia corporal e mindfull serán algunhas das terapias que as persoas maiores de Valdoviño practicarán a partir de xa a través do programa municipal +Vida. Un programa que arrancaba onte en Meirás e Sequeiro e que se inaugurará mañá mércores en Pantín e Vilaboa.

Últimos días para anotarse no curso gratuíto de defensa persoal para mulleres

O local da asociación veciñal de Lago será escenario dun curso de defensa persoal e autocapacidades os días 16 e 23 de novembro en horario de 16 a 20 horas. Organizado pola Concellería de Servizos Sociais do Concello de Valdoviño, a acción formativa está financiada pola Secretaría Xeral da Igualdade da Xunta de Galicia e inclúese na programación municipal deseñada co gallo do Día Internacional da Eliminación da Violencia contra a Muller.
 

Páginas

Suscribirse a noticias