Las noticias y eventos de agenda sólo están disponibles en gallego.

O pleno dá luz verde ao contrato das obras da primeira fase de construción do primeiro centro sociocomunitario de Valdoviño

O pleno municipal, reunido onte en sesión extraordinaria, daba luz verde á formalización do contrato da primeira fase das obras de contrución do que será o primeiro Centro Sociocomunitario de Valdoviño. O alcalde, Alberto González, explicaba que o Concello cumplimentaba o último trámite previo á firma do contrato, adxudicado á empresa Areco Arquitectura por un importe de 236.295,01 euros.

O Concello dotará o entorno da Frouxeira de conexión wifi gratuíta

O alcalde, Alberto González, avanzou esta mañá a intención do Concello de convertir o paseo da praia e lagoa da Frouxeira no primeiro espazo público do municipio en dispor de conexión wifi gratuíta para os veciños e veciñas. Con ese obxectivo, a Administración local vén de presentar o proxecto á liña de axudas europeas "Wifi4EU". Solicita unha subvención estimada en 15.000 euros para a instalación e o equipamento de equipos de wifi nesta contorna, de modo que o custe da iniciativa sexa cero para as arcas municipais.
 

VII Festival Solidario a favor de Cáritas este sábado no Concello de Valdoviño

Cartaz do Festival

Entidades veciñais, culturais, deportivas, ANPA e asociación de amas de casa, en colaboración co Concello e coas empresas Paula Raamonde Varela, Pabulandia e Industrias ET, únense este sábado para organizar a VII edición do Festival Solidario a favor de Cáritas. Unha oportunidade para disfrutar dunha xornada de lecer e, ao mesmo tempo, apoiar a extraordinaria labor de Cáritas.
 
Así, o festival desenvolverase en horario de mañá no pavillón do CPI Atios, e de tarde na Casa da Cultura, e a veciñanza pode colaborar cos seus donativos, que se establecen en tres euros.
 

O Concello de Valdoviño organiza un obradoiro de graffitti a cargo de NANA

A ilustradora, educadora artística e artista mural NANA impartirá en Valdoviño un novo obradoiro de graffiti para rapaces e rapazas a partir de 14 anos (e ata 30). Será do 15 ao 18 de abril, das 10 ás 14 horas e das 15 ás 19 horas.
 
Para participar, hai que inscribirse na Casa da Cultura, dende hoxe e ata o día 12 de abril, de 10 a 14 horas ou chamando ao teléfono 981 48 76 66. A actividade está subvencionada pola Dirección Xeral de Xuventude, Participación e Voluntariado da Xunta de Galicia.
 

O Concello de Valdoviño inicia o trampeo primaveral contra a velutina

Instalación dunha das trampas na Frouxeira

O alcalde, Alberto González, informou esta mañá de que o Concello levará a cabo esta semana a campaña de trampeo primaveral contra a vesta velutina. Uns traballos que correrán por conta da Agrupación Local de Voluntarios de Protección Civil cos que tentar reducir e evitar a propagación de la velutina en Valdoviño. O rexidor apunta que «é o momento adecuado para atraer ás raíñas ás trampas que se van a instalar en parques e inmediacións de edificios municipais». En total, medio centenar.

Páginas

Suscribirse a Concello de Valdoviño RSS