Las noticias y eventos de agenda sólo están disponibles en gallego.

Nenos e nenas da Aula da Natureza colaboran con Avimós na conservación e promoción da Galiña de Mos

Por segundo ano consecutivo, os nenos e nenas da Aula da Natureza-Punto de Atención á Infancia veñen de sumarse ao proxecto de visibilización, conservación e promoción da raza da Galiña de Mos que promove a Asociación Avimós. Esta semana o representante da entidade desplazábase a Valdoviño para axudar aos meniños e meniñas a colocar os ovos un a un na incubadora, botarlle auga e graduar a temperatura e humidade. Agora, toca esperar os 21 días de rigor para ver nacer os pitiños.
 

A Deputación da Coruña vén de comunicar ao Concello a redacción do proxecto da senda ciclista ao faro de Punta Frouxeira

Faro Punta Frouxeira

A Deputación da Coruña vén de comunicar ao Concello a adxudicación por 45.051,94 euros da redacción dos proxectos técnicos para a construción das Sendas dos Faros, unha das iniciativas incluídas no Plan Director de Mobilidade Ciclista da institución provincial no que se inclúe Valdoviño.
 

A Deputación destina 280.000 euros á mellora dos accesos ás praias de Meirás

Reunión entre Deputación e Concello

Mellorar a accesibilidade e os camiños e equipamentos de ocio existentes no acceso ás praias da parroquia de Meirás, ademais de dotalas dunha zona de aparcamento disuasorio e o acondicionamento do campo anexo é o obxectivo do convenio para o que a Deputación da Coruña destina un total de 280.000 euros.
 

Inscrición aberta no Itinerario polos Espazos de Saúde de Ferrol

As persoas interesadas en tomar parte no Itinerario polos Espazos de Saúde de Ferrol, guiado polo profesor Orlando Jara, deben inscribirse na Casa da Cultura de Valdoviño ou chamando ao teléfono 981 48 76 66. De 10 a 14 horas e o prazo remata este venres, incluído.
 
O itinerario, que permitirá percorrer as principais instalacións sanitarias e tamén aqueles espazos que noutrora tiveron este uso, celebrarase este venres 26 de abril con saída do Instituto de Canido ás 17,30 horas.

Os mozos e mozas de Valdoviño deixan a súa pegada creativa na Frouxeira

Mural feito no obradoiro

Na pasada Semana Santa, a ninguén deixou indiferente o marabilloso mural urbano realizado polos mozos e mozas de Valdoviño que participaron no obradoiro de graffitti organizado polo Concello de Valdoviño e impartido pola ilustradora e educadora artística NANA. Un mural que dende a semana pasada pode apreciarse na contorna da praia da Frouxeira. Rapaces e rapazas concentraron os seus esforzos e amosaron todo o seu talento ao longo de catro días de traballo, en horario de mañá (de 10 a 14 horas) e de tarde (de 15 a 19 horas). O esforzo valeu a pena e o resultado non puido ser mellor.

Páginas

Suscribirse a Concello de Valdoviño RSS