Las noticias y eventos de agenda sólo están disponibles en gallego.

O Concello abre este luns a inscrición no II Itinerario Literario por Valdoviño

O Concello de Valdoviño abrirá este luns 6 de maio o prazo de inscrición no II Itinerario Literario por Valdoviño, no que se convida á veciñanza a percorrer todas as parroquias facendo unha parada nelas para ler unha breve lembranza a modo de recoñecemento dalgún/a autor-a literario que estea ligado directamente co territorio.
 

A actriz Stephy Llaryora trae a Valdoviño o seu monólogo “Eu quero ser galega”

Eu Quero Ser Galega

O auditorio da Casa da Cultura acollerá este domingo 5 de maio o monólogo «Eu quero ser galega», a cargo da actriz Stephy Llaryora. Será a partir das 19 horas, con entrada libre e de balde ata completar aforo.
 
O espectáculo consta de dúas partes diferenciadas, cada unha co seu contido e personaxe independente. Parte da súa graza está na transformación dunha parte noutra, así como no uso do castelán e o galego.
 

O Concello convoca unha “quedada” para pintar as paisaxes de Valdoviño

O Concello, a través da Concellería de Cultura, organiza unha nova “quedada” no municipio para pintar ao aire libre. Non hai límite de idade, tan só ganas de compartir unha mañá creativa en Valdoviño. A “quedada” estará guiada polo pintor Manuel Carballeira e celebrarase este domingo 5 de maio. O punto de encontro será a Casa da Cultura, ás 10 horas. Iso si, os participantes deberán formalizar a súa inscrición. Poden facelo dende xa e ata este venres 3 de maio, de 10 a 14 horas, na Casa da Cultura ou no teléfono 981 48 76 66 (sinalando nome e apelidos, idade e parroquia).

O Concello organiza unha xornada de portas abertas coincidindo coa apertura do prazo de preinscrición na Aula da Natureza-PAI

O alcalde, Alberto González, informou esta mañá de que o Concello celebrará este xoves 2 de maio unha xornada de portas abertas na Aula da Natureza-Punto de Atención á Infancia coincidindo coa apertura do prazo de preinscrición neste recurso de cara ao vindeiro curso. Celebrarase de 16,30 a 18,30 horas, de modo que as persoas interesadas poidan coñecer de preto non só as instalacións senón tamén o proxecto educativo do centro, baseado no respecto polo medio e a contorna.

Últimos días para anotarse ao xantar da XIX Mostra de Asociacións de Valdoviño

A XIX Mostra das Asociacións de Valdoviño celebrarase este sábado 4 de maio en Meirás e, máis concretamente, no pavillón municipal do Longoiro a partir das 13 horas e durante toda a xornada. Organizada polas asociacións culturais, veciñais e deportivas, a asociación de amas de casa, a ANPA e o Concello de Valdoviño, as persoas interesadas en tomar parte aínda poden adquirir os seus tickets para o xantar (o prazo remata este mércores 1 de maio). Están a disposición do público nas asociacións organizadoras.
 

Páginas

Suscribirse a Concello de Valdoviño RSS