Las noticias y eventos de agenda sólo están disponibles en gallego.

Valdoviño celebra este sábado a II edición do Festival de Panxoliñas

Por segundo ano consecutivo, Valdoviño celebrará o seu Festival de Panxoliñas. Terá lugar este sábado, 15 de decembro, no auditorio municipal da Casa da Cultura. Dará comezo ás 18 horas e a entrada é libre e gratuíta.
 
O certame musical, co que Valdoviño dá a benvida ó Nadal, estará presentado pola profesora Eva Robles, directiva da asociación A Frouxeira, e nel participarán as corais Agarimo de Sillobre, do concello veciño de Fene, e Lembranzas da Terra, de Valdoviño.
 
A cita está organizada pola coral local e conta coa colaboración do Concello de Valdoviño.

I Recital de Nadal este venres dos alumnos e alumnas da Escola de Música

O auditorio municipal da Casa da Cultura será escenario este venres, 14 de decembro, dun concerto de Nadal moi especial, protagonizado polos alumnos e alumnas da Escola Municipal de Música. No mesmo, amosarán o aprendido ó longo destes últimos meses nas clases de música e movemento para nenos e nenas de 3 a 5 anos, guitarra, piano, batería e canto. Clases que se celebran cada semana na antiga escola unitaria da Carreira, emprazada en Sequeiro. Todos eles interpretarán cancións infantís tradicionais.

Manuel Amor expón en Valdoviño os seus “Recunchos e Momentos”

O pintor Manuel Amor Gabeiras inaugura exposición en Valdoviño este venres, 14 de decembro, a partir das 19 horas e entrada libre. Regresa ó municipio coa mostra «Recunchos e Momentos », unha selección de obras pintadas ó óleo e con ceras. Na Casa da Cultura permanecerán ata o vindeiro 11 de xaneiro en horario de mañá, de 10 a 14 horas, e as fins de semana en horario de mañá e de tarde, de 16 a 19 horas. Así, o público ten unha oportunidade única para achegarse á obra deste pintor autodidacta durante o tempo de Nadal.
 

O Concello pon en marcha a campaña “Na Caixa de correo do Nadal… comparte ilusións”

O alcalde, Alberto González, informou esta mañá da posta en marcha da campaña solidaria de Nadal «Na Caixa de Correo do Nadal… comparte ilusións». A través da mesma, todos os nenos e nenas do municipio poderán entregar a súa carta para os Reis Magos, Papá Noel e o Apalpador nunha caixa de correo especial, que estará ubicada ata o día 16 na Casa da Cultura. O Concello facilitará gratuitamente o modelo de misiva en diferentes espazos municipais como o CPI Atios, a Casa da Cultura e a Casa Consistorial.

Cunha visita a empresas do sector surf, e co acto de benvida institucional comeza o fam trip Costa das Ondas

Recepción ós participantes presidida polo alcalde de Valdoviño

A Mancomunidade de Concellos da Comarca de Ferrol, por medio do convenio asinado coa Xunta de Galicia, a través da Axencia Turismo de Galicia para a promoción do xeodestino Ferrolterra – Rías Altas, está a organizar una visita a Ferrolterra e Ortegal de varias federacións nacionais de surf que proveñen de diferentes países europeos.
 

Páginas

Suscribirse a Concello de Valdoviño RSS