O Concello propón á veciñanza crear un álbum de imaxes antigas de Valdoviño

Cartaz da iniciativa

O Concello de Valdoviño propón un reto a veciñas e veciños en redes sociais neste tempo de confinamento obrigado polo coronavirus. Así, propón rebuscar nos caixóns da casa e compartir en facebook fotografías antigas do municipio. Cada día, cunha temática diferente. A fórmula é sinxela:
 
-Estar atentos á temática proposta no día polo Concello a través da súa páxina de Facebook
-Seleccionar as imaxes
-Subilas a Facebook e etiquetar ao Concello (@concellodevaldovino)
 

O Concello de Valdoviño levará a cabo unha desinfección diaria de instalacións municipais e locais comerciais

Tarefas de desinfección

O alcalde de Valdoviño, Alberto González, informou esta mañá de que o Concello iniciou esta mañá unha campaña de desinfección de instalacións e vehículos municipais e establecementos comerciais e profesionais con atención presencial. Tarefas que desenvolve a empresa especializada INSA.
 
Iniciábanse nos vehículos de Policía Local, continuaban na casa consistorial e proseguían en establecementos comerciais (levaranse a cabo, entre outros, nas tres cooperativas con supermercado, farmacias, panaderías, comercios…).
 

O Concello de Valdoviño recollerá a domicilio as donacións particulares de material para servizos sociosanitarios

Campaña recollida material

O alcalde de Valdoviño, Alberto González, fixo un chamamento á veciñanza e aos negocios locais para sumarse á donación de material dirixido aos servizos sanitarios e sociosanitarios co que afrontar a atención nesta situación de alerta, á espera de recibir máis recursos. Precisamente, o Concello entregaba onte á noite unha remesa de mascarillas no centro hospitalario de Ferrol e, dende hoxe, recollerá a domicilio as donacións realizadas pola cidadanía e trasladaraas ás instalacións sanitarias.
 

Aviso visitas cemiterios

O Obispado de Mondoñedo Ferrol vén de comunicar ao Concello de Valdoviño o peche provisional dos cemiterios do municipio ás visitas. A medida manterase vixente ata novo aviso
 

Servizos municipais de Valdoviño ante a situación de alerta

Servizos Municipais

Ante as restriccións á atención presencial, o Concello de Valdoviño lembra á veciñanza que pode realizar os seus trámites coa Administración local de forma telemática (sede.concellodevaldovino.com) e telefónica no 981 48 70 41. Así mesmo, o rexistro xeral abre de 9 a 14 horas (só para tramitacións estrictamente necesarias), lembrando que os prazos dos procedementos administrativos en curso están a día de hoxe suspendidos.
 

O pago do rodaxe queda aprazado ata novo aviso

En aplicación do Real Decreto 463/2020, polo que se declara o estado de alarma, a Deputación Provincial da Coruña informa da suspensión dos termos e a interrupción dos prazos para a tramitación de todos os procedementos tributarios que xestiona a Deputación da Coruña.
 
En consecuencia, os prazos vixentes de pago de todas as taxas e impostos pendentes quedan en suspenso e van ser ampliados, polo que a cidadanía non debe preocuparse se ten un trámite pendente cos servizos de xestión e recadación tributaria da Deputación.
 

O Concello suma á súa plantilla dous auxiliares de policía, xa en activo

O alcalde, Alberto González, informou esta mañá da incorporación á plantilla municipal de dous auxiliares de Policía Local, ampliando de tres a cinco o número de axentes municipais. A actual situación de alerta motivou a súa incorporación inmediata ao servizo e, unha vez se dé por superada, os auxiliares completarán a súa formación na Academia Galega de Seguridade Pública, tal e como marca a normativa.
 

O Concello habilita 2 liñas telefónicas de axuda

Liñas telefónicas

O alcalde, Alberto González, informou esta mañá de que o Concello vén de habilitar os números de teléfono 695 096 198 e 628 711 080 para atender as consultas e necesidades das veciñas e veciños maiores, daqueles persoas que viven soas e daquelas que se atopan nunha situación de especial vulnerabilidade.
 
Así, a través destas liñas telefónicas, o Concello tentará solventar as dúbidas que a veciñanza teña en relación ás medidas e restriccións aprobadas para previr a expansión do COVID-19 (coronavirus).
 

O Concello aproba habilitar estacionamentos para persoas con diversidade funcional nas inmediacións da rotonda da Frouxeira

O Concello prevé habilitar na zona contigua á rotonda da praia da Frouxeira prazas de estacionamento destinadas a aquelas persoas con diversidade funcional. Así o anunciou o alcalde, Alberto González, tras a aprobación inicial en pleno da modificación da ordenanza municipal de tráfico que permite adoptar esta iniciativa e que hoxe publica o Boletín Oficial da Provincia (BOP).
 

Viaqua pecha temporalmente a oficina do servizo municipal de auga

Viaqua anunciou o peche das oficinas de atención ao público de forma temporal. Esta medida preventiva está orientada a garantir a seguridade e saúde do persoal e os clientes, e atópase en liña coas medidas xa tomadas previamente e coas recomendacións feitas pola Xunta de Galicia e tamén polo Goberno de España ao tecido empresarial e outras organizacións. 
 
Todas as xestións poderanse seguir realizando a través das canles de atención non presenciais como son teléfono de atención ao cliente (900 201 230), teléfono de incidencias (900 201 250) e oficina virtual.
 

Pages

Subscribe to noticias