A Xunta notifica que a calificación das augas das praias de Valdoviño é excelente

A auga das praias de Valdoviño, coa calificación de excelente

A Xunta de Galicia, a través da Consellería de Sanidade, vén de notificar ao Concello de Valdoviño a clasificación sanitaria final da auga das praias para o 2020, que califica de excelente. O informe alude ás seguintes zonas: Baleo, Campelo, Frouxeira, Meirás, Mourillá, Pantín e Vilarrube.
 
A clasificación sanitaria final será vixente para a tempada 2020 e, tal e como recolle a normativa, o Concello informará da mesma aos usuarios/as nas inmediacións dos areais.
 

O Concello de Valdoviño abre o proceso de contratación de 4 peóns e 1 albanel oficial

Casa consistorial de Valdoviño

O Concello de Valdoviño procederá á contratación de 4 peóns e 1 albanel oficial de segunda con cargo a unha achega de 43.000 euros procedentes do programa PEL-Concellos da Deputación provincial. Os contratos serán a xornada completa por espazo de 5 meses. Así, as persoas interesadas nas prazas poderán presentar a instancia correspondente no Rexistro Xeral a partir de mañá luns 18 de maio e por espazo de 5 días naturais.
 

Aprobadas exencións no pago da tasa do lixo para empresas e autónomos obrigados ao cese de actividade polo COVID-19

Casa consistorial Valdoviño

Empresas e traballadores/as autónomos/as que se visen obrigados ao peche ou cese de actividade a raíz do estado de alarma imposto polo COVID-19 poderán solicitar unha exención do pago da tasa do servizo de recollida do lixo. Así o aprobou o executivo municipal que preside Alberto González na reunión da Xunta de Goberno Local celebrada no día de onte. Foi esta unha das medidas anunciadas no último pleno, celebrado a semana pasada.

Aberto o prazo de preinscrición na Aula da Natureza-Punto de Atención á Infancia

Preinscrición Aula da Natureza

O Concello abriu este 14 de maio o prazo de preinscrición na Aula da Natureza-Punto de Atención á Infancia. O alcalde, Alberto González, apuntou que as instalacións contan con 20 prazas para nenos e nenas de 4 meses a 3 anos e que as familias interesadas en dispor do servizo deben presentar a súa solicitude e documentación antes do día 30 de maio no Rexistro Xeral –primeira pranta da casa consistorial-.

A Mancomunidade fai un chamamento á responsabilidade da cidadanía para non dar pasos atrás na loita contra a covid-19

Reunión da Mancomunidade

A Mancomunidade de Concellos da Comarca de Ferrol celebrou esta tarde unha reunión telemática na que os representantes dos nove municipios (Ares, Cabanas, Cedeira, Fene, Ferrol, Mugardos, Narón, Neda e Valdoviño) acordaron facer un chamamento á responsabilidade da cidadanía nesta fase 1 do retorno á normalidade. Os alcaldes piden que se cumpran as medidas establecidas polas autoridades para que non se malogre a tendencia á baixa nos casos de covid-19.

O refuxio de Mougá volverá entregar animais en adopción a partir do luns

Refuxio de Animais

A Mancomunidade de Concellos da Comarca de Ferrol ten previsto volver prestar o luns o servizo de adopción no Refuxio de Animais de Mougá. O centro mantivo a súa actividade esencial durante a crise sanitaria. Non obstante, no momento en que se decretou o estado de alarma, suspendeu a atención ao público para adopcións, en concordancia coas medidas de confinamento, xa que a visita ao centro non se considera un desprazamento xustificado, e para evitar a propagación do virus.

A Mancomunidade de Concellos da Comarca de Ferrol maniféstase en apoio do persoal de Noa Madera Creativa

Reunión da Mancomunidade

Os nove concellos da Mancomunidade acordaron subscribir na reunión que mantiveron onte un manifesto institucional de apoio á empresa Noa Madera Creativa, polo mantemento dos postos de traballo e en contra da súa precarización. Ademais do anterior, na reunión mantida polos representantes dos concellos mediante videoconferencia, analizáronse conxuntamente as medidas relacionadas coa desescalada do estado de alarma e co apoio aos sectores e persoas máis prexudicados economicamente pola situación.  

 

O Concello inicia o reparto de mascarillas entre os nenos e nenas de 3 a 14 anos

O alcalde e o concelleiro de Servizos supervisan o material

O alcalde de Valdoviño, Alberto González, informou esta mañá de que o Concello iniciará mañá venres 8 de maio o reparto de mascarillas hixiénicas reutilizables para nenas e nenos de entre 3 e 8 anos (incluídos) e de mascarillas dun só uso para aqueles de 9 a 14 anos (incluídos). Iso si, como requisito é preciso estar empradroados/as no municipio de Valdoviño.
 

O Concello adecenta o espazo que acollía a valla publicitaria da Porta do Sol

Intervención realizada

O Concello vén de realizar unha pequena intervención de mellora no aparcadoiro da Porta do Sol, anexo á Oficina de Turismo. Uns traballos que veñen precedidos da retirada da valla publicitaria existente no lugar por motivos de seguridade. A actuación, que levaron a cabo operarios municipais e tivo custe cero para as arcas locais, buscaba adecentar este espazo, ata a data foco de concentración de residuos.

O Concello prevé aforrar 10.000 euros anuais coa adquisición de casetas de socorrismo e aseos móbiles para os areais

Recreación aseo adaptado

O Concello de Valdoviño informa de que a Xunta de Goberno Local proporá a adxudicación á empresa CIMBRA CONTRACTS SL do contrato para o subministro e instalación de casetas que den servizo aos socorristas e máis aseos portátiles. Infraestruturas que se emprazarán naquelas praias do municipio que carecen de instalacións permanentes e, segundo explicou o alcalde, Alberto González, con esta iniciativa o Concello evitará cada verán o correspondente desembolso polo aluguer destas instalacións, estimado nuns 10.000 euros anuais.
 

Pages

Subscribe to noticias