News and calendar events are only written in Galician language

Maxia, monicreques, acrobacias… este domingo no entorno das Forcadas

O Concello de Valdoviño volve a apostar este verán polo programa municipal «Escenarios Paralelos» a través do cal as propostas culturais saen da Casa da Cultura e viaxan a lugares como o encoro das Forcadas, parques infantís ou adros de igrexas. Así, o Concello inaugura o mes de xullo cun espectáculo familiar, «Ghop !» no entorno do Club Náutico das Forcadas. Será este domingo, 1 de xullo, a partir das 19,30 horas.
 

O Concello pon a disposición da veciñanza a pista deportiva da praia da Frouxeira

Pista deportiva

O concelleiro de Deportes, Sergio Saavedra, avanzou que mañá venres, 29 de xuño, o Concello reabrirá a pista deportiva municipal anexa ó camping da praia da Frouxeira. Unha pista que, durante os últimos anos, tivo un uso restrinxido ás actividades municipais deportivas de verán e que agora o Concello pon a disposición da veciñanza. A única limitación de uso será naqueles horarios nos que se desenvolvan as clases de tenis do Concello (martes e xoves de 10 a 12 horas) e actos puntuais comunicados con suficiente antelación.
 

“Surf e Aves”, do fotógrafo Gonzalo Cueto, nova exposición do Océano Surf Museo

O Océano Surf Museo inaugura exposición. Será a segunda mostra temporal destas instalacións pioneiras en España e, nesta ocasión, a fotografía será a protagonista. “Surf e Aves” é o título da mostra, que recolle preto de medio centenar de imaxes, estampas, instantes que Gonzalo Cueto, un dos pioneiros en Galicia da fotografía de surf, foi recollendo ó achegarse á beira do mar ó longo da súa dilatada traxectoria como fotógrafo amateur.

O Concello inicia os trámites para adquirir os terreos da antiga Cámara Agraria

Solar contiguo á casa consistorial sede da antiga Cámara Agraria

O alcalde, Alberto González, avanzou esta mañá que o Concello vén de iniciar os trámites para a adquisición dos terreos nos que se emprazaba a antiga Cámara Agraria de Valdoviño. Uns terreos que se atopan anexos á propia casa consistorial e que, ata hai uns meses, albergaban o edificio da Cámara. O seu avanzado estado de deterioro, agravado pola falla de uso nos últimos dez anos, levou á Xunta, propietaria de inmoble e solar, á súa demolición e conversión da zona en espazo verde.

Galicia recupera o título nacional de equipos autonómicos nunha apretada clasificación final na Frouxeira

A selección galega
Foto de familia da selección

A xornada de onte foi decisiva para coñecer á nova campiona de España por equipos autonómicos. A selección anfitriona impúxose nun apretadísimo final sobre a segunda clasificada por tan só 210 puntos. O campionato de seleccións autonómicas foi un dos máis disputados que se lembra. Ata a última manga, a final de surf sub 14 masculina non estaba nada decidido. A selección cántabra, a canaria e a galega pelexaron ata o último minuto por levar o cetro nacional.

Pages

Subscribe to Concello de Valdoviño RSS