News and calendar events are only written in Galician language

Últimos días para apuntarse ó curso gratuíto de defensa persoal dirixido a mulleres

O Concello, a través da Concellería de Servizos Sociais, organiza un curso de defensa persoal dirixido a mulleres. Celebrarase en dúas xornadas: o 3 e o 5 de decembro, en horario de 16 a 20 horas, e terá por escenario o local social de Vilaboa –na antiga escola unitaria-. As mulleres interesadas en tomar parte na actividade, completamente gratuíta, deben formalizar a súa inscrición antes do venres, 30 de novembro, no departamento municipal de Servizos Sociais –pranta baixa da casa consistorial- ou chamando ó teléfono 981 981 48 70 41 ext.5.
 

O Océano Surf Museo cumpre o seu primeiro ano

Visita escolar ó museo

O Concello organiza este domingo unha xornada de portas abertas con visita guiada da Pantín Surf Camp, unha das escolas promotoras, xunto ó Concello, destas instalacións pioneiras en España
 

Máis de 150 imaxes presentadas ó certame para confeccionar o calendario municipal

Reunión do xurado

Finalmente, a veciñanza presentou máis de 150 imaxes ó certame convocado pola Concellería de Cultura para a elaboración do calendario municipal do 2019. Un calendario que edita todos os anos o Concello e que reparte entre veciños e tecido asociativo. Presentarase o vindeiro 23 de decembro nun acto público no auditorio da Casa da Cultura e, a partir de aí, comezará a súa distribución.
 

Xornada de Orientación Laboral en Valdoviño

O Concello de Valdoviño, da man da Mancomunidade, promove o vindeiro 30 de novembro unha sesión de portas abertas de Orientación Laboral. Será no salón de plenos da casa consistorial e os destinatarios son as persoas veciñas do Concello de Valdoviño que estean en procura de emprego.
 
A finalidade de dita sesión é establecer un contacto directo coas persoas desempregadas que fagan búsqueda activa de emprego para coñecer as súas demandas e intereses de cara a futuras intervencións de orientación laboral que favorezan a súa inserción no mercado de traballo.
 

O Concello convoca á veciñanza á V Andada Urbana para a eliminación da violencia contra as mulleres

Mostra do IES Leixa na Casa da Cultura

O Concello de Valdoviño convoca, por quinto ano consecutivo, a Andada Urbana para a Eliminación da Violencia contra as Mulleres. Unha marcha reinvindicativa coa que a Administración local conmemorará o Día contra a Violencia de Xénero. Celebrarase este domingo, 25 de novembro, e desenvolverase en horario de tarde para facilitar a asistencia. Así, sairá da Casa da Cultura ás 17 horas para iniciar un percorrido ata o entorno da praia e lagoa da Frouxeira. Culminará no monolito adicado á Muller instalado hai dous anos.

Pages

Subscribe to Concello de Valdoviño RSS