News and calendar events are only written in Galician language

O Océano Surf Museo incorpórase á Rede de Espazos Museísticos Atlánticos

O Océano Surf Museo de Valdoviño vén de adherirse á Rede de Espazos Museísticos Atlánticos, tal e como acordou o consello da entidade na reunión celebrada o pasado venres no Centro de Extensión Universitaria e Divulgación Ambiental de Galicia (CEIDA), na que xa tomou parte o alcalde, Alberto González, en representación do municipio.
 

24 veciños e veciñas participan en Valdoviño e en Sequeiro nos cursos de manexo do móbil e do ordeador organizados polo Concello

Un total de 10 veciños e veciñas iniciaban esta mañá no centro comunitario o curso «Toma de contacto co computador» e, outros 14, farán o propio esta tarde na acción formativa sobre «Manexo do teléfono móbil ou smartphone» no local social de A Carreira (Sequeiro). Ambas iniciativas inclúense no programa municipal de igualdade e prevención das violencias machistas «Somos e Contamos», que impulsa o Concello de Valdoviño e, nesta ocasión, conta coa colaboración do INICE, que guía as sesións, subvencionadas polo Ministerio de Sanidade, Servizos Sociais e Igualdade.
 

A Casa da Cultura acolle mañá unha xornada informativa sobre o Xeoparque do Cabo Ortegal

O alcalde de Valdoviño, Alberto González, convida á veciñanza a participar mañá mércores na xornada informativa sobre o proxecto do Xeoparque do Cabo Ortegal que se celebrará no auditorio da Casa da Cultura a partir das 18 horas.
 
Na mesma, ofrecerase información sobre que é un xeoparque, os seus beneficios no territorio ou casos doutros proxectos, xa en funcionamento, nos que se están a desenvolver actividades de éxito. A entrada é de balde.
 

O Concello abre o prazo de preinscrición na campaña de esquí da Deputación

O Concello de Valdoviño, a través da Concellería de Deportes, abrirá mañá martes o prazo de preinscrición na Campaña de Esquí 2020 que promove a Deputación provincial da Coruña. Un trámite que debe formalizarse ata o 4 de decembro no Rexistro Xeral –a ficha de inscrición pode descargarse da web municipal-. A través da mesma, rapaces e rapazas de entre 11 e 15 anos (cumpridos a 31 de decembro de 2020) poderán gozar de estancias na estación de Cabeza de Manzaneda.

O Concello de Valdoviño organiza as I Xornadas Surf e Desenvolvemento Sostible

I Xornadas Surf e Desenvolvemento Sostible

O alcalde de Valdoviño, Alberto González, avanzou esta mañá a celebración no municipio das I Xornadas Surf e Desenvolvemento Sostible, que terán lugar o xoves 28 e o venres 29 de novembro no Océano Surf Museo. Segundo explicou, con elas búscase crear unha canle de diálogo entre as entidades que, tanto no concello como na bisbarra, desenvolven a súa actividade económica en torno ao produto de surf, e o seu obxectivo fundamental é mellorar a competitivade do sector no territorio.

Pages

Subscribe to Concello de Valdoviño RSS