News and calendar events are only written in Galician language

O paseo da Frouxeira xa luce o mural urbano creado polos rapaces e rapazas do obradoiro de graffiti e guiado pola ilustradora NANA

O mural urbano creado no marco do obradoiro de graffiti organizado polo Concello de Valdoviño e guiado pola ilustradora, educadora artística e artista mural NANA xa luce no paseo da Frouxeira. Os rapaces e rapazas que participaron na súa creación daban as últimas pinceladas o pasado venres no inmoble que alberga os aseos do paseo, conseguindo un resultado chamativo e espectacular.

Arranca o obradoiro de graffiti guiado pola ilustradora NANA para crear un mural urbano sobre o surf no paseo da Frouxeira

Inicio dos traballos de creación do mural

O obradoiro de graffiti organizado polo Concello de Valdoviño e guiado pola ilustradora, educadora artística e artista mural NANA arrancaba esta mañá no paseo da Frouxeira. Un taller no que están a participar rapaces e rapazas a partir de 12 anos e que continuará mañá venres cun obxectivo: formar ós mozos e mozas nesta técnica e, tamén, crear un mural urbano sobre o surf. Precisamente, a actividade inclúese nos actos organizados pola Concellería de Cultura para conmemorar o primeiro aniversario do Océano Surf Museo, o primeiro de España adicado a este deporte.
 

Concello e movemento asociativo organizan este sábado a Cabalgata de Reis

As súas Maxestades os Reis Magos de Oriente farán unha parada este sábado, 5 de xaneiro, no municipio de Valdoviño. Invitados polo Concello e máis as entidades e asociacións da localidade, chegarán á casa consistorial sobre as seis e media da tarde. Alí os esperarán deceas de nenos e nenas que solicitaron viaxar nalgunha das carrozas da comitiva real.
 
Todos eles iniciarán un percorrido que os levará á Casa da Cultura e no que repartirán centos de caramelos. No auditorio, atenderán as peticións dos máis pequenos da casa e entregaranlles un pequeno obsequio.
 

A Mancomunidade de Concellos da Comarca de Ferrol xunto coa Federación Galega de Surf e Body Board celebran a Gala do Surf 2018 na Casa da Cultura do Concello de Valdoviño

Valdoviño acollerá este sábado, 29 de decembro, a Gala do Surf 2018. Celebrarase na Casa da Cultura, a partir das 19,30 horas, e reunirá ós mellores surfistas do presente ano que competiron no Circuito Galego de Surf, así como a aquelas persoas e entidades cunha especial vinculación coa Federación Galega de Surf, autoridades e representantes da Mancomunidade e da Federación Española de Surfing. Unha cita ineludible para as persoas afeccionadas ó surf en Galicia.
 

A Deputación colabora co Concello de Valdoviño na mellora das súas praias

O presidente da Deputación e o alcalde de Valdoviño

O presidente da Deputación da Coruña, Valentín González Formoso, e o alcalde de Valdoviño, Alberto González, asinaron esta mañá o convenio de colaboración polo que a Deputación destina 134.000 euros para colaborar co municipio no mantemento e mellora das súas praias e, principalmente, do servizo de salvamento e socorrismo.
 

Pages

Subscribe to Concello de Valdoviño RSS