News and calendar events are only written in Galician language

Subvencións para a instalación de ascensores e outros dispositivos de accesibilidade en vivendas

A Xunta de Galicia vén de convocar unha liña de subvencións ó abeiro do Programa de instalación de ascensores e outros dispositivos de accesibilidade en edificios de tipoloxía residencial colectiva, nas súas vivendas dúplex e en vivendas unifamiliares. O obxectivo das axudas é incentivar a colocación deste tipo de infraestruturas para favorecer o dereito á accesibilidade universal, no ámbito concreto da accesibilidade arquitectónica.
 
Lugar de presentación

O local da AVV de Meirás acolle este martes unha charla sobre alzhéimer

Cartel da charla

O local da AVV de Meirás será escenario este martes, 12 de setembro, dunha Xornada Divulgativa sobre Alzheimer organizada por AFAL en colaboración coa entidade veciñal e o Concello de Valdoviño. Unha xornada incluída na programación de actos deseñada pola asociación de familiares de enfermos de alzheimer e outras demencias para conmemorar neste mes de setembro o Día Mundial do Alzheimer. Dará comezo ás 19 horas, con entrada de balde.
 

A veciñanza vólcase cos deportistas locais Adrián e Yolanda Hermida

Os homenaxeados, con membros da corporación

Os deportistas locais Adrián e Yolanda Hermida recibiron esta mañá o calor e agarimo dos seus veciños e veciñas no acto de homenaxe organizado pola Concellería de Deportes de Valdoviño. Visiblemente emocionados ante un auditorio da Casa da Cultura a rebosar, os irmáns Hermida entraban acompañados do alcalde, Alberto González, e do edil de área, Sergio Saavedra. Alí, ante os seus veciños e veciñas, o rexidor destacaba a excepcional traxectoria de ambos. Adrián, recente campión europeo de kaiak polo coa selección española senior e, Yolanda, sexta co combinado estatal sub 21 no Europeo.

A Casa da Cultura de Valdoviño acolle este sábado a homenaxe ós deportistas locais Adrián e Yolanda Hermida

A Casa da Cultura de Valdoviño será este sábado, 9 de setembro, escenario do acto de homenaxe ós deportistas locais Adrián e Yolanda Hermida. Un acto organizado pola Concellería de Deportes do Concello de Valdoviño para recoñecer os extraordinarios éxitos deportivos acadados por ambos. Por iso, o alcalde, Alberto González, invita á veciñanza a sumarse á convocatoria. Principiará ás 12 horas con entrada libre.
 

O Concello abre este luns a inscrición na XVIII Andada a San Andrés de Teixido

Andada a San Andrés en 2016

O Concello de Valdoviño organiza un ano máis a Andada a San Andrés de Teixido. Será a XVIII edición e celebrarase o sábado, 23 de setembro. O prazo de inscrición abrirase o vindeiro luns, 11 de setembro, e os interesados deben dirixirse á Casa da Cultura para retirar a documentación –máximo 5 por persoa- en horario de 9 a 13 horas. O prazo remata o 19 de setembro, e hai límite de prazas. Iranse formalizando por orde de inscrición e farase unha lista de reserva cos interesados que ficasen sen praza.
 

Pages

Subscribe to Concello de Valdoviño RSS