News and calendar events are only written in Galician language

VII Festival Solidario a favor de Cáritas este sábado no Concello de Valdoviño

Entidades veciñais, culturais, deportivas, ANPA e asociación de amas de casa, en colaboración co Concello e coas empresas Paula Raamonde Varela, Pabulandia e Industrias ET, únense este sábado para organizar a VII edición do Festival Solidario a favor de Cáritas. Unha oportunidade para disfrutar dunha xornada de lecer e, ao mesmo tempo, apoiar a extraordinaria labor de Cáritas.
 
Así, o festival desenvolverase en horario de mañá no pavillón do CPI Atios, e de tarde na Casa da Cultura, e a veciñanza pode colaborar cos seus donativos, que se establecen en tres euros.
 

O Concello inicia unha campaña especial de acondicionamento do entorno dos areais de cara á Semana Santa

O alcalde, Alberto González, informou esta mañá de que o Concello de Valdoviño, a través das concellerías de Obras e de Servizos, vén de iniciar unha campaña especial de acondicionamento do entorno dos areais do municipio de cara á Semana Santa, época festiva na que tradicionalmente Valdoviño recibe a visita de centos de turistas ou simplemente a súa veciñanza aproveita para disfrutar durante os días de descanso da súa privilexiada contorna costeira.
 

O Concello inicia os traballos de acondicionamento de preto de 15,5 kms de pistas e camiños por 167.000 euros

Avenida Couce Casas

O alcalde de Valdoviño, Alberto González, informou esta mañá do inicio dos traballos de acondicionamento de 25 rúas, pistas e camiños nas diferentes parroquias por un importe de 166.980 euros que se financiarán con cargo ao POS+ 2018 da Deputación provincial da Coruña. Traballos que se executarán ao longo de preto de 15,5 kms en todas as parroquias.

O Concello de Valdoviño organiza un obradoiro de graffitti a cargo de NANA

A ilustradora, educadora artística e artista mural NANA impartirá en Valdoviño un novo obradoiro de graffiti para rapaces e rapazas a partir de 14 anos (e ata 30). Será do 15 ao 18 de abril, das 10 ás 14 horas e das 15 ás 19 horas.
 
Para participar, hai que inscribirse na Casa da Cultura, dende hoxe e ata o día 12 de abril, de 10 a 14 horas ou chamando ao teléfono 981 48 76 66. A actividade está subvencionada pola Dirección Xeral de Xuventude, Participación e Voluntariado da Xunta de Galicia.
 

O Concello de Valdoviño inicia o trampeo primaveral contra a velutina

Instalación dunha das trampas na Frouxeira

O alcalde, Alberto González, informou esta mañá de que o Concello levará a cabo esta semana a campaña de trampeo primaveral contra a vesta velutina. Uns traballos que correrán por conta da Agrupación Local de Voluntarios de Protección Civil cos que tentar reducir e evitar a propagación de la velutina en Valdoviño. O rexidor apunta que «é o momento adecuado para atraer ás raíñas ás trampas que se van a instalar en parques e inmediacións de edificios municipais». En total, medio centenar.

Pages

Subscribe to Concello de Valdoviño RSS